السلام عليكم ورحمة الله وبركاته
خواتي صار مدة بسيطة جداً أدوام على صيام الأثنين والخميس وأحاول بقدر الأمكان كتمان الأمر خوفاً من رياء أو سوء النية.. مشكلتي تكمن في صيام يوم الخميس حيث أن في هذا اليوم نتفق نحن الخوات على زيارة الأهل والأقارب كونه يوم إجازة ويسهل إجتماعنا ... فغالباً ما نتفق بزيارة الوالدات والمريضات واثناء تقديم واجب الضيافة اضطر الى البوح بأني صايمة و اشعر بأسي لم اقول ذلك بأن يشوب صيامي الرياء او التفاخر...
إستفساري اذا إتفقت مع خواتي لزيارة اي شخص يوم الخميس هل يفضل إني أفطر ام إني اصوم وابعد وسوسة الشيطان عني وشعوري بأني صيامي رياء ..
معلومة لما اكون صايمة أشعر بأني أحسن من غيري وما أدري تجيني هلوسات تشعرني بأني أصوم علشان يقولون عني إني متمسكة بديني ومن هالاكلام وارجع واستغفري ربي ... مع إن نيتي إني احاول اسوي اي شي اقدر عليه لزيادة حسناتي وان اعيش عيشة هنيئة في الدنيا وافوز بالأخرة وان يرضى عني ربي وان تقبل دعواتي المهم اريد الدنيا والأخرة برضى ربي..
اريد رأيكم هل اصوم ام افطر علشان محد يعرف إني اصوم الاثنين والخميس
عمانية من جذوري @aamany_mn_gthory
عضوة نشيطة
يلزم عليك تسجيل الدخول أولًا لكتابة تعليق.
أنا بحسب علمي
إنه إذا كنتي صايمة يوم الإثنين أو الخميس
وزارك أحد ولازم تضيفينه أو زرتي أحد ويضيفوكي
فيستحسن إنك ما تصومين
في حالة أحد زارك... إكرام الضيف واجب
ولازم تكرمينه، وتشاركينه
في حالة سرتي عند أحد
ما يرد الكريم إلا اللئيم
وفي النهاية الدين دين يسر ولا ليس دين عسر
والله يعطيج على قد نيتج
ومشكلة الوسواس اللي تراودك لما تصومين، ترا هذا من عمل الشيطان
عشان يثبطج عن فعل الخير
وعشان تتوقفين، وتقولين في نفسج أنا ما أخلص لله، فليه أصوم
هذا كله من عمل الشيطان، مثل أحيانا لما تصلين، وفكرج يروح بعيد شوي
وبعدين ترجعين وتستغفرين
انتي بينج وبين نفسج اعملي مثل التحدي
كل ما تييج هالوساويس، قولي للشيطان، ما راح تقدر علي إن شاء الله
وإذا بتجين وتوسوس علي، أنا بزيد من فعل الخير، زود على إني أصوم راح أحدد في اليوم ساعة أو مثل ما تبغي
أقرأ فيها القرآن، أو راح أقوم الليل... أو أو، بكذي الشيطان راح يحس إنه يساعدك ففعل الخير
فراح يخليج بإذن الواحد الأحد
وفي النهاية أقول بعد اسألي
والله يجزيج الخير ويعطيج قد نيتج
حبيبتي والله ماادري بس انتى ليش تخلي الوسواس يلعب فيك ليش تحسي انه ريا باالعكس يمكن تشجعيهم على الصيام وباالنسبه للخميس خلى زايارتكم من بعد المغرب افضلحبيبتي والله ماادري بس انتى ليش تخلي الوسواس يلعب فيك ليش تحسي انه ريا ...
في الأوقات اللي يأذن فيها المغرب عندنا ساعة 5.30 او 6 كنت اخر الزيارة لبعد الصلاة ... بس الحين يأذن ساعة 7 فصعب نخلي الزيارة لبعد الصلاة ،لبعد مسافات الزيارة فدائما ساعة 6 نطلع...
الافضل انك ماتزورين احد وانتي صايمه :) هذا والله اعلمالافضل انك ماتزورين احد وانتي صايمه :) هذا والله اعلم
يعني اذا اضطريت اني ازور احد يوم الخميس فيفضل إني افطر بعداً للرياء
الصفحة الأخيرة
بس انتى ليش تخلي الوسواس يلعب فيك ليش تحسي انه ريا باالعكس يمكن تشجعيهم على الصيام وباالنسبه للخميس خلى زايارتكم من بعد المغرب افضل