في هذا الموقف ايش تسوين

مااعرف هذا الي حصل في خاطري ومقهورة منه والكبت في داخلي اثر على نفسيتي كثير
حبيت افضفض هنا

يابنات ابغى اخذ رايكم في موقف صار معاي قبل شوي

من الظهر واقفة بالمطبخ اسوي فطور للمسجد الله يتقبل

وكان على اساس امي قالت ماتبغى فطور اساسا امي اهم شي الشوربة وهي تتقنها وتعرف لها

وتحب المعكرونة وطبعا هي تعملها وتعرف لها وتسوي على قدها والشغالة واختي الصغيرة مانشيل همها

وكان اخوي قال يبغى يفطر برا واساسا كل يوم انا اسوي فطاير وكل مره حلى لكن ماياكل من الي اسويه دايما

ذوقه صعب يحب شوربة امي وماادري ايش يحب واساسا امي اذا حطت شي وسوته تزعل لو مااتكل

المهم اليوم اخوي قال معزوم على الفطور وانا من الظهر بالمطبخ وقبل اذان المغرب بساعة الا ربع قالت امي

انه يبغى يفطر هنا عل اساس لو اقدر اعمل اكل او شئ وجهزت اكل زيادة وعملت طبقين اضافيات علشان حضرت الاخ

ويادوبك قبل الاذان بخمس دقايق انسدحت على الكنب ومددت رجولي لاني كنت مرهقة وجلست ادعي

واذن اكلت التمرة الي بايدي وبعد انتهاء الادان اخذت الاكل الي سوتيه وديته عند اهلي في الطابق العلوي
ورجولي كانت تعبانة بصراحة مجرد مادخلت تقول امي تجيبين لاخوك التمر والقشطة تاخذين اجر تفطير صايم
انا بلا شعور مقهورة في داخلي لان داااائما امي مدلعة اخوي على حسابي وهو توه صاحي من النوم ومرتاح
يقدر الله لايهينه يقوم يجيب الي يبغى لكن معذور تعود على الدلع والي يبغاه تجيبه هي له
طيب خليه يعتمد على نفسه ويفز هو يجيب لنفسه يخدم حاله بس

قلت لها انا صايمة بعد

المهم اخوي قعد يقول خلاص انا اروح اجيبه وهي قالت انت مافطرتي قالت خلاص انا اروح اجيبه طلعت من الغرفة وقلت ترا من الظهر وانا بالمطبخ اجهز فطور المسجد [ استغفر الله ماابغى ينقص اجري يارب لكن فقط كنت ابغى ابين الحال [
اخذت تتطنز علي:( وتتريق وطلعت من الغرفة وتنكدت نفسي انسدت من الفطور

طبعا امي من الصغر تدلع اخوي على حسابي مع اني الاكبر وتظلمني على حسابه كان جسدي ومشاعري
من حديد وهو مشاعره وجسده من ريش وكان قلبي قلب جمل وقلبه قلب عصفور

بجد انقهرت

انا عارفه هذي امي واحاول ابرها لكن بظلمها واسلوبها ماتساعدني على برها ابدا

مكسور خاطري بصراحة الله يريحني في بيت اعيش فيه بسعادة وارتاح

ودايما اتنكد والضربة فوق راسي اختي الصغيرة اظلم علشانها لانها الاصغر والكبيرة لانها الاكبر والولد هذا لانه
المفضل عندها والولد الصغير لانه الاصغر واخر العنقود

وانا كل ضربة كل شئ فوق راسي :angry: نبجد امس اشوف امي وهي تتعامل مع اخطاء الخادمه
اقول في نفسي الله يرحم حالي ياليتها كانت من زمان تتعامل معاي مثل ماتتعامل مع الخدامه الحين