اليوم صارلي موقف الله لايذوقه مسلمه:44:
الله يجبر قلب كل متاخره عن الحمل يارب ولايحرمنا الاجر
قبل فتره اسولف انا وحده من حريم اخواني وتشكي من اخوي انه متعبها عشان سالفة الحمل وانه يزعل لاجتها الدوره ويبي تحمل ومن هالكلام
قلت احمدي الله عندك عيال وترى زوجك حليل وطيب عن زوجي عشان سالفة الحمل وربي اسمع من زوجي اشد واردى بس اجري ع الله زوجي موقف سعادتنا ع هالعيال :06:
اليوم جانا اخوي وحرمته وشايل بيده عبله جدا راقيه وفرحان حييييييييييييييل ياقلبي عليه
وراح لامي يدورها بالبيت وجلست حرمته جنبي وتقول لي ولاخواتي فيه ضيف جديد جاي وربي من فرحتي قمت ازغرد :icon28:
اقسم بالله كانه انا من فرحتي الي حامل
ياقلبي عليها لاني حاسه بحنة الرجال ونكدهم عشان هالموضوع واخوي ياقلبي عليه فرحان يووزع الحلاوه علينا وربي كانه اول حمل لها مع ان عندهم عيال
اسال الله العلي ان يثبته في رحمها 9 شهور وان يقر عينهم بصلاحه وان تكون بنت كامله الخلق والخلقه كما تتمنى وان ينبتها نبات حسن ويصلحلها جميع ذريتها
يوم جاء اخوي عندي عطاني العلبه عشان زوجة اخوي الثانيه ورحت لها لقيتها ترضع بنتها واول مادخلت قالت لي قولي امين
قلت امين
قالت اسال الله انه مايحرمك من هاللحظه وربي وربي يابنات غصتني العبره ومتلت عيوني دموع:icon36: تخيلت زوجي وفرحته وفرحت هلي كذا واتذكرت فرحته لما بشروني بحملي الاول اني حامل وشلون فرح حييييييييييييل وانبسط بس ربي ماكتبه من نصيبي اسال الله ان يجعل مافقدت شفعاء لي يوم القيامه:44:
والله يابنات ماعاد رديت عليها خلاص ماعاد قدرت اتحمل وطلعت من عندها وربي دموعي بعيني ورحت حطيت العلبه عند امي وجلست باخر الصاله الين راحت العبره:(
دعواتكم لنا المتاخرات وربي معاناتنا كبيره من المجتمع من الاهل من شجع الممرخات من الطب والله اني ارحم الي تستخدم منشطات وابر وعمليات كل عشان هالحمل اسال الله ان كل اخت لي تعرضت لابر او عمليات او تنشيط او اطفال انابيب او تلقيح ان يجعل ماكتب لها من ذريه بارة بها وان يقر عينها بهم ولا يشقيها بهم فوالله معاناتها اكبر وتعبها الجسدي والنفسي اكبر بكثير
والا الي تجيكم من اقاربك تحمل وتخبي عليك اقسم بالله قريبه لي مره حملت عرفو اهل زوجي ولا عرفت مع انها مافيه بينها وبينهم اي صلة قرابه ولما عتبت عليها لاني دايم اشوفها وومادريت الا لما شفت كرشتها قدامها سالتها انتي حامل قالت ايه قلت ليش ماقلتي وربي اهل زوجي سالوني وقلت لا قالت وش اجي اقولك انا حامل ...!!!!
والله لارحت اي مكان وشفت ام مع اطفالها وسالوني عندي عيال اقول لا عروس مافيني اشوف نظرة خوف ع عيالها مني والا نظرة شفقه لاني متاخره :44:
والا لاجتك الجروح من زوجك وشلته الله يفرق عليه شمله من يسعى لتفريق بين الزوج وزوجته وربي يقولو تزوج عليها المفروض عيالك يدرسو والا الي يعرض خواته له والا الي يجبو له ارقام خطابات تقولو مابيعتدل حال اطفال السعوديه الا لما يجون عيالنا مره وقف الموضوع علينا الا نجيب اطفال:09:
والا الي يقول ليش تصبر لازم تجيب عيال والا تراك ماقصرت معها تعال خذ اختي من غير مهر بس يجيك اطفال حسبي الله ع من حرق قلبي
دعواتكم لنا يابنات وربي احنا بحاجتكم وداخلين شهر فضيل ادعو لنا من قلب لعل فيكم من ااقسمت ع الله فابراها وربي قلبي يتقطع نفسي اكون ام واسد حلوق حولي جرحتني بسبب هالحمل :icon33:
ابي افرح زوجي واريح قلبه
يبي ولد والا بنت تشيل اسمه وتشيله لاكبر ومرض بس مابيدي شي حكمة ربي والله والله راضيه فيه ومحتسبه والله ومرتاحه لان ربي يحبني ولو مايحبني مابتلاني بكذا بس الجروح زادت والله والناس ماترحم
دعواتكم الله يحنن قلبي زوجي علي ويرده لي ردا جميلا ويجملني بعينه واكون بقلبه ملاك ومايرتاح الا بقربي وانا حوله وياتي الي نادما راغما معتذرا عما بدر منه ويجعل ناره علي بردا وسلاما كما جعل النار بردا وسلاما ع ابراهيم ويجعل امري معه ع خير ويحله بمعرفته وقدرته ..
وربي اني بكربه مع زوجي وماابي اقول لامي يضيق صدرها مخليتها ع الله ربي يحلها ويفرجها من عنده ومحتاجه دعواتكم يابنات وربي اكتب لكم ودموع مثل المطر ماوقفت :icon36:...
يلزم عليك تسجيل الدخول أولًا لكتابة تعليق.
ام ولودي وعنوده
•
ياقلبي الله يرزقك الذريه الصالحه ولاتشيلي بقبلبك وتحزني ترا الدنيا ماتسوى وانا اختك
حبيبتي الله لايحررمك من هااللحظه لحظه فررحتك بحملك ولحظه فررحتك بموولوودك وهو بين يديك ولحظه فرحك بالتقضي له ياااااااااااااااااااااارب تررزق اختنا شتات انثى الذريه الصالحه وكل محروووم
حبيبتي الله يرزقك بالذرية الصالحة عاجلا ليس اجلا والله يفرح قلبك ويهدي زوجك ويسخره لك ويحنن قلبو عليكي ويرده اليك ردا جميلا اعيلي بصلاح الحال وتفريج همي
الصفحة الأخيرة