رفع

خوذو معاكم العلاقه حقت المغاسل الفضيه
عرفتوهااا؟؟؟
علشان اذا خلصتي متروشه تعلقين عليها فوطتك
تنشف برااحتها
وخوذو لكل يوم غيار وزيدو غيارين هناك مافيه وقت تغسلين
وكل يوم تروش
والجزم تكرمون خوذو ثنتين يمكن يضيع ولاشي الله يستر =)
والله يتقبل

الله يجزاكم خير استفدت كثييير

طيب بسأل وش آخذ شبشب ولا فلاتات ابي شي مررريح

والحين ماينفع اخذ لوشن معطر ولا مزيل عرق معطر ؟؟؟

ابي لوشن بدون ريحه بليززز

ويوم العيد عادي نتعطر صح ؟؟

وعادي اشقر حواجبي قبل لاحج ولامايجوز ؟؟

وبعدين ماتوقع هالسنه برد ماراح اخذ ملابس شتويه الجو بيصير حرررررر

ههههههههههههههههههههههههههههههههههههههههههههههههههههههههههههه

موتيني ضحك الله يسعدك

حتى انا بااشقر قبل الحج ومااظن فيها شي محلاني رايحه الحج وحواجبي ناافشه

هلا وغلا بجميع الحجاج ان شاء الله
بأقولكم تجربتي في تجهيزي للحج
بداية شنطة الملابس
نصيحه لا تأخذوا قمصان ومدرى أيش انا كانت أختى حاجه قبلي ب3 سنوات وقالت لي خذي قمصان كل الحمله كذا بس لما رحت أنصدمت العالم كلهم تنانير و حتى بناطيل ماأقول خذوا بناطيل لا بس خذي كم تنورة وبلايز وجلابيات فخمه ومرتبه وكم قميص للنوم يعنى أبدا لاتتقيدون بقمصان ومدرى أيش
أنا الحمد لله أخذت معي جلابيات فخمه وناعمه بنفس الوقت ومع ذلك تحسفت أني ماأخذت تنانير وتيشرتات بينما راحت معي وحده من قرابينا بقمصان عاديه وتحسفت مليون مرة على لبسها ووحده معنا مسكينه طلبت ولدها يشتري لها من منى قمصان خفيفه لان كل اللي أخذت شتوي وتعالي شوفي القمصان اللي جاب لها
ثانيا أبدا لاتخذوا شتوي بتكون غلطه عمرك لو خذتيها لسبب بسيط انتي بتروحي لمكان فيه ملايين يعني مهما كان الجو بارد فمع الزحمه ماراح يكون فيه برد بس خذي معك الشال الكبير وبلوفر واحد شتوي لو جاءك برد واذا تبغوا زياده احتياط خذي زياده بيجامه بس لبسك لا يكون عادي صيفي
الملابس أحسبيها صح لا تأخذي أقل من حاجتك بالنسبه لي حسبتها صح أول ما نوصل المخيم بتأخذي شور وتغيري اليوم اللي بعده مثلا بأغير لبسي وهكذا حتى اليوم الأخير بعد طواف الوداع حسبت لي لبسه لاني بأغير قبل ماأروح المطار ونرجع .
طيب الجزم خذي لك جزمتين ليش؟
وحده صندل تستخدميها للمخيم وممكن دورات المياه مع ان الحملات بعضها توفر شبب يعني خذي جزمه مثل اللي تتنقلي فيها في البيت مثلا وممكن تستحمل الدخول في دورات المياه لو ماكان فيها شبب
والثانية سبورت مو صندل أو فلات عادي لاسبورت ما تخلع بسهوله ليش ؟ لان السعي أو الرمي وغيره زحمه تسحب الجزمه بسهوله من رجلك وصارت لاخوي وهو رجال طول بعرض ومع ذلك أنسحبت فرده من جزمته في الرمي أخر يوم وقريبتي اللي معاي برضه ثاني يوم رمي أنسحبت جزمتها وبعدين اذا أخذتي سبورت رياضي طبي أريح لك بالمشي لان المناطق بعضها مو مستويه وأحسبي حسابك أنك ممكن تمشين كثير .
الملابس الداخليه
طبعا خذي لك القطن الاستخدام مره وحده وأرمي أريح لك وخذي أكثر من حاجتك أحتياط وخذي لك ثلاثه أو أكثر سروايل نص قطن للاوقات اللي يكون فيها مشي مثلا الطواف أو لما تطلعي للرمي وغيره

تعبت من الكتابه اذا فيه أحد متابع كملت لكم بكرة ان شاء عن الاشياء البسيطه اللي أخذتها وفادتني والاشياء الغلط اللي سويتها
بس حبيت أنصحكم بشي بسيط لاتنسونا من دعواتكم