قصيميه بجده
قصيميه بجده
ياكثر المواقف بس الستر زين ههههههههههههههه خصوصا انهم يطيحون بي وانا بقميص وكعكع او كشتي طايره :(

اذكر مره جالسين عند حمولتي ورجلي يقولي الا تعالي معنا كانو خواته واخوانه مجتمعين ويقولون لاتجلسين بالحالك تغطي وتعالي

جيت بشرشف صلاة مالقيت غيره روز وجلست حول ساعتين منكتمه يقهوونن اقول مابي يسولفون معي وانا منب مع الناس حر :( ودي اطلع بس خفت يقولون به شي او اخوه يتحسس لانه قليل يجلس عند اهله بسببي حساس

المهم كتمه وحر تحت هالشرشف ثقييييل

ومن لاشعور يوم طلع رجلي على بالي اخوه قمت فتشت والكشه طايره والعرق يصبصب واقول ووووه يالحرر < تخيلو

ومير يكركرون كلهم واناظره وشبهم واخوهم مطمسسسسس ويصبب عرق فشلن لي

الا رجلي رجع ويناظرن ويضحك عاد وقته ودي اني مانولدت ههههههههههههههههههه

تفطنت ان اخوه جالس وهو الي طالع يافشيلتي فشيلاه

ونفس هالاخو الحيوي دايم اطيح به كان ساكن عندي بالمجلس واول يوم دوام له راح وماطول احسب المجلس مابه احد وماسمعت صوت الباب لان شقتي بابين هو دخل من باب الرجال

واقوم الضحى من نومي بكشتي المعتاده وقميص نوووم استحي اصفه خخخخخخخخخخخ

واركض بروح ارتب المجلس قبل يجي واطب عليه كني طرزان هو فز وطمس راسه وكان جالس يقرا جريده

وانا اقالي فراشه طايره من مامعي ههههههههههههههههه

يوم شفته واريوص مع شهقه وفشيله وتنيفضضضضضضضضضضضضضض << ياشين القرامه الي على غير سنع هههه
wشوشوw
wشوشوw
والله المواقف كثييييييييييييير الله يسترنا

