خانتني دمووعي...!؟ @khantny_dmooaay
كبيرة محررات
قالوا حبيبك يسمع الشعر قلت أيه يقراه بعيوني قبل تسمعونه
قالوا حبيبك يسمع الشعر قلت أيه
يقـراه بعيونـي قبـل تسمعونـه
لولاه حتى طاري الشعر ما ابيـه
مير أكتبه من شان خاطر عيونـه
هو روح شعري وأمنياته وماضيه
جذع الشجر وش كان لولا غصونه
اكتب لغيره والقصايد تجـي فيـه
كن القصايد حالفـه مـا تخونـه
هذاك لا منه زعل قمـت أهاديـه
حتى وهو مخطي تعـذرت دونـه
يمكن لو أنه يلمس الجرح بيديـه
يستغرب ان اللي لمسهـا طعونـه
ابطى وهو غايب وزلت حراويـه
وأنا من العـام آتحـرى مزونـه
هو مادرى اني في غيابه محاتيـه
ليته نشد عن حالي اللـي يجونـه
وا قلبي اللي توه أفلـت عراويـه
كيف انسرق وضلوع قلبي حصونه
عجزت أرده كان مانـي براعيـه
يوم انتثر شوقه وهاضت شجونـه
يبسن عروقي لكن اللـي يعزيـه
ان اكثـر العالـم تـردد لحونـه
خافو من الله لا تجيبـون طاريـه
لا صرت أنا موجـود لا تذكرونـه
لو كـل غالـي جابـه الله لغاليـه
ما شفت لك مخلوق تبكي عيونـه
6
2K
يلزم عليك تسجيل الدخول أولًا لكتابة تعليق.
***
يالبيييييييييييييه بس
وربي رووووووووووووووعه
يعطيك العافيه قلبوشتي ع الطرح
لاخلا ولاعدم
يالبيييييييييييييه بس
وربي رووووووووووووووعه
يعطيك العافيه قلبوشتي ع الطرح
لاخلا ولاعدم
خافو من الله لا تجيبـون طاريـه
لا صرت أنا موجـود لا تذكرونـه
لو كـل غالـي جابـه الله لغاليـه
ما شفت لك مخلوق تبكي عيونـه
يعطيك العافيه
وش ذا الذوق بجد ابداع
لا صرت أنا موجـود لا تذكرونـه
لو كـل غالـي جابـه الله لغاليـه
ما شفت لك مخلوق تبكي عيونـه
يعطيك العافيه
وش ذا الذوق بجد ابداع
الصفحة الأخيرة
كلماتها روووووووعهـ ...
يسلموووو خيتو ....
ودمتي بحفظ اللهـ يالغاااليه...