كوبونات الراقية تسجيل الدخول

* بنت أدم *

في موضوع محيرني ..

الأسرة والمجتمع •




السلام عليكم ..

كيف الحال .. انشالله طيبين ..

اخواتي واخواني انا في حيرة من امري :( ..

واجهت حالة طارئة من احدى طالبات المتوسط .. طالبة قعدت تبكي وتبكي

وتشكي لي انه ما في احد من طالبات صفها يحبها .. لذلك نشوفها ما تقعد

بالصف مع زميلاتها .. وفي نفس اليوم عرفت من احدى زميلاتها بالصف

ان البنت متعقدة من نفسها يعني ما عندها ثقه .. واذا شافت بنتين او مجموعة

من البنات قاعدين يسولفون ويضحكون تشك انهم قاعدين يضحكون عليها

وتخرج من الصف ودموعها على خدها ..

من قابلتها الثلاثاء اللي مضى وانا مو مرتاحه دايم هي في بالي .. احس انه من

من الضروري اني اساعدها واخذ بيدها .. بنت بعدها في عمر الزهور حرام تعيش

مراهقتها في هم ونكد ..

فكرت اني اخذها للاخصائيه لكن الاخصائيه كبيره في السن يعني اشوف تقبل

البنت لها راح يكون صعب .. وانا مو متخصصه بأمور الارشاد .. ولكن بحكم

تجاربي في الحياة ولصغر سني ممكن اساعدها .. ولكن اخاف ما انجح .. واخاف

تصير لي مشاكل لاني مو معلمه اساسيه .. مجرد متدربة من الجامعه اللي ادرس

فيها ..

مادري وش اسوي .. الله اعلم كيف قلبي تعبان عليها وودي اساعدها باي طريقة ..

على فكرة البنت اول مره تشوفني وسبحان الله من سؤالي لها طلعت اللي في قلبها

وبكت وقطعت قلبي ..

وش تنصحوني انا بحاجة لنصائحكم ..
21
2K

يلزم عليك تسجيل الدخول أولًا لكتابة تعليق.

تسجيل دخول

غلا الفلاحي
غلا الفلاحي •
حاولي اتخلينها تحتك في البنات من خلال ( تهادوا تحابوا ) او انج اتسوين مسابقات قروبات
و خليها تشي لج بكل الي في خاطرها عشان ترتحاح عقب وجهيها

و اتقلي لها كلام على انه من البنات يقولون انج حبوبه و طيوبه و حلوه .... ,....

ترى هالنوع من الجذب حلالالالالالالالال :D

و الله يوفقج
إنسانه طفشانه
إنسانه طفشانه •
هلا وغلا اختي..

انا اشوف انك تجلسين معها وتاخذين اللي بخاطرها..
وتحاولين تقربينها من بنات الصف..
حاولي تعرفين السبب الاساسي من عدم ثقتها بنفسها..
واذا استدعى الامر كلمي اهلها ياخذونها لدورات لبناء الثقه بالنفس..

اهنئك على هذا الاهتمام وهذه الروح الرائعه..
الواثقة من نفسها
الواثقة من نفسها •
يالله أحساسك جدآ عالي ومرهف
الله يجزاك خير على كل عمل لهالبنت
المسكينة وباذن الله تقدرين تساعدينها
عرفيها على بنات يكونون اخلاق وسمعة
وتواصلي انتي معها لا تدخلين اي مسؤولة
اخصائية حتى تاخذي الاذن منها عززي ثقتها
شجعيها ...واذا كان بامكانك تهدينها كتب عن مجال
هي تهواه وتحبة....والله معك حبيبتي وان شاء الله ربي
مايضيع اجرك...وهل جزاء الاحســــــــــان الا الاحســــــأن
* بنت أدم *
* بنت أدم * •
غلا الفلاحي غلا الفلاحي :
حاولي اتخلينها تحتك في البنات من خلال ( تهادوا تحابوا ) او انج اتسوين مسابقات قروبات و خليها تشي لج بكل الي في خاطرها عشان ترتحاح عقب وجهيها و اتقلي لها كلام على انه من البنات يقولون انج حبوبه و طيوبه و حلوه .... ,.... ترى هالنوع من الجذب حلالالالالالالالال :D و الله يوفقج
حاولي اتخلينها تحتك في البنات من خلال ( تهادوا تحابوا ) او انج اتسوين مسابقات قروبات و خليها...



هلااااا اختي غلا الفلاحي .. البنت متعقده من صورتها الخارجيه .. وانا قلت

لييييييه تعتقدين البنات ما يحبونك ؟! وقلت لها مثل ما قلتي انه ما اعتقد البنات

ما يحبونك لانه شكلك طيبه وحبوبه .. وقعدت امسح عليها بيدي في وجهها

وقعدت امسح دمعتها بيدي .. وربي عيوني صارت كلها دموع مسكت نفسي

بالقوووووة حتى لا ازيد الطين بله .. ااااااه يا قلبي وربي العالم هالبنت اثرت

فيني بشكل لا يوصف :( ..

مشكورة غاليتي ..

الله يقدرني واقدر اساعدها ..
* بنت أدم *
* بنت أدم * •
إنسانه طفشانه إنسانه طفشانه :
هلا وغلا اختي.. انا اشوف انك تجلسين معها وتاخذين اللي بخاطرها.. وتحاولين تقربينها من بنات الصف.. حاولي تعرفين السبب الاساسي من عدم ثقتها بنفسها.. واذا استدعى الامر كلمي اهلها ياخذونها لدورات لبناء الثقه بالنفس.. اهنئك على هذا الاهتمام وهذه الروح الرائعه..
هلا وغلا اختي.. انا اشوف انك تجلسين معها وتاخذين اللي بخاطرها.. وتحاولين تقربينها من بنات...



هلاااااا اختي انسانه طفشانة .. وهذا اللي ودي اعمله اني اجلس معاها

واخذ اللي بخاطرها واساعدها قدر الامكان .. ما تعودت اشوف انسان في

ازمه واتركه ما بالكم بنت في عمر الزهور تناظر الدنيا بنظره مظلمة ..

والسبب الرئيسي مثل ما رديت سابقاً صورتها الخارجية ..

تسلمين اختي على هذه التهنئة .. انا اعتبر هالشئ من واجبي كمدرسة او

كطالبة او كأخت كبيره لهم ..

تسلمين اخيتي .. ودي لو تقترحون علي وش السبل المناسبة ..

ومنكم استفيد اكثر حتى اساعدها واطلعها من اللي هي فيها .. والله المستعان ..