قالتـ مليت من هالدنيا قلت ربى معاج من طلب ربه ماخاب

السلام عليكم ورحمه الله وبركاته
ودى ادخل بالموضوع:(

عندى اعز صديقاتى تشكيلى عن مشكلتها تقولى, انا مليت من هالدنيا الظالم يكون دايم ع حق والمظلوم ينوكل حقه)
قصتها
تقول انا مطلقه وعندى ولد قاعده عند بيت ابوى بوسط اهلى امى وابوى واخوى وزوجته واعياله
تقول زوجة اخوى حقوده وتغار حتى لما اسولف مع اخوى واضحك تغار عليه كانى عدوتها دارت الايام
وتبلت ع ولدى وقالت ولدى يضرب عيالها خاصه بنتها وكم مره يسوى حركات وصخه معها رغم ولدى عمره 8 سنوات وما يعرف شى وبتها عمرها 6 سنوات وكل هالتبلى وهالسوالف ودها تشين صوره ولدى وصورتى عند اخوى رغم انه اخوى من حبه لى يحلف براسى ومع الايام اخوى تغير على وقام يكرهنى حتى لما يشوفنى ما يكلمنى كرهته فينى رغم انه يعلم الله انه زوجته تبلت على وعلى ولدى واخوى للحين صارله سنتين ما يكلمنى رغم والله العظيم ولدى ما يعرف هالسوالف حتى شغالتها قالت الولد مظلوم وانا شفته بس هو ضربها وهو ما يدرى كانو ا يلعبون انا كل يوم ابكى وادعى ربى عليها بس كيف اقنعت اخوى ما يكلمنى وشوهت صورتى وصوره ولدى عنده شنو هدفها وليش تعالملنى هالمعالمه رغم انى ماحيتها بشر ولو تطلب عيونى بعطيها وهى عند اخوى صاحبه حق ليش اياربى رغم انه اخوى جانى يوم من الايام وقال لى ولامى ولابوى بطلقها وانا واهلى قلنا لا حرام ام اعيالك وبعد هالسالفه اللى سوتها زوجته فينى كرهنى انا وهى شالها ع العين والراس

بنات نبى الحل للمشكله هذى لانها اعز صديقاتى فلازم نلقى لها حل وانتم فيكم الخير

بانتظاركم:(