كوبونات الراقية تسجيل الدخول

ترنيمة عناد
ترنيمة عناد •
غمامه غمامه :
مساء الخير ياحلوه انا عندي غرفه 5في 6كبيره وشرحه ودي احطها غرفه لتقليط للضيوف وانا الان حاطتها غرفه اللعاب لعيالي يعني حوسه جدا وصاده محتاره بعدين وين يلعبون اذا جاني ضيوف لانهم صادين فيها ومريحيني بس ابغى مقلط في نفس الوقت وش تشوري علي بس ياريت على الخاص ولكي امتناني وجزيت الف خير واثابك الله
مساء الخير ياحلوه انا عندي غرفه 5في 6كبيره وشرحه ودي احطها غرفه لتقليط للضيوف وانا الان حاطتها...
أنا من رايي سويها مقلط احلى وبالنسبة لعيالج ممكن يلعبون في غرفة نومهم أو ممكن تسوين جهة وحدة من المقلط كغرفة للالعاب وتكون صغيرة تفصلينها عن المقلط بجدار جبسي

الحين هنا شوية صور وأفكار للمقلط :



ستايل موردن خطيير الجدران فلفت فضي الكنب رصاصي باسود موديل الستارة خطيير وقطعةالزل عجبتني وااايد



ممكن تسوين بهالالوان حلوة ومتناسقة اللي هي ( تفاحي غامق مايل على زيتي - اسود - رصاصي - ابيض ) تسوين جدار واحد مقلم رصاصي واسود وابيض وتفاحي غامق ويكون التقليم عشوائي وبقية الجدران رصاصي وتفصلين لج جلسة ممكن تدورين لج مثل القماش اللي بالصورة حلوو



خيار ثالث ( احمر - اسود - ابيض مع شوية رصاصي ) احس اختيار اللون الاحمر في الجدار جري شوفي الدرجة مطلعة الغرفة صايرة كانه امركز لفت النظر

http://forum.****.com/imgcache/2/390897women.jpg

عندج بعد الماروني والبيج والذهبي



ممكن مثل هالموديل يسمونه المغربي الحديث الالوان اللي بالصورة حلوة وعندج بعد زيتي مع ذهبي يطلع واااو

في الاخير اتمنى اكون افدتج واي استفسار انا حاضرة ...
ترنيمة عناد
ترنيمة عناد •
دنيا خداعه دنيا خداعه :
السلام عليكم اختى وصلت في بيتها مرحلة الدهان وحابه في غرفة نومها ورق جدران بس ماهي عارفه كيف تنسقها اتتمنى منك ترشحيلنا الالوان المناسبه لغرفة النوم من ورق الجدران وياليت بالصور اذا تقدري وجزاك الله خير وحجم غرفتها 4*5
السلام عليكم اختى وصلت في بيتها مرحلة الدهان وحابه في غرفة نومها ورق جدران بس ماهي عارفه كيف...
بسم الله الرحمن الرحيم

حجم الغرفة ممتاز ويعطي مجال للابداع بالالوان أنا باعطيج مجموعة خيارات بعضها كله ورق وبعضها فيه صبغ وانتي شوفي المناسب اكثر

للمعلومية : ورق الجدران لحاله يكلف كثير ففي اغلب الاوقات نجد الناس يدخلون معاه الصبغ بطريقة مناسبة



شوفي هنا لون ورق الجدران حلو رصاصي مايل للبنفسجي والورد جاي بيج فاتح على رصاصي غامق ومسوين الكنب بينفسجي والوان الستارة حلوة .. أنا من رايي تسوي جدار واحد ورق جدران وبقية الجدران نفس لون الورق صبغ سادة والستارة الالوان اللي في الصورة حلوة وتقدر تدخل البنفسجي في المفارش والاكسسوارات



ممكن جدارين متقابلين او جدار واحد ورق ني وفيه ورود كريمي وبقية الجدران كريمي وتتعلق فيها لواحت وارفف يكون اطارها بني



لون الورق والنقشة حلووو وممكن تسوي جدارين متقابلين نفس الشي والبقية سادة

http://www.*****.cc/forum/imgcache/100146.png

وهنا الذهبي اللي نقشته بالبني روووعة تسويه في جدار واحد ويقية الجدارن ورق لكن بني سادة فيه طبعات ناعمة بالذهبي يصير حلوو



ممكن تسوي مثل هالحركة الجزء العلوي صبغ والجزء السفلي ورق يعني مثلا تسوي جدار السرير كامل ورق وبقية الجدران كذا



تقدر تجيب مجموعة الوان لنس الموديل وتكون الالوان متناسبة وتقصص الورق على شكل اعمدة بأحجام متنوعة وتثبتها ممكن تسوي هالحركة بجدار السرير وبقية الجدران ورق لون واحد يكون من الوان الورق اللي استخدمتها شوفي في الصورة مسويين الاعمدة واحد احمر وبعدين احمر بابيض وبعدين ابيض الالوان حلوة والتنسيق احلى واحلى





هنا فكرة عكسية يكون جدار واحد ورق جدار لون فاتح مثلا ابيض او سكري او بيج ويكون فيه رورود أو نقوش كبار بلون غامق مثلا في الصورة الاساس ابيض والنقش وورد صغار منتظمة ازرق درجة حلوة مع رصاصي وبقية الجدران مسوينها ازرق شي حلو



