في وحده جربت تصبغ بالبيت؟؟ اللي جربت تدخل..

ما عندى خلفيه عن موضوعك
وانشاء الله البنات يفيدونك
اختك
نوتى

هلا نوتى..
يكفي ردك..
تسلمييييين..
وان شالله يردون البنات..

هههه امس جربت

رحت اول امس الصالون

وردت البيت كانك يابو زيد ما غزيت

اليوم اللى بعده

اللى هو امس

ما كذبت خبر

اشتريت ويلا كيليستون اللى بزيت اللوز

خذيت الاشقر الفااااااااااتح 08

والنتيجه طلع شعري عسلي

اشتريت فرشاه صبغ

ومشط لفرق الشعر

تحتاجين ما يلي

كيس سفره

فازلين

صحن صغير للصبغه
_____________
الافضل يكون شعرج وسخ

يعني مب مغسول

سوى الصبغه بعد 3 ايام على الاقل من غسله

البسي قميص قديم

ادهني فازلين على رقبتج واذونج

والجبهه ورقبتج من ورى

لفى عمرج بكيس السفره عدل

لمي شعرج لفوق

وابدى تصبغين الشعر اللى تحت المنخش

لا تبدين من فوق (الغره) بالعكس خليها اخر شي

انا صبغت راسي من ورى ( استثنيت الغره والشعر للى فوق )

خليته نص ساعه ولفيته بورق سفره وبالسيشوار من بعيد

دفى الصبغه

بعد نص ساعه اصبغي باقى شعرج الامامي

وانطري من ربع ساعه الى نص ساعه

وراقبي اللون حتى توصلي للمطلوب

غسلي شعرج بالماااااي واااااايد

وبعدين بحمام زيت او بلسم

نشفيه و

مبروك

ملاحظه يمكن ما يطلع اللون المطلوب

لكن بيطلع من درجات اللون ان شاء الله

اذا كان شعرج من النوع الاحمر (نفسي)

بتيي الصبغه مختلفه لكن حلوه ان شاء الله

اها اذا كنتي مسويه حنا

لازم يمر عليه اكثر من 6 شهور

والافضل سنه

سلام عليكم

مشكووووووره كراميل..
فادتني تجربتك وان شالله تضبط معي يارب..
ماقلتيلي ماجربتي مره تحطين على شعرك وانتي تصبغين قصدير؟؟
بصراحه.. مشكله اللي يقرا اسمك وهو صايم يعني للحين ماافطر بس اشووى افطرنا خخخخخخ..

وينكم بنات..
بس وحده اللي صبغت بالبيت؟؟