يابنات ياحبيباتي الله يسعدكم انا بقولكم شئ اجربه من يوم وانا بنوته عند اهلي يعني اكثر من 10 سنوات ...
انتم غاليات عليه وانا والله مو من النوع الي اي حد يسألني عن شي مستفيده منه الا واعلمه بس انتم راح اقولكم بدون ماتسألون ...
انا والله مو مدح في نفسي بس الحمدلله انا درجة بياضي متوسطه واكثر شي اميل للبشره الصفراء ...
بس بشرتي صاااافيه ماشاء الله لأني مهتمه فيها من وقت للثاني ماقولكم انه 24 ساعه اهتمام ومدري وشو لا ...
حتى لما احط المكياج الخفيف على وجهي يطلع جنان في المناسبات والكل احس بنضراته يسألني كيف ؟؟؟
بس ابقولكم تجاربي وافيدكم مثل ماستفدت وياليت ان الموضوع ماينزل بسرعه عشان الكل يستفيد فاطلب منكم يابنات ترفعونه عشان الكل يستفيد ...
نبدا بسم الله ...
ولاتنسون ذكر الله وقولة ماشاء الله تبارك الله لاحول ولاقوة الا بالله ...
بالنسبه لأقنعة وجهي انا عندي قاعده في ماسكاتي الي هي ...
الزبادي + العسل يعني كل ماسكاتي لازم يكون فيها هالشيئين والمكون الأضافي الثالث هو المتغير ...
يعني 1 م ص زبادي + 1 م ص عسل = < 1 م ص المكون الأضافي > الي هو ...
( شوفان مطحون او خميره فوريه او سدر او مره مطحونه او البيض سواء صفار او بياض او الطحينيه ) او اي شي ثاني انتي بشرتك مرتاحه عليه وانا موبس هذا المكون الثالث انا دايم اجرب كل شي والحين راح اضيف لمكوناتي الأساسيه بودرة الرز المطحون فضيييعه يابنات بالنسبه للطحينيه فضيعه من تجربه احيانا تكون بشرتي فيها جفاف من الطلعات او الشمس اوقات الصيف والعطله فعلى طول اسوي قناع الطحينيه طول هذيك الفتره ...
والسدر يابنات صفاء غير طبيعي تصفي بشرتك مع الوقت وهذا احلا قناع عندي ...
بس هالمكونات الخمسه هي الأساسيه عندي فهمتو علي ...
معبيتها في علب صغيره ومخصصتها للوجه فقط ... بعدين اصور لكم عدة العنايه بوجهي لأني مسويه لها عده عشان ماقعد احوس لاجيت اسوي الخلطه وبعدها اتكاسل فخلي كل شي قريب منك ومرتب ...
انا دايما اغير يعني قبل ماتسبح احط القناع واخليه لين بنشف واتسبح ولاتنسووووون الرقبه لها نصيب من هذا القناع ...
انا حتى زوجي لما تزوجته كانت بشرته معدومه وصرت اسويله معي كل شي اسويه لي ويابنات تغيرررت بشرته 180 درجه الحمدلله ...
والمستحضر الي مستحيل استغني عنه هو اسكنول الليمون وانتم تعرفون طريقته اكيد اول مااصحى من النوم امسح فيه وجهي ورقبتي نضافه وانتعاش عجيب ...
والصنفره ثم الصنفره وهذي صنفرة وجهي الي ماستغني عنها لأنها ناعمه على الوجه مو خشنه ...
لازم مرتين بالأسبوع تسوينها تشيل لك الجلد الميت وتنضفها وتخليها ناعمه ...
واهم شي الترطيب يابنات انا قبل النوم احط لوشن على وجهي او بعد الترويشه لأني ماحب الكريمات الثقيله والي استخدمتها وعجبتني هي ...
لوشن الفازلين بزبدة الكاكاو خطيرررررررره
جرجنز بكل انواعه مره حلوه والحين استخدم فير اند سوفت من جرجنز خطيرررررررررر ...
لوشن جونسون بكل انواعه حلوه مره
ولاتنسووووووووووووون واقي الشمس في الطلعات مهمممممممم !!
