انا كنت رافعه اجازة استثنائية قبل الاجازة لماكنت حامل بس سقطت الله يعوضني وطبعا نفسيتي كانت مرررة عدم وكنت واثقة انهم بيوافقوا ع اجازتي لكن للاسف رفضوها وزااااد همي خاصة اني انقطعت عن العمل فوق ال١٥ يعني فصل واكتئبت وماعاد ذقت الراحة وانا بعملي مااخذ تقارير اخليهم يخصمون ومااجيب عذر كذب طيب وش اسوي رحت للطبيب اللي سوى لي الاجهاض
مراجعه وحكيت له ظرفي وتفهم نفسيتي وعطاني اسبوعين على امل تجي الموافقة ع الاجازة بس تعقدت الامور وكنت ادعي الله يفرجها علي وامي شالت همي مررة ورحت لدكتورة ثانية وايضا عطتني اسبوعين لانهم متفهمين حالتي الله يجزاهم خير وبعدين جت معلمة بديلة ومسكت جدولي وتفاءلت ان الامر بينتهي لكن العكس ارسلوا خطاب الرفض وبصراحة انقهرت ليش ترسلوا بديلة عني وترفضون اجازتي وسبب منع الاجازات عدم تعاقد البديلات يعني تنااقض المهم مديرتي متفهمة الله يجزاها خير ورفعت لي اجازة جديدة بس مافيه فايدة وكنت ادعي بس تزيد الامور تعقيد لدرجة اليأس بعدين تدخل زوجي وراح لادارة التعليم كم مرة وبين اخذ ورد سووا لجنة تقرر منحي اجازة ولا لا وكنت ادعي ربي يسخر لي خلقه واستودعت الله وظيفتي لان صار غيابي فوق الشهر في انتظار الموافقة وفيها فصل اكيد لو مامنحوني بس الحمدلله الحمدلله الحمدلله الذي بنعمته تتم الصالحات تم منحي الاجازة مع بداية الدراسة بعد الحج وانتهت اقسى شهرين مرت علي كانت اقسى من لما سقطت وطبعا الله فرج علي بسبب الدعاء والتوكل عليه وبالصدقة

الله اكبر
ماشاءالله تبارك الله
فعلا ( تعرف على الله في الرخاء يعرفك في الشدة )
الله اكبر
والله حتى لو كنا مقصرين في حق الله وحق انفسنا
ولجأنا الى الله صدق اللجوء...فان الله رحيم غفور قريب يجيب دعوة الداعي اذا دعى...
التزام الاستغفار وقيام الله...من أعظم العبادات التي بها تفرج الكروب وتزيل الهموم
وحسن الظن بالله اولا ... والتفاؤل بغدا افضل واسعد
توكلنا على الله وفوضنا امورنا اليه
اللهم لاتكلنا الى انفسنا طرفة عين فنهلك

اللهم ارزقني الذرية الصالحة انا وكل مشتهي قريبا عاجلا غير اجلا


رفع لعيونك ياحلوة

المواقف كثيرة وأكثر شي عندي مشاكل مع زوجي بسبب عصبيته ولسانه اللي يسبق تفكيره الله يهديه

كنت لما يغلط بكلمة أرد عليه لأن كرامتي فوق أي إعتبار وساءت الأمور بينا لدرجة كنا بنتطلق ! وصلت لمرحلة إني كرهت نفسي من كثر ما أشكي وأعاتب وفوقها لساني طال وأسلوبي صار هاااابط وأعترف بهالشي لأنه مو طبعي لكن من الاستفزاز الواحد يطلع عن طوره

المهم .. قلت وآخرتها ؟ بصبر الصبر الجميل يعني بكون راضية بصبري ومتفائلة ومبتسمة ولما يتكلم زوجي راح أسكت وأتوكل على الله وأحتسب لله عز وجل وأقول بقلبي : " اللهم أجرني في مصيبتي وأخلفني خيراً منها "

وسبحان الله ربي مسح على قلبي يا خواتي والله إنه إذا عصب أقوله تامر أمر من عيوني ما يصير خاطرك إلا طيب هههههه صار الكلام الحلو يطلع من نفسه

كل ما شفته معصب أذكر نفسي بالآخرة والجنة اللي مافيها زعل ولا حزن ولا غضب .. أقول ما تسوى الدنيا كلها أيام وتخلص والحياة الحقيقية بتكون بالجنة الله يكتبها لنا يارب

والحين زوجي الحمدلله ياربي خف كثير من عصبيته وصار يستحي يطول لسانه لأني حاشمه نفسي وكل هذا من فضل رب العالمين

المواقف كثيرة بس هذا اللي يحضرني لأني أعيشه كل يوم

انا أم لايتام ليس لهم دخل شهري يعني راتب ثابت لا بفضل من الله يتيسر رزقهم وبفضل الاستغفار وان الانسان يتكل ان الله كافلهم وكافل رزقهم والحمد الله لك يارب اكثرووو الاستغفار سبحان الله يتيسر كل امر عسر &&&