قارورة زيت الزيتون&&& بموت من الخوف

السلام عليكم:)
شلونكم بنات
تبون تعرفون شو قصة قارورة الزيت

هذي طال عمركم قارورة صغيرة كنت حاطه فيها زيت زيتون وادهن فيها جسمي قبل الاستحمام
تخبرون مشاكل الحمل &&&& اخلصي

الموهم ياطويلات العمر القارورة فجاه اختفت
انا كنت حاطتها في الزاويه من دولاب المطبخ اللي يجي بابها شفاف
الموهم قلبت الدنيا عليها وحتى دورت في الحمام وانتم بكرامه وفي غرفة النوم
مالها اي أثر
وجات اخت زوجي وحكيتلها القصه ودورت عليها وبرضو ماحصلتها
وانا كنت متأكده انها في زاوية المطبخ
واتهمت الشغاله استغفر الله جاتني يوم كان عندي عزومه ونظفت وراحت

ومرت الأيام ونسيت امر القارورة &&&&قلبت فصحى
ويوم الاربعاء زوجي راح لاهله وجا أخذني ظهر السبت
ياحبيباتي يوم دخلت المطبخ وافتح الدولاب إلا الاقي القاروره قداميييييي زي ماهي
يومممممممممممممممممممممممممممممه
يعني مستحيل تكون موجوده من قبل وماشفتها لأنها كانت قدامي وانتبهت لها رغم اني ماكنت ادور عليها
بالله بنات وش اريكم كيف صار كذا
طيب الزيت ادهن فيه والا ارميه
اول مره يصير لي الموقف في شقتي الجديده
لأن شقتي القديمه كنت افقد اغراضي بس ماكانت ترجع للأبد
وزوجي يقول يوم كنا نجهز الشقه دخلت انا واختي ونزلنا الأغراض ودخلت هي ترتب المطبخ وحطينا المكانس والممسحه عند الباب يوم رجعنا مالقيناها
عاد مارتحت فالشقه ذيك ابد وقلت لزوجي لازم نطلع والحمدلله طلعنا منها

زودت الهذره عليكم

يالله مع السلامه