واموووت في اولاي بالتوت البري بس الحين ماعاد نلقاه مدري ليش ؟؟؟؟
منضفات الوجه ماستخدمهاااا ابدا لأنها تجفف البشره ...
بالنسبه لبشرة الجسم ...
من واقع تجربتي من زمااان وانا استخدمه ومافي له مثيلللللللللللللل الي هو الحمام المغربي ...
تروشي بالمويه الحاره بعدها حطي الصابون السائل المغربي وخليه عليك قد ماتقدري بعدها غسليه بالمويه الدافيه ...
بعدين خذي اليفه المغربيه واغسليها بمويه حاره وابدي التفريك بشكل دائري وراح تطيح منك بلاوي الي هو الجلد الميت
بعدها غسلي من الجلد الميت وخوذي الصنفره حقت الجسم انا استخدم هذي الي بالمشمش بعد الحمام المغربي لأنها خشنه ومناسبه للجسم وتصنفرين كللللل جسمك حتى اصابع ايديك ورجولك لاتنسونها ولاتنسون الوجه له نصيب بعد ...
والحين في طريق قريتها من منتدانا الغالي الي هي انه اخذ قدر واحط فيه مويه واحطها على الدافور في الحمام واخليها تغلى وبكذا صار فيه بخار وهالفكره جهنمييييييه وخطيررره الله يوفق راعيتها بس ...
وبعد ماتخلصين براحتك تحطين لوشن او لا لأن الصابون المغربي فيه زيت ويرطب البشره وزيادة خير الصنفره كريميه ...
انا ماتروش بعد الصابون المغربي بأي صابون نهائيا لانه يكفي ومابي بشرتي تنشف احيانا اخلط مع الصابون المغربي زيت الوز الحلو ...
وتعالي شوفي النعومه والبياض واعجاب ابو الشباب في بشرتك :arb: ههههههههههه
ومع الوقت راح تكون بشرتك صااافيه من اي شي بس استمري عليه مره في الأسبوع بس ...
اما باقي الأيام استخدمي اي صابون عادي انا استخدم كل شي مو مشكله واحيانا استخدم البابايا حلوه بعد وخطيره...
وهذي هي الأصليه يابنات واحسن شي 4×1 ...
وصابونة الحليب مره ترطب وتخلي بشرتك ناعمه وحلوه للوجه لأنها ماتسبب الجفاف ...
والصنفره اليوميه هي ملح الحليب لأنها ناعمه وخفيفه على البشره ...
والحين جربت البن الي يبقا من القهوه بعد طبخها وطلعت جناااااان يابنات للحين استخدمتها 3 مرات ...
وهذ موضوعها >>>>>>>>>>
http://forum.hawaaworld.com/showthread.php?t=2973697
والبكنج صودا استخدمه مره في الأسبوع ومجهزته بعلبه في الحمام والطريقه اني اخذلي ليفه قماش الي تجي مع طقوم المناشف واغرقها مويه حاره بعد ماكون تروشت وخلصت وجسمي دافي واصب عليه من البودره وابدا فرك بجسمي وشوفي السواد الي راح يطلع بلاوي ومع الوقت تتفتح البشره معه ... فضيييييييييييع يابنات جربوه ...
روحي للعطار وقوليله ابي بكنج صودا وخطيررررر لسواد المنطقه الحساسه من تجربه يابنات ...
وهذا سر بياضي وصفاوة بشرتي الي الكل يسألني عنها ...
لاكريمااات ولاخرابيط نهائيا ... الحمدلله ...
وراح اقولكم وش سويت بعد النفاسه ببنتي لأني كنت كأني فحمه من كلف الحمل بس امي الله يسعدها ماخلتني وسوتلي شي عجييييب بعدين اقولكم عليه في موضوع مستقل لأن السالفه طويله ...
يارب يعجبكم موضوعي وتجربتي ياغلا خوات بالدنيا ...
انا يابنااات عطيتكم الأساسيات بحياتي من خلطات ومن طريقتي في الأستحمام وهذا الي المفروض تسويه كل وحده منكم ...
بس يعني مو انه ماجرب اي شي ابدا بس هذي الأساسيات ماغيرها ابدا لأنها سري وراح تكون سركم بأذن الله ...
اســــــــــيرة الذكـــرى
نفس المنتجات الي برابط توقيعي