%قوت القلوب% @kot_alklob_27
محررة برونزية
قالب اللحمة مع زهرات البروكلي(meat loaf)بالخطوات المصورة * _^
السلام عليكم ورحمة الله وبركاته
كيفكم ان شاء الله تكونوا بخير
تقبل الله طاعاتنا وجعلنا من عتقائ الشهر الفضيل
اليوم حبيت افيدكم اخواتي بطبق بعمله للامانة مو كثير يعني بين فترات متباعدة كنوع من التغيير في الاطباق بين العربي والغربي بانواعه
والطبق هوا Meatloaf او قالب اللحمة المفرومة و هو من جهدي وتذوقي الخاص
المقادير
بسم الله توكلت على الله
كيلو لحمة مفرومة فيها نسبة دهن بسيطة اي تقريبا 95% لحم صافي و5% دهن
نص كوب من كل مما يلي (بصل . كرفس . جزر ) بامكانكم الاستغناء عن الجزر حسب الرغبة
بيضة مخفوقة
بالاضافة الى بهارات مشكلة + بقدونس + ملعقتين كاتشب +ملح وفلفل + 2 سن ثومة مبروش ناعم + ونص كوب بقسماط
اول شي بنقلي البصل والجزر والكرفس في ملعقتين زيت زيتون وبنخليهم بس يتذبلوه شوي
بعدين بنضيف جميع ما ذكرنا شابقا في المقادير الى اللحمة وبنعجنهم باليد علشان يتجانسوا جميعهم حتى نحصل على عجينة لزجة نو عا ما
بعدها بنجيب قطعة قصدير وبنخليها على سطح المجلى وبنضيف الها اللحمة وبنشكلها على شكل مستطيل مرتب
بعدها بنلفه على شكل اسطوانة بمساعدة القصدير
بنحطه في صينية مدهونة بالزيت او الافضل اذا وجد قالب الخبز الي بيكون على شكل مستطيل
وبندهن الوجه بملعقتين كاتشب بنشوية مدة ساعة كاملة على حرارة متوسطة
(الخطوات مرتبة بالمرفقات )
يتبع.........
28
4K
يلزم عليك تسجيل الدخول أولًا لكتابة تعليق.
وهذا شكله بعد الاستواء ( انا غطيت القالب بعد مرور نصف ساعة في الفرن مجرد تغطية بسيطة للوجه )
بنترك القالب يرتاح وبنغطيه في قطعة قصدير وبنروح نعمل البروكلي
شخصيا البروكلي دائما متوفر عندي في ثلاجتي ودائما فرش ما بحب المفرز وفي سر اني احافظ عليه لاطول فترة ممكنة اني بحطة بالقرب من عامود الثلاجة من الداخل
وبناكله باكثر من طريقة ومحبب لاولادي الاثنين واكثر شي بشكل غير مطبوخ مع الرانش
المهم اليوم عملته جنب الميتلوف طبعا اول شي بنغسل راي البروكلي
بنغلي المي وبس تغلى بدخل الزهرات فيها مجرد دقيقة او ثنتين وبعدها بحطها في جاط ماي باردة وفي مكعبات ثلجية وهذه الطريقة مثل ما ذكرت من قبل بتحافظ على جميع الخضروات المسلوقة الاحتفاظ بلونها والتوقف عن عملية الطبخ بعد انتشالها من الماء الساخن
في مقلاة على النار بنضيف ملعقة زيت زيتون كبيرة وفيها شرحات ثومة بس تتحمر بنضيف الها الزهرات
وبنخليها تتقلب شوي مع الثومة والزيت وبنضيفلها ملح واحيانا بعمل نصف الكمية باضافة الفلفل الاحمر الناشف
بس المرة هذه غيرت واضفت ملعقة صويا صوص
وبهذه الطريقة بننتهي من اطباقنا لليوم بنقطع قالب اللحمة وبنصف على اطرافه الزهرات وبنقدمه
وصحة وعافية
بنترك القالب يرتاح وبنغطيه في قطعة قصدير وبنروح نعمل البروكلي
شخصيا البروكلي دائما متوفر عندي في ثلاجتي ودائما فرش ما بحب المفرز وفي سر اني احافظ عليه لاطول فترة ممكنة اني بحطة بالقرب من عامود الثلاجة من الداخل
وبناكله باكثر من طريقة ومحبب لاولادي الاثنين واكثر شي بشكل غير مطبوخ مع الرانش
المهم اليوم عملته جنب الميتلوف طبعا اول شي بنغسل راي البروكلي
بنغلي المي وبس تغلى بدخل الزهرات فيها مجرد دقيقة او ثنتين وبعدها بحطها في جاط ماي باردة وفي مكعبات ثلجية وهذه الطريقة مثل ما ذكرت من قبل بتحافظ على جميع الخضروات المسلوقة الاحتفاظ بلونها والتوقف عن عملية الطبخ بعد انتشالها من الماء الساخن
في مقلاة على النار بنضيف ملعقة زيت زيتون كبيرة وفيها شرحات ثومة بس تتحمر بنضيف الها الزهرات
وبنخليها تتقلب شوي مع الثومة والزيت وبنضيفلها ملح واحيانا بعمل نصف الكمية باضافة الفلفل الاحمر الناشف
بس المرة هذه غيرت واضفت ملعقة صويا صوص
وبهذه الطريقة بننتهي من اطباقنا لليوم بنقطع قالب اللحمة وبنصف على اطرافه الزهرات وبنقدمه
وصحة وعافية
الصفحة الأخيرة
يتبع .....