قارئ الكلمات الانكليزية &&قاموس جيب الكتروني

السلام عليكم ورحمة الله
خواتي سمعت عن قاموس انكليزي الكتروني تكتب فيه الكلمه وهو يترجم الكتروني من انكليزي الى عربي وهو جهاز محمول بالجيب
خواتي الى تعرف وين ينباع تكتب لنا
وهل هو زين
وكم سعره

هلا اختي الطيبات

انا شريت من مكتبه جرير قاموس الكتروني حلووو جدا فيه نطق للكلمه وفيه اجليزي عربي ومن عربي انجليزي
وفيه فرنسي عربي ومن عربي فرنسي وفيه فرنسي انجليزي ومن انجليزي فرنسي

بس احيانا ماتلاقيين الكلمه اللي تبينها موجوده
مثلا تبين كلمه يرى
انتي تحطينها يرى بس يكون مو موجود بالقاموس كلمه يرى موجوده بمعنى ثاني مثلا اذا دخلتي شاهد على طوووول يجيبك الكلمه بالانجليزي
يعني تتعبين شوي وانتي تدورين
بس فيه احيانا الحال والصفه ماتكون موجوده تكون موجوده بس الاسماء على فكره قاموسي هذا جديد اخر شي نزل هو وواحد لونه ابيض صغير
قيمته 700 ريال يكون قد راحت يدك ولونه فضي ومكتوب عليه aurora
واذا فتحتيه قالك شركه نجم او شي زي كذا والله من زمان مافتحته مكتوب بالاسود وهو ينطق بعد نجم الدوليه

تحياتي

هلا اختي
استخدمي قاموس فرانكلين يمكن تلاقينه بمكتبه جرير
هو مميزاته حلوه وراح تستفدين منه
اتمنى اني افدتك
:27: :26:

أهلين أختي الطيبات
أنا مع الأخت ملكة الثلج
إذا بتفكرين بجهاز مترجم لا تفكرين بغير فرانكلين وبدون مجاملة
اهو رقم واحد وبعده يجي نجم
فرانكلين هو قاموس المورد
مواصفاته خيالية لو تبين أكتبها لك من عيوني
وسعره 950 ريال من الدولية
والان نزل شكل جديد منه
وإذا كنتي طالبة انجليزي لا تفكرين بغيره
تحياتي:24:

أختي "الطيبات" السلام عليكم و رحمة الله و بركاته..

أعتذر منك عزيزتي لأني ما اعرف أي رابط لكن حبيت أقول لك أنه فيه بعض القواميس ممكن تشترينها و يكون معها CD يبحث لك عن الكلمة اللي انت تبغينها و يعطي لك جمل على الكلمة و الأروع انه ينطقها لك.

و طبعا ما يحتاج أذكرك بالقواميس الناطقة. و الله يوفقك حبيبتي.