في وحدة تفكر مثلي ؟؟ .. (الزواج)

اكيد مثلك وانا بنفس عمرك
وجالسه بالبيت لا طلعه ولا دخله
ولما اطلع اللي يشوفوني يقول يارب يرزقك بالزوج اللي يشغلك
ويقولونها برحمه .. أحس احيان اني صرت 47 من كلامهم ..

واذا على المشاكل هذي بيدك انتي ياحبيبتي
وكل ماصارت الوحده أكثر ثقافه ومفهوميه للجنس الاخر قلت المشاكل

يعني ماانكر ان الزوج ينرفز لكن بيدك تقلبي الموازين

والحمدلله متفائله بعد مااتزوج راح يكون اكثر امنا واقل شررا ههههه

الله يوفقنا وياك وجميع البنوتات يارب

شوفي ياقلبي الزواج مثل ماقلتي شر لابد منه والزواج مو كله وناسه ولا كله تعاسه مثل حياتك الحين وانت عزباء يعني اسبوع تلاقين نفسك عادي واسبوع تحسين نفسك مخنوقه ومو طايقه احد ولا تتوقعين تجيك متزوجه وتقولك حياتي كلها سعاده وهناء الا في ماندر وكله خوف من العين والحسد وبعضهم مراعاة لمشاعرك
والحياة الزوجيه ماتخلو من المشاكل ابدا بس الفرق انك كيف تعرفين تحتوين المشكله وتحلينها بهدوء
واذا ع طاري العرس اي نعم بسبب لي الكأبه بس الفرق اني مع ذلك نفسي اتزوج ويستر علي ربي واحقق حلمي بالامومه
هذرت واجد معليش بس حبيت اوضح لك وجهه نظري
موفقه حبيبتي

وعليكم السلام ورحمة الله وبركاته

تدرين ذكرتيني بأختي وهي نفس عمرك تقريبا

تقول لي صرت اخاااااف من الزواج لان كل ماشافتها وحده متزوجه تقول لها احمدي ربنا واحسن لك تقعدين في بيت اهلك

وكل مادخلت قسم الحياة الأسرية أو الإجتماعية تخاف من كثر ماتقرى مشاكل المتزوجات وسبحان الله السنه هاذي انخطبت

بس قبل لاتنخطب استخارت وسبحان الله وافقت وكل شي بس ربي ماتممه لها وهي فرحانه انها استخارت تقول اكيد ربي ماتممه لان مافيه خيره لي

انتي ماعليك من الناس وعلى فكرة تراك في عمر زواج بس مو عانس وانا ما اعتبر اي بنت عانس حتى لوتعدت الخمسين لأنها كلمه قاسيه جدا

والرجّال مايرضى على نفسه هالكلمه حتى لو طق الخمسين وهو ماتزوج والمشكله ان اغلب البنات هم اللي يطلقون على نفسهم هاللقب

عشان كذا تلاقين بعض الاخوان اذا تهاوش مع اخته تشمت فيها وقال لها يا عانس

بالنسبه لكلام الناس ماعليك منهم ..تخيلي انا العام كان عمري 22 زوجة ابوها لصديقتي تقول لنا متى تتزوجن اللي في عمركم جايبين اطفال

والمشكله تكلمنا كأننا خلااااص مررره كبار ..اشوه اني انا وصديقتي منسمات وقعدنا نضحك :hahaha: لو وحده غيرنا يمكن كانت تحسست

وترى الكآبه اللي تحسين فيها مو من تأخر الزواج تراها من الذنوب صدقيني لاني أحيانا احس بكآاااابه لاني مادخلت الجامعه

و والله اني احيانا كنت ابكي لحالي ولما اسمع ان وحده من اقاربنا او معارفي دخلت الجامعه قلبي يعورني واصييييح بس ادعي ان ربي يوفقهم لان العين حق

بس سبحان الله فتره شغلت نفسي بالعباده فقط,صلاة ليل,استغفار,اذكار,تركت الغيبه..والله وجهي صار منور ماشاء الله واحس ان الناس صارت تحبني وتحترمني اكثر

فوقتها اكتشفت ان سبب ضيقة النفس هي التقصير في العبادة واننا جعلنا الدنيا اكبر همنا للأسف

نصيحه لك لاتشغلي نفسك بهالامور الدنيويه ماندري يمكن نموت قبل لانتزوج او قبل لانكمل دراستنا

كل اللي ماتو كان لهم احلام وطموح بس فاجأهم الموت

ادعي لي ربي يهديني ويثبتني وأسأل الله ان يرزقنا وياك وبنات المسلمين بالازواج الصالحين

اصلا في كلا الحالتين كرف ونفخ

يا قلبي أنتي الله يوفقنا وأياك يا رب

الكل يقول الحل بيد المرة .. بس يا أختي أحس لازم يكون فيه تعاون حتى في التأقلم مع العيوب
أدري ما قدرت اوصل لك الفكرة بس بالمثال يتضح المقال :p

قريبتي زوجها عصبي ولسانه طويل ,, وإذا جاته الحاله وقام يصارخ وينافخ تسكت لين حضرتة يهدا ويسكت من نفسة
بس والله هاللحين طاف على زواجهم 22 سنة تقريباً أحس شخصيتها أنطمست وتعودت على الإهانات
صرت لما أشوفها أنقهر ليه كذا :angry2:

شرفتيني :26: