اختي أذكار / ام تركي اللي اعرفها هي بالرياض بس ماتنفع ابد طبعا خلوقه وطيبه بس موذيك الدرجه

لان مره كان معاي نزيف في الشهر الثاني ويوم كلمتها قالت عليييك بالحلبه ..... وقمت اشرب بهالحلبه الين ما

انفتح معاي عنق الرحم وسقطت ...وكلمت وحده من قريباتي قالت غلط وشلون تشربين الحلبه وانتي توك بالاشهر الاولى تفتح عنق الرحم عندك

الا اذا انتي تقصدييييين ام تركي وحده ثانيه ...... ما ادري عنها :26:

الله يجزاك خير والله من مدة وأنا ودي أقولكم نجمع جميع العناوين ا لمراخات وبعد أسماء الأطباء الممتازين في موضوع واحد عشان نختصر الوقت والجهد في البحث وأي واحدة تحب تسأل عن عنوان تكتب في نفس الموضوع وتلقى ضالتهاومن يساعدها بعدالله 0 بالنسبة لي ماجربت أحد ساعدوني خواتي في المنتدى قالتلي عنها الاخت هتان نجد الله يجزاها خير هي والاخت همس الليل وين ماراحوا0اللي أذكرها أم عبدالحمن في الظهران مرة يمدحونها
وأنا سمعت عن واحدة في الرياض أسمها أم ثنيان يمدحوحونها اللي راحو لها بس ولا مرة قريت أحد كتب عنها



وأخيرآ الله يجزاكي خير على الموضوع والله يرزقني وكل محرومة في القريب العاجل :26: :26: :26:

فيه وحده اسمها ام فهد الشويمان في الشفاء تمرخ اربعة ايام واليوم بمية ريال فيه ناس من عائلتنا مجربينها

ويمدحونها وماشاء الله وحده صارت تحمل اربع مرات ورى بعض بفضل الله ثم ام فهد ..هي بالرياض في حي الشفا..

خواتي بغيت اعرف رقم السديريه
وياليت اذا تعرفون وحده تعالج المبايض الي ماتشتغل دلوني عليها الله يجزاكم الجنه وراح ادعي لكم الى ان اموت:26:

لمعة حزن .....شيكي حبيبتي على الخاص ارسلت لك رقم السديريه

بالنسبه للريم اللي يمرخون اللي مدحوهم لي .... عندك عدنانه اللي بالعريجاء زميلاتي رحوا لها بس مشكلتها

ماتستقبل الناس الا من الساعه 7 الى 9 تسعه صباحا يعني زميلاتي يضطرون يستأذون علشان يروحون لها

.....................................................

وعنك بعد وحده في المدينه المنوره ذكرتها لي الاخت مجده الله يسعدها دنيا وآخره ...أسمها ام فهد العواجي

انا مارحت لها بس اتصلت فيها ماشاء الله تبارك الرحمن لسانها يقطر عسل وأخلاق وذوووق ويكفي انها تذكر الله في اغلب كلامها وتوصيك بعد بالقرأه المستمره على نفسك

...................................................


عندك بعد وحده في جده اسمها أم عبد الله يمدحونها وااااجد وخاصة اللي راحت لها لها اربع سنين ماحملت راحت مرخت عندها في الاجازه وحملت بإرادة الله طبعا قبل كل شيء ثم على يد هالحرمه بس سقطت من حول كم اسبوع الله يعوض عليها خير يارب
وكتبت موضوع عن هالحرمه تحصلينه في قسم ساعدوني

....................................................

واهم شيء لاتروحييين لوحده تمرخ بالالف وماتخاف الله روحي لراعية الدين اللي تقبل باللي يجيها وتكون مجربه من الغير

وبالنسبه لعدنانه سمعت انها ماتخذ شيء على التمريخ بس على الدواء فقط
وام عبد الله اللي في جده تاخذ على الدواء بس .... هذاااااااااااا اللي سمعته عنهن