قاعدين بالبيت تعالو.

السلام عليكم ورحمه الله. 

ايش الحل للي يدق بالكلام على الوظيفه؟  انا ما ابغى اشتكي،  لكن ضاقت بي، حسبي الله ونعم الوكيل.  
قالت لي امي خلهم يتكلمون يا بنت،  هم مستكثرين عليكي الراحه،  عيشي حياتك،  وافرحي بعيالك وتربيتهم بكرا يكبروا بسرعه، والوقت يمر على السريع.  لا تشغلي بالك وصحتك،  هم بيغونك مهمومه.  

ليه صارت الي تربي عيالها ما الها وزن تعبها وشقاها؟  هم ما يصرفون علي وعلى عيالي،  ولا هم الي يشتروا حليب واكل.  ولا هم الي تعبانين يربوا.  والله التربيه جهاد. 
انا ابغى اتدلل على زوجي،  زوجي راضي ومبسوط.  ايش دخلهم؟  ابغى ارتاح. زوجي مهتم فيني ويحط بيدي الفلوس وما يخليني احتاج شي. 
انا ما ابغى احط عيالي في حضانات،  واطلع من البيت من قبل الشحاذه وبنتها.  ما ابغى اطعمي عيالي نغتس وبرغر،  الي مو معروف هو لحم طير،  ولا لحم حمير. ابغى اطبخ في بيتي. 
ما ابغى فيلا وعقارات واراضي،  ولا ابغى رصيد في البنك بالملايين . وبالاخر يلفوني بقطعه قماش بيضا. انا كذا تفكيري.وحره فيه.  وحره بارادتي.  
ليه لازم اكون نسخه من فلانه وفلانه؟ هيه حره بحياتها وقناعاتها. هيه ربنا معطيها صحه وحيل تشتغل برا البيت وجوا البيت. الله يقويها.  
انا ما اقدر اشتغل 24 ساعه. عندي طاقه جسديه محدوده. 
انا مو رجل.  ظروفي يا عالم غير.  
 ليه الدق.  ليه الدق؟
يا اختي انجزي وصيري مديره شركه،  ومليونيره.  الله يوفقك.  بس ليه الدق؟  ايش الي تبي توصليه؟ ؟ ترى ربنا موجود وعارف بمكنونات القلوب. 
تكرهيني،  مشكلتك،  مو مشكلتي.  ايش اسوي حتى ترتاحي؟  الكون يوسعنا كلنا.  ليه مستكثرين علي حتى الاكسجين. 

ادعي واقول الله يشلهم الي يقعدوا في البيت ويتمنوا المشي،  ولا ادعي واقول الله يعميهم ويتمنوا النظر. استغفر الله.  ايش ادعي عليهم.  متى ربنا يعاقبهم. تعبت.  والله تعبت.  
سبحان الله كل مرة يدقوا بالكلام ربنا يفتحلي باب رزق.  والله اني صبرت.  حسبي الله. 

الي تبي تكتب لا تدق بالكلام انا شبعت دق.  ترى اذا ما سكتوا اجيب معي كلشن المرة الجاي.