والله في رخيصات كثير والاخت الكريمة اللي تقول ما شفنا شي ولا حتى في دبي ولا غيره
ابقول موقف صار معي في مطعم النخبة في الرياض من شهر تقريبا
رحت انا وزوجي اول مره اروح معه النخبة وزوجي من النوع اللي فعلا عينه ما تجي على البنات مو عشانه زوجي بس فعلا هو محترم يعني ما عليه نظرات كذا وكذا

المهم
الا وحده والمصيبه انها متزوجه وزوجها معها بس ياخذ من البوفيه من الجهة الثانيه وهي تبغي تدحش نفسها بيني وبين زوجي حوالي دقيقتين وهي كل شوي تحاول اخر شي نظرت لها بعين قويه ولا همهها تبغي تدخل قمت قلت لها لحظه يا اختي شوي وبعدين تبغين شي تعالي من جهتي
مصره تبغي تجي بيني وبين زوجي بالنص


وموقف ثاني صار معي كنت انا وزوجي بمطعم بالرياض مع انه في حواجز وغرف يعني ما هو باين شيء والمطعم عادي مو راقي مره، ووحده وواحد الظاهر جالسين في غرفة ثانيه يتعشون واللي معها مو طالع صوته غير يا دوب وهي بس ضحك وحكي بطريقة بايخه وضحك بطريقة ملفته جدا ..

وموقف صار معي وانا كان مكتوب كتابي في ابوظبي كنا
تخيلوا انا وزوجي ماشيين ومعنا اخوي وحرمته واختي الكبيرة انا وزوجي (ذاك الوقت مكتوب كتابنا) ماشيين جمب بعض ورا اخوي وهو شارع في ابوظبي فيه مطعمين ورا بعض وطبعا زجاج كله وحده اماراتيه الله لا يبارك فيها طبعا فاتشه ومطلعه شعرها بعد ومتزينه هي قاعده داخل المطعم عند الزجاج بالضبط من داخل، واحنا تخيلوا مارين نمشي نبغي المطعم الثاني الا تغمز لزوجي وحتى زوجي ما انتبه لها اصلا انا انتبهت لها واشرت لها بيدي ويش تبغين قامت ضحكت ولا على بالها قالي زوجي مع من تتكلمين قلت له وحده حيوانه وواطيه قاعده تغمز لك وانت ما انتبهت قالي (ان لم تستح فاصنع ما شئت)

شو تقولون في هالبنات عاااااااااد !!

نفس حالتي يامليكة القلم

ماشاء الله الموضوع صار موسوعة بالفعل

انتم وش فيكم طلعتوا عن الموضوع الاساسي

كل وحدة فيكم تسوي اللي يمليه عليها دينها وعقلها
اللي تقدر تنصح الله يجزاها خير
واللي ماتقدر الافضل انها تتجننب هالاماكن
عموما ماقلتوا لي وين مطعم جبال الالب صار طررراة (وحدة رايقة اليوم)

اللي يبغى أكل محترم وبوفيه روووووووووووووووعه يروح اسماك النافوره بوفيهم خياااال..

اما اللي يبغى الجو الرومانسي فصدقوني ما فيه احلى من جلسات الفهد كراون اللي على المسبح يشغلون الرذاذ ويكون الجو جدا رايق...

والبنات اللي يسألون عن مطعم جبال الألب الشارع ماني عارفه اسمه بس هو الممتد من مخرج تسعه في الدائري الشرقي اللي موجود فيه موقع كليات البنات الجديده وقاعة الرومانسية للأحتفالات..

وأنت جايه من مخرج تسعه في الدائري الشرقي ابتلي قبل لا يجيك شارع العليا العام بيكون هو على يمينك يعني في المقابل من جمعية المعوقين .