بسم الله الرحمن الرحيم
مساكم /صباحكم.. خير
حبيباتي الأمهات .. أخواتي البنات.. مربيات الأجيال..
كيفكم.. ان شاء الله كويسين...
كلنا يلاحظ تفريط بناتنا الصغار وأخواتنا الصغار بالصلاة..
والسبب عدم تعويدهم عليها .. أو أهمالنا أمرهم بها لأنهم صغار وغير ملزمين.. وغيره من الأمور الغير صحيحة..
هذي البربرة الطويلة.. عشان اقول لكم عندي فكيرة تخلي بناتنا وابنائنا الصغار يأدوا الصلاة..
في البداية مكرهاً أخاك لا بطل..
وبالنهاية تصبح ملازمة له ويأديها بإهتمام بإذن الله..اخلصي الطريقة وين
طبعاً اغلب الأمهات تعود اطفالها على الإدخار.. التحويش..خخ
فكل طفل يكون في غرفته حصالة يجمع فيها من مصروفه كل يوم.. والحصالة لازم تكون عامرة..خخ
يعني ياأمهات وياأبهات لازم تحطوا فيها فلوس كل يوم..
أما اللي ما عنده حصالة .. ما تنفع معه الفكيرة..خخخ
الأم كمان تسوي حصاله لها بغرفتها عشان يتحمسوا أطفالها بالتجميع..
الآن الفكرة.. ما بغينا ..
إذا طفلك ترك فرض من الفروض يعني أذن العصر واكتشفتي أنه ما صلى الظهر.. على طول جري وركيض على غرفته.. وافتحي الحصالة وخذي ريال..ممكن أفضل هو يجيب الريال بنفسه ويعزي بالطريق عليه...خخخ
وتحطي بعلبة خاصة للتقصير.. ممكن تسميها اي اسم يناسبها.. حصالة تكفير الذنوب .. حصالة التوبة.. حصالة الإستغفار..حصالة العقوبات.. حصالة تارك الصلاة.. سميها اسم يفهمه طفلك..
ويعرف هنا نتيجة هذا الخطأ لآزم نستغفر ونخرج صدقة..
طبعاً في نهاية المطاف المبالغ تخرج صدقة وأنت خارجة سوق اجمعي المبالغ اللي بالحصالة و خلي طفلك يقدمها لأحد العمال أو المحتاجين..
الطفل من سنة 1-3 ابتدائي يمشي معه ذا الإسلوب
اما الطفل الأكبر إلى صف 6 ابتدائي .. يفضل ترفعي قيمة العقوبة إلى خمسة أو اقل أو أكثر حسب نسبة إدخار طفلك..
ونهاية الشهر تكافئي الطفل اللي مواظب على الصلاة.. بشي يستحسن ما تقولي له صلي عشان حجبلك هدية..عشان ما تكون زي الرشوة.. صلي وخذ ..
ممكن تأخذيه لجرير.. وتأخذي له قصة كبيرة ورسوماتها مغرية..
اتوقع حيموت من الفرح..
وأصلاً لازم تعوديهم على القصص.. لأن اي خطأ أو صح عن طريق القصص يوصل بشكل أسرع وتبقى في ذهن طفلك لسنوات طويلة.
الأطفال اللي هم صغار من التمهيدي إلى 3 او رابع..
هذولا هداياهم من ابو ريالين.. خذي تشكيلة من الأقلام المميزة والمساحات والمساطر ودفاتر التلوين وشويت استكرات .. والله تأخذي عقلهم ..ويمشوا معاكي زي الحلاوة..
اما الكبار مدري.. عنهم بس انا تخصص اطفال..أفهم لهم..
واخيرا يامربية الأجيال ياحفيدة خديجة وفاطمة.. أنت القدوة الأولى لهم فكوني خير معين لهم وخير قدوة لأطفالك..
}ربي اجعلني مقيماً الصلاة ومن ذريتي ربنا وتقبل دعاء{
ملاحظة/ أطفالنا الصغار ليش مايصلوا بالأماكن العامة .. ليش ماتأخذي غطاء رأس لبنتك وأنت رايحة سوق أو غيرة .. ليش نشوف الأم تصلي وبنتها لأ.. مع أنها بالبيت تأمرها بالصلاة.. ليش لو كنا برحلة أو سفر ننسى نذكر أطفالنا بالصلاة...
الصلاة الصلاة .. يا أمة محمد..
منقـــول للفائدة