مع الاخوات طوق الورد...بنت محمد السعود قلبا وقالبا لكم كل الشكر كانكم تقراءون افكاري...









....

أشكر لكن تواجدكن الجميل العاطر ..

والله يثبت من ثبتت الموضوع وإيانا بالقول الثابت في الدنيا والآخره ..

الأخت بنت محمد .. والأخت طوق الورد ..

يبدو لي أنكما قرأتما الموضوع على أنه مقارنة بين جيلين ودعوة للمثالية ..

كل شخص يقرأ الموضوع بطريقته ورؤيته الخاصة ..

هناك من يراها مثلكما مقارنة جائرة وبلا حق ..

وهناك من يراه مقارنة بالظروف المعيشية وصعوبتها سابقا وحاضرًا ..

خلاصة القول ..

في السابق على قساوة الظروف "بغض النظر عن عدد ملابسهم وغرفهم " كانت أمورهم ماشية ونفسياتهم حلوة ..

والآن مع توفر كل وسائل وسبل الراحة إلا أننا نعيش بفوضوضية وقلق دائم ..

أنا أحب إن الواحد ينبهني على خطأي ويحفزني للصواب .. واشوف لو اني عارضته بشدة واتهمته بالظلم والجور هذا دليل على إني رافضه للتغيير ومقتنعة بوضعي الحالي أيًا كان ..

==============================

إذا دخلت عالم حواء وبالخصوص هذا القسم وقسم التنظيف والترتيب وقرأت بعض مواضيع ذوات الهمم " ما شاء الله عليهن والله يزيدهن من فضله "حقيقة اشعر "ببعض الغيرة المحمودة" واقول في نفسي " ماشاء الله عليها عندها زوج وعيال ومسئوليات وهمتها لاقوة إلا بالله عالية " وأنا وش ناقصني عنهن ؟؟ بالعكس والله اني اذا نظمت وقتي وانجزت كل أعمال بيتي احس براحة وسعادة ونفسيتي تصير حلوة مع أولادي .. بس تصادف ظروف سواء سفر أو زيارات وعزايم ورى بعض تعفس جدولي والمود ..

اتبعت مخطط حلو ولو إنه المفروض يكون من قبل هو المعتمد ..

ما أطلع من بيتي سواء لسفر أو عزيمه إلا أنا مرتبة البيت كامل ومعطرته ومختمه غسيل كل الملابس ..

كذا لما ارجع ما يكون وراي الا كنس البيت عن الغبار بحكم أجواءنا الحلوة .. وترتيب الملابس في الدواليب لأني لايمكن ارجع ومعي ملابس مو مغسوله .. لآخر لحظة سواء عند أهلي أو أهل زوجي ما اخلي قطعة بدون غسيل لأنه هم بالنسبة لي ..

فيه أشياء كثيرة ودي اسويها لكن إن شاء الله خير وأطمح بالتغيير للأفضل ..

راائع موضوعك بكل حذافييره ومافهمته انه لامجال هنا للمقارنة

ولكن كأنها دعوة للتغيير

التغيير الايجابي

فجيل الماضي عانى وكافح حتى أنجز ووصل إلى مايريد

أما جيلنا أصبح مرفه ومع ذلك شكوى وتذمر وعدم تنظيم في الوقت

حبذا أن نجمع بين الماضي والحاظر ونفيق من غفلتنا بالتقليل من حمل هذه الهواتف اللتي اشغلتنا عن انجاز الكثير وأصبح هم اغلب الناس متابعة الاخبار وقضاء الوقت بالسوالف في برامج المحادثة خاصة الواتساب سارق الوقت

والنهضة إلى التغير في كثير من الامور خاصة تربية الابناء وتنظيم الوقت واستغلاله

بوركت ع الطرح الجميل 🌺

الله االمستعان
كلنا نحن لأيام زمان بس ماباليد حيله
كل ماأذكر ايام زمان كيف كنا وكيف صرنا تخنقني العبرة لدرجة بعض الأحيان أبكي مررة مفتقده النفوس الطيبة
مشتاقة أعيش مع ناس تحبك لذاتك وتحترمك في حضورك وغيابك اه اه اه بس على أيام مضت
الحين النفوس الناس تغيرت الحين اللي يكون قدامك بشكل وراك بشكل
معد فيه أحترام وتقدير ولا حب حقيقي
العلاقات صارت مزيفة ماتنطاق
صار الواحد يفضل العزلة ولاصلة ناس كذا

ياريت نرجع 25سنة وراء نعيش ايام اول بكل مافيها
صح ماكان فيها أاشياء مثل التطورات اللي موجودة الحين
بس كانت نفوس الناس طيبة حلوه وحقيقة ماهي مزيفة
ياريت نقدر نغير الواقع بس الناس مانقدر نغير فيهم شي
اللي نقدر نغيره أنفسنا بس
مانقول إلا الله يرحمنا ويصلح الأحوال
ويعوضنا في الجنة بالصحبة الطيبة ويجمعنا باللي حبنا فالله في الفردوس الأعلى بالجنة

الله يرحمها ويغفرلها..