قاعدة أصيح .. هل تصرفي كان صحيح ؟

السلام عليكم

بنات أنا لي عشر سنوات متزوجة وما عندي عيال والمشكلة من زوجي والحمدلله على كل شيء
أصدقاء زوجي من ايام الجامعة كلهم متزوجين وعندهم عيال ومن يوم التخرج الى الان محافظين على صداقتهم مع بعض ما شاء الله
المهم قبل كم شهر طلعوا الاصدقاء كلهم حديقة وجلسنا الحريم لوحدنا بعيد والرجال لوحدهم
طبعا كنا نضحك ونمزح ووحدة من الحريم عندها ولد وبنت وودها في طفل ثالث بس ربي مو كاتبلهم ويحاولون وربي ما كتب ويوم جينا التقينا كانت تضحك بشكل جنوني لا يصدق يعني مستانسة وانا جنبها واقول لها قصري حسك مرة عالي تقول مو بإيدي فرحانة والله فرحانة وتضحك وانا اضحك معاها بس احاول اهديها وجت وحدة من البنات قالت تدرون ليش فلانة تضحك قلنا ليش قالت لانها حامل وحنا تفاجئنا بس والله العظيم ما أظهرت اي علامة تدل على حزن وغيرة والله ضحكت وباركت لها وكنت طبيعية جدا لاني بالواقع ما تأثرت من جد .....المهم بعدها بأسبوعين التقينا ويوم جيت اسلم على الحرمة الحامل جديد اللي كانت تضحك لقيت معها العصب السابع ومسكينة الله يشفيها تعبانة وفمها وعينها مرة واضحين قمت قلتلها سلامات قالت شفتي ذاك اليوم صبتيني بالعين وجابتها مزح بس ما ارتحت من داخلي وبعدها بشوي جت علي الحرمة اللي قالت لنا انها حامل قالت لي ان فلانة زعلت منها ليش تعلن عن حملها

المهم بعدها باسبوع طلبت من زوجي يكلم صديقه عشان يعطيني رقم الحرمة اللي حملت جديد وصابها العصب عشان اتطمن عليها لانه راح من جوالي قمت دقيت عليها وقفلت بوجهي عطول وبس
وهم الحين يجتمعون وكانت ظروف عند زوجي ولا رحت
المهم اليوم كلموا زوجي عشان يجتمعون في بيت نفس الحرمة الحامل جديد بس عييت اروح وقلت له هي شكلها تفكر اني حاسدتها قام يقول لي انتي تتوهمي وولا فيه شي وطلع والحين جالسة اصيح احس بالندم وبنفس الوقت تصرفي مدري شلون ايش رايكم ؟؟