في وحده تبي تصبغ شعرها و كانت مسويه تمليس قبل شهر !!ينفع ولا ماينفعشي؟

سالخيييييييييييير
من زمان ما نزلنا موضوع <-- من زين مواضيعك كلها اسئلة

المهم هاذي وحدة تسألكم تقول ودها تصبغ شعرها وهي مسويه تمليس بالسوفت آند بيوتيفيل قبل شهر تقريبا شعرها مهوب تالف ولا صار فيه شي بعد التمليس لانها من زمان لا صبغت ولا ملست ولا شي يعني من "بضع" سنين ما تعبثت بشعرها<-- ما يمديكم على المصطلحات

هالحين نبي الجواب يا حلوات وش نقولها ؟ تتوكل على الله وتصبغه ولا ما تسوي شي ازين لها؟ وهي تقول ان صبغة "ناتيا" اللي بالفواكه ما تضر وخفيفه فهل هذا صحيح؟ او وش تقترحون عليها اذا تقدر تصبغ وش الصبغه اللي تكون خفيفه بعد التمليس؟

على فكره تقول اكثر من شهر تقريبا عدى على التمليس . يعني يمكن شهر ونص وربع وثلاثة ارباع مدري بالضبط المهم مهوب اكثر من شهرين ولا ثلاث.

بالله اللي بتجاوب ترفع صبعها اول قبل لا تمحط بالاجابه .. :P
ولا تجي وحده تقول لالالالالالالالالا انتبهي مدري وشو ترى يبي يصير في شعرها مدري وشو نبي شي منطقي تكفون ما له داعي للمبالغه ترى اعرف وحده ملست شعرها عند المهبوله "نهاد" اللي في شيراتون البحرين وبعد شهر بالضبط قالت لها تعالي اصبغي وصبغت وش زين شعرها ما شاء الله ما صار فيه اي شي بس ما ابي افتي وادمر شعر البنت لان من شعر الى شعر يختلف .

للمعلوميه نوعية شعر البنت جيد يعني مهوب فلافل ولا ورق عنب تقدرون تقولون مموج "عاد مهوب مثل نانسي عجرم جعلها الماحي"

هذا ولكم منا جزيل الشكر والعرفان . <-- تكتب خطابات تراها مهيب سهله