انا ولدي يمر بمرحلة تقليد ياحبي له ..انا ساكنه بدور ارضي وتدخل علينا الصراصير وطبعا يبدا الصراخ مني ومن زوجي وهو يتولى امر ذبحها ودايما ياخذ مكنسه كبيره من السعف ويطقها بها وهو يلعنها ويهاوش لاني اناديه احيانا وهو مشغول ويجي يشيلها بالمجراف ويرمي بس الصرصور المسكين ماهو مبين وولدي يشوف هذا الموال شبه يومي بس ماهو شايف شئ
واجي يوم والقاه ماسك نفس هالمكنسه ومعه المجرف ويطق بالارض ويتمتم وهو معصب ليه مدري ويسوي مثل ابوه ويدف بالمكنسه على المجرف كنه يحط شئ ويعصب وهو مافيه شئ هههه ويروح ويرجعها وكانها ارتاح انه سوى زي ابوه الله يحفظه من كل شر مرات اسمعه بسم الله عليه يضحك بالمطبخ ويشاهق زي المندهش واجي القاه يلاحق صرصور ويبي يمسكه باصبعه وعاجبه يومه يهرب منه يحسبه يلاعبه وهو ميت ضحك ومنسجم تهئ تهئ تهئ كرهت عمري يوم شفته وبس هذا الي يحضرني ومواقف الاطفال تجنن كلها

خخخخخخخخخخخخخخخخخ

مواقفكم توسع الصدر

ذكرتوني بموقف مره بنت خالي عمرها يمكن 4 او 5 وكانوا رايحين عمره وهم يطوفون الا تشوف رجال محرم و طالع صدره وتشهق ذيك الشهقه



وتاشر باصبعها على الرجال وتقول بصوت عالي شوفو د ييييييييده

تخيلو شكل الرجال مسكين انحرج

بنات والله كل شويه اشيك على الصفحة استنى مواقف زيادة اقول عسى اولد من الضحك

المواقف كلها تجنن كلها كلها

اسمعوا مواقف ولدي الحكيمة

مره كان عمره 7 سنوات واحنا عند حلاق الاطفال والمحل مليان حريم ورجال واطفال قلت للفلبيني كيف يحلق له

ورحت اشوف اخته عند الفلبيني الثاني ورجعت اشيك عليه ولا اسمعه يقول للحلاق احلق شعري كله عشان اذا جا صرصور على راسي اشوفه

مابقي احد في المحل ماشهق من الضحك .............ولدي جبان يخاف حتى من النملة

المرة الثانية من اسبوع وعمره 9سنوات تقريبا

انا قاعدة احلق له شعره وبقص الشعر اللي فوق اذنه قلت له حبيبي امسك اذنك بيدك عشان اقص ........مسكها

ولما جيت اقص فلت اذنه قلت يامجنون بغيت اقص اذنك ليه فلتها قال خفت على يدي احتاجها اكثر من اذني

والله من كثر الضحك ماقدرت اكمل له.....................حكيم

كل ماتذكرت شي بحطه لكم عشان الزعلان يوسع صدره وينبسط

عسل ولدج الله يخليه لج و يحفظه من كل شر

عسل ولدج الله يخليه لج و يحفظه من كل شر