والله اني جد حريصه لكن اش نسوي

اختي دانة قلبه

حاولي تحرصين اكثر وانا احتك

بس بدون زعل كانه عاجبك الوضع؟؟؟؟؟؟؟؟؟؟؟؟؟؟؟
حلم سيكووون...
حلم سيكووون...
بس حصلي موقفين من زواجي الاول وانا عروس وتوني جايه عند اهل زوجي وماعرفهم ماعمر زوجي قال نتشابه انا واخواني ...فتعرفون عروس وكاشخه والبيت معروف مافيه شباب ابد الكل متوظف ومتزوج وساكن بيته يعني بس حريم وزوجي وعمي رجال بس ..جيت ابغى اسوي نفسي حرمه سنعه قدام اهل زوجي اسمع زوجي يقول هات القهوه جيتكم ركض اجهزها واشيل الصحون واطلع من المطبخ ...وانا اضبط شعري وواقفه ماسكه صحن بيد واضبط شعري بيد عشان يشوفني زوجي حلوه ..وكان قدامي واقف جهة قسم الرجال واجي كل ثقه وغنج ودلع وابتسامه تشق وجهي ...ولما وصلت عنده ...
وقفت مكاني هذا بطولي واللي اعرفه زوجي اطول مني مررره اتفحص الوجه نفس البيضاء والعيون وتحليقه ...
وانا اقول يمه ...مو زوجي هذا وارجع .. والقي زوجي جاء يضحك وانا هزه ليش ماعلمتني ان في رجال ...قال لا هذا اخوي
وانا اجلس احلف له اني مدري وميته من الحياء اني على بالي انه هو ...
[ بس اللي قاهرني ليش ماتكلم ولا ابعد عن طريقي يوم شافني مدرعمه ...الاجالس مفهي حتى لما وقفت قباله ماتحرك ساكن ..لحد لان وانا اكرهه ..واقول لزوجي اخوك خبيث عينه طويله ..مع العلم انه اكبر اخوانه اخوه هذا ..
>>>مع العلم اني البس عدسات وذاك اليوم مالبستها من الحماس عشان اطلع سنافيه قدام اهل زوجي
إبداااع
إبداااع
الله يعين على المواقف والواحد ودك يحرص على الستر
فاقده الطيييب
بجد انا مستغربه أن بعض الحريم هنا كأنهم (( مبسوطات )) أن الرجال يشفونهم والأدهى والأمر أن صاحبة الموضوع مدري وش تحس فيه يعني ( قلة ) المواضيع تكتبين مثل هالموضوع واللي قاهرني اكثر أن الأغلب هنا تتميلح ماخافت أن ربي يبلاها بمرض في جسمها ؟؟ قال عليه الصلاة والسلام: ((إياكم والدخول على النساء)) فقال رجل من الأنصار: يا رسول الله، أ فرأيت الحمو؟ قال: الحمو الموت )). يقول الإمام النووي رحمه الله في شرح الحديث: ((معناه أن الخوف أكثر من غيره، والشر يتوقع منه، والفتنة أكثر لتمكنه من الوصول إلى المرأة، والخلوة من غير أن ينكر عليه بخلاف الأجنبي والمراد بالحمو هنا أقارب الزوج غير آبائه وأبنائه فأما الآباء والأبناء فمحارم لزوجته تجوز لهم الخلوة بها ولا يوصفون بالموت )). وهناك من الزوجات يتساهلن بأمرالحجاب عند إخوة الزوج وأقاربه ولا سيما اللواتي يسكن مع أهل أزواجهن بنفس البيت، ومن الصور الشائعة لهذا التساهل الآتي: 1. استخدام المرأة لشرشف قصير لا يستر سوى الرأس والجزء الأعلى من الجسم وأما ما سوى ذلك فيظهر ولربما ظهر جزء من شعرها إن كان طويلا بعض الشيء.2. استخدام المرأة لشرشف خفيف شفاف يبين كل ما تحته من ملامح لجسم المرأة ومعالم للملابس.3. لبس ثياب غير الساترة كأن تكون قصيرة نسبياً فيظهر جزء يسير من الساقين مع القدمين أو تكون أكمامها قصيرة فيظهر الكفان والساعدان.4. لبس ثياب غير ساترة كأن تكون خفيفة كبعض أنواع القمصان والبلايز التي تبين كل ما تحتها ولاسيما إن كان الشرشف أصلا خفيفاً أو قصيراً لا يستر المرأة كلها. 5. لبس ثياب غير ساترة كأن تكون مفتوحة من الأسفل من الجنبين أو الأمام أو الخلف وقد تصل الفتحة لحد الركبة.6. وضع الطيب أو البخور وقد يكون ذا رائحة نفاذة قوية.7. عدم الحرص على ستر اليدين والمبالغة في تزيينهما كوضع الحناء أو طلاء الأظافر وكذا الخواتم والأساور.8. عدم الحرص على ستر القدمين والمبالغة في تزيينها كوضع الحناء أو طلاء الأظافر أو لبس الجوارب الشفافة ذات النقوش المتنوعة ولبس الأحذية المرتفعة أو التي لها أصوات كالخلخال.9. استخدام شرشف مزخرف فيه نقوش وألوان لافتة للنظر.10. وضع المكياج بألوانه الفاقعة التي تظهر واضحة من خلف الغطاء. وهذه المخالفات تتعارض مع شروط الحجاب الشرعي والتي هي:1. أن يستر الحجاب كل الجسم بلا استثناء.2. ألا يكون زينة في نفسه. 3. أن يكون سميكا غير شفاف.4. أن يكون واسعا فضفاضا غير ضيق.5. ألا يكون الحجاب مشابها لملابس الرجال.6. ألا تكون الملابس معطرة أو مبخرة.7. ألا يشبه لباس الكافرات.8. ألا يكون لباس شهرة. فيا أيتها الأخت المسلمة تفقدي حجابك وإن عرفت فيه خللا فاحرصي على إصلاحه حتى تفوزي برضا الله عز وجل.