قالبين علي بدون سبب

بنات لي قريبات ٤ كلهم كبار بعمري من ٢٨ وتحت
يعني هم خوات علاقتي فيهم كويسه
ونمون على بعض اكثر من خوات
والى العيد ثاني يوم شفتهم ضحك وسوالف معي فجاه
منقلبين علي لهم ٤ ايام
بقولكم ليش قلت منقلبين انا متعوده خاصه اللي بعمري
٢٤ ساعه معي مكالمات وضحك وتعليق بالسناب
يعني ارسلهم خاص مو ستوري
اشياء خاصه بنات استهبال ويعلقون ويضحكون
لي اربع ايام كل ماطلعت ارسلهم يفتحون ولا يعلقون ولا بكلمه
لي يومين احاول اكلم اللي بعمري تتهرب
لي يومين اعزمهم واقولهم نطلع كوفي يصرفوني
صار فيه طلعه خاصه للعائله اليوم
بشاليه هم رفضو يروحون ولا علموني !!
مع ان دايم اذا ماراحو يدخلون علي خاص
يقولون ماراح نجي ترا وانا نفس الشي اعلمهم
قبل شوي ارسلت للي بعمري قلت
تبغين نطلع كوفي نتمشى دام اهلنا طالعين
قالت بشوف عن خواتي وسحبت علي كلمتني اختها
قالت ترا ماراح نطلع انا بشوف وش فيه
قلت غريبه دايم انتم تتحمسون
قالت هالنفسيات اللب عندي رفضو يقولون مانبي
ملاحظه
علاقتي معهم اكثر من خواتي
ينامون عندي وانام عندهم اطلع لهم بحوستي
وببجامه دايم يغثوني نطلع نطلع
وعادي اطلع واطلع لكن
اللي انصدمت منه
انا من بعد يوم العيد يتجاهلوني ليش
لان امس طلعو مع قريبتي الثاني وحتى ماقالو لي
تطلعين معنا
وطلعو مع مرت عمي اللي بعمرنا ثالث العيد ولا فكرو
يقولون لي انا ماحب احد يعاملني كذا
مره يصير معي عسل واشد من اخت
فجاه يقلب علي وبدون سبب مافي اي سبب
والله اني افكر اقول لايصير قايله شي لهن بذون ماقصد
مو معقول مو متقبليني كذا مره وحده
هو حصل موقف بالعيد شكيت منه اختهم الصغيره بالكليه
مره ع نياتهم وتتكلم بدون ماتحس جت ضربتين مع
كتفي قالت حركات بتروحين اوربا وجاحده عنا
انا شكيت انهم ع بالهم حاجزين واني مخبيه عنهم
لان ايام رمضان امي الله يهديها هرجت لناس
اننا بنحجز وخلاص كاننا ضامنين السفره فجاه ماحصل لنا سفره هالسنه ذي
وانا متاكده ان هالناس يوصلون اهم اي كلمه