اول شي نجي للالوان
شوفي هنا الالوان رووعة وطريقة تداخل الالوان اروع أنا من رايي سوي جدار واحد كامل كذا وبعدين الجدار الملاصق له واصلي عليه مثل الصورة بس مو الجدار كامل لا شوية منه والباقي من الجدار خليه للخزانة يعني لا تصبغينه لاني ارشح انج تسوين خزانة كبيرة للسقف يعني هالجدار راح يكون للخزانة ماعدا جزء صغير وانا من رايي خلي هالجزء الصغير حطي فيه رفوف ابيض سادة و صفي عليها الالعاب
بقية الجدران سويها وردي شوفي في الصورة في ورديين أنا اقول سوي الوردي الفاتح وسوي الاثاث ابيض
أول شي نجي للتسريحة سويها شي ناعم وبسيط بما انهم لساتهم صغار
السرير سويه مثل هالتصميم بس لونه ابيض سادة .. بالنسبة لبنتك الصغيرة ممكن تسوين لها نفس السرير بس اشتري الحواجز اللي تنشال وتنحط لانها الحين صغيرة لكنها بتكبر فلازم يكون السرير مناسب للحين وللمستقبل وحطي السريرين جمب بعض وبينهم كوميدينو شوفي اللي في الصورة صغير ومرتب سويه ابيض سادة واللي يزيد من البوية الملونة سوي في درج واحد اعمدة ولونيها بنفس الالوان وخلي مفرش السرير ملون بنفس الوان الجدار
وسوي الارضية سواء موكيت أو رخام مثل لون الصورة الفوقية أنا احبه في الغرف لانه محايد تقدري تنسقيه مع اي شي ووزعي قطع زل مناسبة
والستارة سويها شي سمبل شوفي مثل الصورة بس انتي غيري في الجزء اللي فوق سوية بنفس الوان الجدار
ولو حابة اساعدج في تنظيم الاثاث رسمي لي رسمة مبسطة للغرفة يعني مكان الستارة ومكان الباب عشان اوريج وين تحطين الجدار الملون ووين السادة و وين نحط كل قطعة من الاثاث
اتمنى اكون افدتج
اول شي نجي للالوان
شوفي هنا الالوان رووعة وطريقة تداخل الالوان اروع أنا من رايي سوي جدار...
انا عند الصاله ابغا اسوي البويه زي هذي الصوره بس حبيت اسالك عن اسم البوي اخلي جدر واحد نفس الصوره والباقي اخليه ساده بس احط فيه ايطار زي الي عند الستاره والالوان تكون ابيض وارونج والكنب ابغاه رصاصي وارونج وادخل الابيض معاه فيه جدر سويته ديكور للبلازم كيف اخلي البويه حقته..وتسلمين تعبتك معاي