السلام عليكم كيفكم يابنات وكيف استعداداتكم لرمضان تقضيتوا ولا لا ؟؟
( على فكرة العثيم مسوي عرض على الفيمتو الاربع حبات بعشرين ريال بس ويخلص العرض بكره يالله اهجموا عليه قبل يخلص العرض )------>>> ترى ماله دخل بالسالفه بس حبيت اعطيكم معلومة هههه :pinklove::pinklove:
قبل يومين الله يسلمكم رحت لمستشفى العسكري ابغى اطهر ولدي توه ماكمل الشهر ياقلبي عليه :baby2:تهي تهي
وانا بغرفة الانتظار قاعدة اتأمل وليدي وعويناته البريئه ويتقطع قلبي عليه واقول ياعيون امك ماتدري عن المصيبه الي تنتظرك بعد شوي :44: رغم ان عندي ولدين قبله والمفروض اكون تعودت بس قلبي مايطاوعني واكيد كل وحده عندها ولد تحس باحساسي وشعوري هذا ...
المهم جاء الفرج بعدما انلطعنا ساعتين انتظار وطبعا الي يراجع بالعسكري يعرف الشي هذا :mad: وتدخلني الممرضه الهنديه غرفه وتغير لوليدي وتلفه وتقول (ماما مافيه قاليب ) وانا ساعه فاتحه فمي اقول هاه وش تقولين وتكرر ( مافيه قاليييييب ) وانا مادري وشو القاليب هذا وبعد محاولات اكتشفت ان قصدها حليب خخخخخ ياحليلها ذيك الهنديه والله حبيتها خفيفة نفس ..المهم كانت الغرفه مفتوحه وغرف العمليات الي يطهرون فيها الاطفال قدامي يعني وانا جالسه انتظر اشوف الباب وكان فيه وليد يطهرونه داخل قبل ولدي وصياحه ياقلبي عليه تسمعينه اخر المستشفى بس الغريب والعجيب انه كان فيه اثنين شكلهم ام الولد وابوه واقفين عند الباب ينتظرون وشكلهم صغار الظاهر اول ولد لهم بس الي صدمني وخلاني كذا :eek: وكذا :icon810: انهم قاعدين يضحكون ويسولفون وشكلهم ينكتون بعد وضحكهم واصل عندي والابتسامه شاقه وجيههم ووليدهم قاعد يتقطع من الصياح داخل انا بعدين قلت يمكنها خالته او قريبته مو امه وامه تعبانه ماجت معه بس تاكدت بعدين انها امه لان الممرضه لما طلعوه من الغرفه قالت فين ماما بيبي ولحقتها وبعدين حتى لو ماكانت امه انا حزنت عليه وتقطع قلبي من صياحه وانا مااعرفه وشلون هي !!
سبحان الله فيه ناس صدق قلوبهم قاسيه انا مستغربه من تصرفهم ماادري هل انا ام دميعه :icon33: وخبلة ومكبرة الموضوع لاني الصراحه اشيل هم تطهير عيالي اسبوع كامل ولا فعلا تصرفها وبرودها غريب ؟؟
يعني عادي عندك تضحكين وتسولفين وتنكتين انتي وابو الشباب وولدك داخل يطهرونه وتسمعين صياحه الي يقطع القلب ؟؟
جوري10 @gory10
عضوة فعالة
يلزم عليك تسجيل الدخول أولًا لكتابة تعليق.
جوري10
•
غريبه بس اكيد مو امه>>>>>>>>>>>>>>>مجرد احساس ولا لو امه ماسوت كذا هي وابو الشبااااااااااااب واه بس من التطهير معقوله للحين مالقوء حل تخدير او اي شئ يخفف الالم بس الله يعظم الاجرغريبه بس اكيد مو امه>>>>>>>>>>>>>>>مجرد احساس ولا...
مشكورة اختي بس حتى لو هي خالته او عمته وشلون تقدر تضحك باعلى صوتها والولد يصيح داخل والمشكلة الممر مليان رجال وحريم وكلهم على اعصابهم ومتوترين وبعضهم يدعي والي يستغفر والي منزل راسه وهي مبسوطه تضحك !! سبحان الله ..
الصفحة الأخيرة
ولا لو امه ماسوت كذا هي وابو الشبااااااااااااب
واه بس من التطهير معقوله للحين مالقوء حل تخدير او اي شئ يخفف الالم
بس الله يعظم الاجر