هنا نفس الفكرة السابقة وموضحين لج اختيار لون الجدار جاي من لون الورق نفسه




الوان ورق الجدران والنقشة حلوو

وبعد تقدر تسوي جدار السرير ورق جدران منقش ومن فوق جريب السقف تخليه مقلم كأنه بوردر ويكون هاذا البوردر لكل الغرفة لكن بس جدار السرير ورق وبقية الجدران صبغ

في الاخير اتمنى اكون افدتج .. ولو اختج رست على لون انتي خبريني عشان نشوف كيف ننسقه
+3
الين الشمالية
الين الشمالية •
يعطيك العااافيه وكثر الله من امثالك وخيرك

انا عندي صالتي صغيره وكان فيهاا كنب ومضيق على وبعته لونه احمر وذهبي

الحين الصاله فااضيه ابي احط فيهاا مراكي للظهر فقط مع فرشة ولبااد فقط عشان السعه

لو الحائط اصفر فاااااتح طولهاا 7 وعرضهاا ثلاثه ونص بحط بزاووويه فقط المرااكي الظهر عطيني تكفين الووانه حلوووهة للجلسه

من لون المراكي الى السجاااد جاي بالي التركواز والبني بس زوجي رفض يقول غامق نبي فوااتح


وغرفه المجلس بجدد تلبيسه المجلس مع الفرشة لو الحاائط ابيض ساادة بصبغه

مساحة الغرفة 4 في 4 انا ساكنه بشقه عشان كذا مسااحات البيت صغيره الله يعوضنا بالجنه

يااعمري استعجلي لي بالطلب الغرفه مجلي نساء بس حنا جلستنا ارضيه

عطيني لون لصبغ الحاائط والسجااد والجلسه الارضيه

والف شكر مقدماااا

انتظرك بااحر من الجمر
ترنيمة عناد
ترنيمة عناد •
سراب العشق سراب العشق :
مساء الخير/صباح الخير عزيزتي بغيتك تساعديني عندي مقلط 4×5 ابي اسويه جلسه ارضيه مراكى وستائر يكون ناعم وفخم بنفس الوقت ,, وبغيت الصبغ يكون حلو ومميز وبخاطري الان الصبغ يكون برتقالي واخضر وسكرى الوان مداخله بشكل روعه .,, والمخدات اسويهم نفس تداخل اللالوان وش تقترحين علي عزيزتي ... وعندي بعد مجلس الضيوف ابغيره كله من صبغ وارضيات وكنب .. وبخاطري ورق الجدران واسوي الارضيه الفنيل خشبي بس مامدحوة لي يقولو بيخرب الفنيل مع الوقت ... تعبتك معاي ياقلبي بس انتظرك ضرورى ,,, مشكووورة مقدما
مساء الخير/صباح الخير عزيزتي بغيتك تساعديني عندي مقلط 4×5 ابي اسويه جلسه ارضيه مراكى وستائر...
اول شي بالنسبة للمقلط اختيارك للالوان حلو ممكن تسوين جدار واحد الالوان تكون فيه مداخلة وبقية الجدران تكون سكري عشان يبان لون المخدات أكثر لان لو كان الجدار ألوان والمخدات ألوان ما راح يبان شي

وهنا شوية موديلات ستاير



















وبعدين بالنسبة للمجلس انا من رايي سويه بني وبيج مع ذهبي يصير شي حلو

أول شي ورق الجدران ممكن يكون بني والنقش بني بدرجة افتح وتخلين الكنب بيج بذهبي وعليه خداديات بني



الخيار الثاني مثل هلاصورة ورق الجدران ذهبي مع بيج فاتح والكنب بني مع بيج



وبالنسبة للفينل أنا ماجربته بس اسمع انهم يمدحونه بس انتي سألي وتأكدي

في الاخير اتمنى اكون افدتج ..
+5
ترنيمة عناد
ترنيمة عناد •
@العيووون العسليه@ @العيووون العسليه@ :
مساء الخير ياليت اردين علي بسرعه الله يعطيك العافيه لأني الحين بمرحله تعديل لصاله بغير لون البويه شرايك باللون الطوبي والسكري الغامق جهه طوبي وثلاث سكري بس شرائك احط الطوبي مخطط اوساده ايش الافضل والدارج وبحط الكنب مودرن رمادي غامق وراح احط عليه خدايات ملونه تفاحي وطوبي ومشجر رمادي وراح احط الستاره رومانيه بس اي لون ولو عندك اقتراح افضل قولي لي جزاك الله الف خير ولو الالون ماهيه حلوه قولي لي أغيره بس جربت من قبل الأحمر والبذنجاني والبني مع الذهبي وابغى لون غيرها
مساء الخير ياليت اردين علي بسرعه الله يعطيك العافيه لأني الحين بمرحله تعديل لصاله بغير لون...
ممكن تجيبي لي صورة لدرجة الطوبي اللي راح تحطينه لان مو كل الدرجات حلوة ساعات نلاقي ناس مسوين ويصير شي حلو ويجون ناس يقلدونه وما يضبط لان درجة اللون غير مناسبة

بعدين بالنسبة للالوان حلوة بس ماله داعي تحطي خداديات تفاحي كفاية تحطي طوبي وبيج ومشجر على الكنب خاصة أن الكنب راح يكون لونه رصاصي فيكسر اللون

وبالنسبة للستارة هل راح تكون في الجدار الطوبي ولا في السكري