قاعات افراح في جده للي يهمه الامر

انا بقولك على قاعات وإلي هي من أروع القاعات في جده وفي من أخسها
وانتي كلميهم وأسأليهم عن التفاصيل..

قاعة الدانه مرررره حلوه

قاعة رومانس روعه<< بس ما اعرف سعرها وصغيره

وقاعة ليالي الشرق << كبيره بس زي الزفت
قاعة فرحتي سعرها طيب وتمشي الحال

قاعة البتول<< رخيصه بس ماعجبتي لانها مكتومه وجنبها قاعه ثانيه أسمها الربوة وكلها في حي الربوه... خخخخ

والاستراحات في استراحة نفرتيتي وإستراحة الرفيدي وإستراحة بدر الزمان بصراحه حلوه ..
وبرضو سألنا في القاعات الكبيره
و في الرفيدي كبيره وحلوه وسعرها 28 أو 30 الف بس بدون العشاء
وكمان رحنا نسايم ليل حلوه بس صغيره تكفي 400 حريم وهي ب22الف...
وفي امسيتي حلوه وفخمه وكبيره بس غاليه ب48الف بعد الخصم LOOOL
واللؤلؤه كمان حلوه وكبيره وماهي غاليه بس والله مااذكر بكم قالنا سعرها...
وفي قاعة المملكه والله ماشاءالله روعه وفخمه وكبيره تكفي الى 3000 حرمه ورجال ويكفي انها جديده وهي ب30 الف لكن اربعاء وخميس مادري بكم............
عندك قاعة الوسام في حي الصفا.. القاعه تنفع لزواج، بصراحه القاعه مرررره حلو بس 21 الف مع كل شي (العشاء كله رجال وحريم- الضيافه اللي عالطاولات-الكوشه من عندهم-زفتين مجانيه-مفارش للطاولات كذا لون) بكـــــــل شي ،،

وعندك قاعة سهرتي ، جنب قاعة فرح- حلوه وفخمه وكبيره ، مو غاليه مره بس بدون العشا وبدون الضيافه اللي عالطاولات، وكأنها ب9 الاف او 7 - ولو جبتي العشا والضيافه يمكن توصل 17 او 18 الف.. احس سعرها مناسب ..

وعندكم قاعه جديده- اللي حجزتها لملكة بنت أختي اسمها قود لايف - حي السلامه - القاعه بصراحه جدا ً فضيعه وديكورها حلو ومن الستايل الجديد والطراز الفخم وهي تقريبا ً نظام فندقي القاعه تكفي ل300 شخص وسعرها ب10 الاف مع الضيافة والعصيرات وفيها شاشات عرض بلازما - بس بدون العشا - يعني مع العشا حتكلفنا 16 أو 18 الف تقريبا وان شاالله ماتزيد عن كذا وهي عندي التوب وأنصحك فيها ..

وفي قاعه مره حلوه - قاعة الدانه سعرها ب4000 بدون عشا وبدون الضيافه بس عيبها ان قاعة الرجال تكفي فقط 30-40 رجال فقط، والحريم تكفي 260 نفره ..

هذي القاعات اللي رحت وشفتها بعيني..

وفي قاعات اعرفها من زمان بس مارحت وشفتها .. قاعة شهد وقاعة فرحتي في الصفا وقصر الكروان وقصر الربيع وليالي جدة وكلها قاعات من الطراز القديم
وما أنصحك فيها.. اسألي عنها وربي يساعدكم ويكون في عونكم..
أتمنى أكون أفدتك
ونبغى دعواتك وتحياتي ..... م ...ن...ق...و....ل