قالت بنت!بس احساسي قال ولد!وبالاخير طلع..

السلام عليكم

اشلونكم يا حواااااااااااااااااااااامل :)

انا من فتره كنت منزله موضوع عن الالتراساوند ومتى بالضبط اقدر اسويه علشان

اعرف شنو جنس البيبي لاني سويته ف الاسبوع ال13 وماااااااا بين ابدااااااا لانه كان

متكوووور ونايم ع بطنه فكان صعب يبين نوعه ولمن صممت اعرف قالت الدكتوره

احتماااااااااااااال بنت!! بس مو متأكده!!

المهم.. طلعت وانا ماني امصدقه انها بنت لان احساسي من اول ما حملت وانا اقول

ولد ودايما احساسي يصدقني وعمره ما خيبني بكل حملاتي الثلاث اللي قبل..

وبعدين نطرررررررررت 3 اسابيع وقلت بعيد الالتراساوند لاني كملت 16 اسبوع اكيد البيبي غير وضعه اللحين

واكيييد ببان نوعه وحجمه صار اكبر بعد.. رحت الدكتوره وعملته طبعا الحمدلله طلع كل شي

سلييييييييييييم وزن البيبي وقياساته والماء والمشيمه وكلوووووووو ع بعضه سليم والحمدلله :)

ولمن سألتها عن نوعه قالت انا جفت نوعه من البدايه بس انتظرج تسألين هههههه ولمن سألتها

قالت اذا ما خاب ظني فهو وليييييييييييييد صغييييييييييير لانها عراقيه لمن قالت وليد صغير طررررت

من الفرحه وما جفت روحي الا احظنها وابوس فيها واضحك جنى مجنونه ههههههه وهي تسألني

اتقوللي ما عندج اولاد قلت امبللللللللللله عندي النوعين بس هذا غييييييير لاني كنت متأكده انه

ولد بس مدري ليش السونار أخطأ معاي فالبدايه؟؟!! الحمدلله والشكر ولآآآآآخر لحظه وانا اقولها صج ولد

وهي اتقول ان شاء الله وورتني ال.... واتقول جوفيها وااااااااااااااااااااضحه وفعلا يا بنات كانت واااااااضحه جدا

خط طويييييييل ما بين كرتين صغار صايرين مثل النقط هههههه يا قلبي عليييييييييه طبعا شكرتها كثيييييير

وقلت لها لج الحلاوه يا دكتوره واستانست ههههههه ووعدتني الشهر الجاي تصورلي المنطقه ال.........

مخصووووووووص علشان أرتااااااح اكثرررررر.

وبسسسسسسسس هذهي كل السالفه يا بنات يعني السونااااااااااااااااااااار لابد يغلط ف بعض المرات

وبالذااااااااات اذا قالولكم مو واضح او احتمال بنت لان الولد مستحييييييييييل يغلطون فيه يبين واااااااااااضح عدل!!

وما عليكم من الدكاتره عيدوا السونار علشان تتاكدون اكثر وتتطمنون تره الراحه النفسيه لها دور كبير ف الحمل.

انا كنت محتاااااااجه اعرف نوعه لاني متغربه عن بلادي وما برجع الا تقريبا ع نص السابع وابي اجهز له قبلللل هالوقت

لاني برجع بيتنا وبكرف فيه هذا غير بدايه المدارس وشهر رمضان الله يرزقنا صيامه وقيامه باذن الله يعني كان ضروووري

عندي اسويه واتاكد من نوعه.. حشى قصه حياتي هههه.

وأخيرا..الحمدلله ع نعمته الله يتمم حملي ع خير ويثبته لي ويهون علي حمله وولادته وع كل حااااااااااااااااااااامل ويرزق

كل محرووووووومه قريبا عاجلا ان شااااااااااااااااء الله :)

ومع السلامه :)

وعليكم السلام.