لا يا عيوني لا يا قلبي بسم الله عليك لا تستخفين
أنا أقولك وش دوا بنتك ...
هالكلام سلمك الله سمعته من كذا طبيب يقولك الطفل وخاصه بعمر السنتين و الثلاث
بيسوي المستحيل مع أهله حتى يرضخون و يلبون رغبته بيصيح و يصارخ وماراح
يمل و بيستمر بالمقاومه لين تتحقق رغباته !!!!!
إذا الطفل شاف أهله رضخو و لبو رغباته بيستمر على ذا المواااال !
وإذا شاف آهله ضاربينه طناااااش و لو وش ما سوى ما يحرك فيهم شي هنا مع
الوقت بيوصل لقناعه إنه أسلوبه ما بيجيب نتيجه و بعدها بيتأدب وبيعرف حدوده ..
جربي هالطريقه حبيبتي و تحتاج لصبررررر و طولت بااااال لين توصلين للنتايج الفتاكه
أما الضرب حرام إختي من جد حرام أنتي بتعقدينها بالضرب و المشكله ماراح تنحل
بذي الطريقه بالعكس أنتي ممكن تسببين لبنتك شغلات أنتي بغنى عنها
مثل عقده نفسيه أو تبول لا إرادي أو تأتأه بالكلام يعني بتدخلين بمشاكل ثانيه
بسبب الضرب لذلك يرحم والديك بطلي الضرب و إضبطي آعصابك حبتين
و أحقرررريها و تحملي شوي الأزعاج لين هي من نفسها تعرف إنه مهما سوت
من إزعاج ماراح تحصل ع إلي تبيه !
وكان الله في عونك والله يسهل عليك ولادتك ويقومك بالسلامه

يزاكم الله خير حبايبي
المشكلة فبنتي لو صاحت خلاص ماتسكت لين ما تحصل اللي تبيه انا سويت طريقة التطنيش مافادتها
لان تصيح لين صوتها يروح وانجبر اشلها
الله بسبة الحمل مؤ طايقه نفسي يارب أولد بسرعه وتروح هالنفسيه مني
ماقصرتو فبيتكم

عزيزتي بنتك عمرها لسه سنتين يعني لسه صغيرة وما تفهم او تستوعب ان هذا مزعج ويؤذيكي. هذه بنتك اذا انت ما تحملتيها مين رح يتحملها؟
انا عندي بيبي عمره ثلاثة اشهر ومتعبني جدا وبنتي عمرها سنتين ومثل ما تقولين تصرخ وتعمل ازعاج ونكد خصوصا وانا مشغولة مع البيبي . لكن اضربها مستحيل لانها ما زالت هي كمان بيبي

الله يعينك وييسر لك ولادتك

حرام عليك يا اختي ليش كذا
صراحه حزنننننت ع البنت كثير

انا بنتي تقريبا نفس سن بنتك ونفس الحركات
حتى اذا طلعنا السوق تفشلنا وهي تصيح وتخرب

لكن مستحيل اضربها لساتها طفله ما تفهم شي

انتي بس هدي اعصابك وحاولي تديها حنااااان
ع قد ما تقدري مثلا اذا قامت تصارخ حاولي تضميها لصدرك ولهيها بأي شي لحد ما تسكت

اخاف بالضرب تسببي لها عاهه ولا عقده نفسيه
وبعدها اذا فات الفوت ما ينفع الصوت