بصراحة أنا مستغربة من انكم تتعاملون معاها كمشكلة اصلا .. وتفكرون في كلام الناس
لأن الي بتعلق وتقول
(شوفوا شوفوا ابيض واخذ سمرا) ،
هي مخلوقة ماتستاهل الالتفات لكلامها ! يعني مو شي تفكرون فيه حتى
بصراحة اللون مو مهم (وش يبي بالبيضاء السمينة جدا ، مثلا) ، اهم شي الملح والجمال وعناصر الجمال الكثيرة ، وبصراحة اكثر الرجال احلى عليه السمار اساسا
هذا من ناحية الجمال برايي الشخصي

اما من ناحية الثقة بالنفس فهي مشكلة محد يقدر يحلها غيرها

نهاية العمر
ماشاء الله ربي يوفقهم ويوفقج ان شاء الله
في ناس جذيه دائما يدورون المختلف ويجذبهم
ان شاء الله تتوكل على الله وتاخذه
مشكورة الغالية


دخون
صح عزيزتي..يعني هو شافها وايد ومن صغرها
وقبل لا يخطبها عارف كل شيء عنها
شكلها واخلاقها...ومثل ما قلتوا اختلاف اللون مو مشكلة
خاصة انه تقدم لها وهو عارف لونها
وان شاء الله ما يصير الا الخير
تسلمين عزيزتي


<رغـد>
ربي يوفق خالج وزوجته ويوفقج ان شاء الله
وربي يتمم عليهم بالخير
والحمدلله مثل ما شفتي كذا تجربة ناجحة ماشاء الله
وان شاء الله هالتجربة تزيد في ابعاد الخوف عنها
ربي يعطيج العافية عزيزتي


campoocha
الناس اذواق
يعني في ناس تعجبهم السمرا وناس البيضا
واعتقد اكثر ما يجذب مو اللون تجذبهم الملامح الحلوة والناعمة
يعني في استثناءات من كل شي
مشكورة الغالية

::Sweety::
وربي صادقة..بس شتقولين في عقلية بعض الناس
اللي تربوا وهم يأخذون كلام الناس على محمل الأهمية
يعني يتأثرون كثير فيهم
هو صحيح قهر..بس حبينا نساعد وشنو نسوي
مشكووووووورة عزيزتي


مشكورين يا بنات
واذا في رد...حياكم الله

خلها تتوكل على الله وتوافق ..

ويما بنات لونهم اسمر بس ماشاء الله فيهم جمال مو طبيعي وجاذبية ..

واذا هو مصر عليها وعارف لونها خلاص يعني الرجال يبغاها ..

وباركي لها مقدماً ..

انغرس بعقليت العالم ان البياض رمز اساسي من رموز الجمال للانثى حتى لو فيها الف عيب دامها بيضا خلاااص مووت :o

لكن الرجال مثلهم مثلنا لهم امزجه وذوق ومنهم الي يحب السمرا ومنهم الي يعشق البيضا
<< هذي بيضا تمنت الله يرزقها برجل اسمر طبعا سمار فااتح مووووو :D

ودامه مثل ماقلتي عارفه وعارف شكلها معناها هو من النوع الاول الي يحب السمر وحب فيها شخصيتها واخلاقها وتربيتها

ولا تنسى الاستخاره اهم شي

وبالتوفيق :26:

..

.

مادام انها صلت الاستخارة خلاص, وكلت أمرها لله وربها بيسر الأمور حتى تشكيكها المفروض انه زال بعد ما صلت وحست بالراحة .. بس أمانه وصليلها على لساني ... وقوليلها تقولج (روحي لك) باجر عقب ما تتزوجين وتتهنين بتضحكين على هالأيام اللي قعدتي فيها محتارة ومتردده وحالتج لله وتفكرين في كلام فلان وعلان..

وأهم شي ما تخلي موضوع اللون يأثر على حياتها في المستقبل..... يعني بالعربي موضوع حتى الواحد ما يفكر فيه وقوليلها السعادة نصنعها بيدينا وأنتهاز الفرص يبيله مخ صافي ومسألة اللون هذي بتشوش على مخها ويمكن يكون له تأثير بس من ناحيتها اهي مب اهو!!

وقوليلها اللي انتي خايفه من انه يبدر من صوبه (يعني من اتجاه الناس اللي حوله) يمكن يصير من صوبج أنتي وأنتي مب حاسه وتصيرين انتي اللي مسويه من اللون مشكلة ماهو الناس.....

وسلامتج واسمحيلي على الإطالة ..