السلام عليكم ورحمة الله وبركاته
كيفكم يابنات ارجوكم ساعدوني نوروني بالنصايح قولو ايش اسوي
انا كنت طالبة جدا ممتازه ومتميزه في قسمي واحب الدراسه لدرجة خلال الجامعه كامله
ماقد غبت الا يوم واحد واذكره بالزبط ايش هو اليوم تخيلو الحمدلله كنت بصحة وسلامه
وماكنت احب الغياب او افوت محاضره وحده حتى لو المحاضره التعريفية وجبت معدل
يعتبر جيدجدًا مرتفع ولكن اغلب درجاتي امتيـأز المهم انا احس بأنكسار من بعد ماتخرجت
قدمت في الماجستير وفي البعثه وفي كل مكان ما انقبل الا في وظايف المولات ماقول شيء في الوظايف
بس انا حابه تخصصي وحابه اطوره واشتغل فيه "سياحة" ونفسي اكمل دراستي لكن كل شيء يجي عكسي
وربي اتمنى اليوم اللي اكمل فيه دراستي مرررره احب ادرس سبحان الله ماتيسرت لي ولا في مكان
والآن انا عاطله ومحبطه وقاعده ادور اي وظيفه في مدرسة او روضه اهليه أداريه او غيره
انا تعبت من شغله بائعه في المول كنت اشتغل لمدة 9 شهور وربي طلعت لي دوالي في رجلي من الوقوف والتعب
الدنيا ظلمت في وجهي ماني عارفه ايش اسوي احس كل حاجه تحمست لها في دراستي وجامعتي راحت هباء منثور
حسبي الله ونعم الوكيل اكتب لكم ودموعي على خدي ماني مستوعبه كيف كنت طموحة وصرت في اسفل سافلين وعاطلة :(
لاحول ولا قوة الا بالله ماحد يحس في القهر اللي بقلبي الا اللي كـانت زيّ بالزبط وانصدمت بالواقع بعد التخرج من تميز وتفوق لعطاله تامة

Sh.Ah @shah_4
عضوة جديدة
يلزم عليك تسجيل الدخول أولًا لكتابة تعليق.

همة امة
•
ياعمررري الله يوفقك يارب ويفتحهااا بوجهكك حاولي تكملين دراستك بالمنطقة اللي انتي فيها

الحمدلله انك بصحه وعافيه الحمدلله اهلك يسمحون لك تتوظفين وتتسببين وتكسبين رزقك بالحلال والله اني اتمنى الوظيفه اتمنى لي دخل شهري
خذي دورات عن بعد في تخصصك قدمي مره وثنتين وثلاث على الماستر وطوري نفسك في تخصصك
برضه شوفي دورات على موقع دروب مجانيه وتزيد نقاطك في اي مكان تقدمين عليه
الله يحقق امانيك وييسرلك
ويرزقني وكل محتاجه من المسلمات مالا حلالا وفيرا يعنني فيه على طاعته يارب عاجلا غير اجل
خذي دورات عن بعد في تخصصك قدمي مره وثنتين وثلاث على الماستر وطوري نفسك في تخصصك
برضه شوفي دورات على موقع دروب مجانيه وتزيد نقاطك في اي مكان تقدمين عليه
الله يحقق امانيك وييسرلك
ويرزقني وكل محتاجه من المسلمات مالا حلالا وفيرا يعنني فيه على طاعته يارب عاجلا غير اجل


اكثري من الاستغفار وقول لاحول ولاقوة الا بالله مع اليقين التام ان ربي بيحقق حلمك لان ربي يقول انا عند حسن ظن عبدي في ان خيرا فخير وان شرا فشر وحاولي تقدمين على الماجستير الاهلي
الصفحة الأخيرة