الامــيــرة01 @alamyr01
عضوة مميزة
قالت ظروف .. وقلت يالله عسى خير ..... قالت رحيل .. وقلت بالأمر خيرة!
قال: الظروف!! وقلت : يالله عسى خيـر
قال : الرحيل!؟ وقلـت : بالامـر خيـره!
كذا كذا .. فجـأة .. بـلا صـوت تحذيـر
كذا كـذا .. مـن دون .. فرصـه اخيـره
ساد الجفـاف .. وجفـت العيـن والبيـر
ومال الغصن .. والطير .. فضّـل مطيـره
ما في يدي حيله .. على الغصن والطيـر
ولا فـي يـده حيلـه .. يغيّـر مصيـره!
كلي .. بعيـن الحـزن .. مترسّـم آميـر
جيشي .. جروح .. ونبض قلبي .. ذخيره!
ثار الرصاص .. وطاح غصـن العصافيـر
وصوّب حزين القلب .. اصابـة خطيـره
ما لي سوى البسمة .. بوجـه المخاسيـر
مـادام كـل احـلام عمـري ... كسيـره
هـذي هـي الدنيـا .. نصيـب ومقاديـر
وبعقل مـن يعـرف مداهـا .. قصيـره!
كـم غلفـت بالشـوك .. ورد المشاويـر
وكـم كفنـت بالجـرح .. قصـه مثيـره
يعني !! سلام .. ونلتقي بك علـى خيـر
يعني !! وداع .. وكل شخص ومصيـره!!
5
1K
يلزم عليك تسجيل الدخول أولًا لكتابة تعليق.
ما لي سوى البسمة .. بوجـه المخاسيـر
مـادام كـل احـلام عمـري ... كسيـره
رااااائعه...يعطيك العافيه..........
الصفحة الأخيرة
ألف شكر على النقل الرائع