جيتكم طايره ابي اقولكم عن المعلومه اللي عندي
واخليكم تشوفون تطبيقي كبدايه
وانتظر اقتراحاتكم لتطويره
قال لنا خالي عن معاناة زميله مع عياله ومرضهم الدائم حتى من نسمة الهواء
وانه اتبع مع زوجته نظام لتقوية مناعتهم ويزيد من صحتهم
وهو ( تمر + زيت يتون او زبده او سمنه + حلبه قصيميه مطحونه ناعم )
ويقول خالي ماشاء الله تبارك الرحمن
عياله تغيروا وسمنوا وزانت عافيتهم
وبما ان عيالي الله يهديهم مايعجبهم العجب فقررت اسوي مثله بس بطريقه تعجبهم
حطيت كمية تمر لين (خلاص) كبر الكف>>> قلت اجرب كمية بسيطه عشان مااخرب التمر وفي الاخير يعيفونه
وحطيت ملعقة زيت زيتون ورشيت ربع ملعقه صغيييييره من الحلبه المطحونه>>> لاتكثرين تراها مررررره
وللمعلوميه: طحنت الحلبه وشخلتها او صفيتها في مشخال او منخل او مدري وش اسمه؟؟
عشان مايحسون فيها
وعجنتها مضبووووط
وشكلتها على شكل اسطواني
وحطيت قسم منها في جوز هند وجزء في فارماسيل بالكاكاو وجزء في فارماسيل ملون
وهذي صورتها
وهذي صورتها في العلبه
طبعا سويتها البارح
واعجبتهم ولا حسوا بالحلبه لانها قليله
وقلت لهم انها حلاوه بالتمر
وخليت بنتي تساعدني في الشغل عشان تحس انها انجزت وتتشجع تاكلها
ونصيحه لوجه الله جربوها ماراح تخسرون شيء
عندي افكار ناويه اطبقها واتمنى اسمع افكاركم واقتراحاتكم
*افكر احشيها مكسرات منوعه خاصة اللوز
بما انها مفيده ومغذيه
*وافكر الفها في ورق مثل الحلاوه الجاهزه ولا ادري اي ورق ممكن يناسب؟؟؟ وش رايكم؟؟؟
*وافكر اغرس فيها اعواد اسنان منوعه ومشكله
الطفل يمل بسرعه ويكره الروتين
عشان كذا خلونا نتعاون ونسويها لعيالنا وكل مره شكل مختلف
طبعا كل كم ساعه مري عليهم بالعلبه وخليهم يختارون الشكل اللي يعجبهم
ماهوب شرط تكثرين لهم
والله يعينكم على الريحه >>> الله يعزكم
بسبب الحلبه
بس الحمدلله الشتاء على الابواب ولا راح تبين مع استمرار النظافه
ولاتنسون ان هذا موسم الامراض والانفلونزا
واي استفسار انا جاهزه وفي خدمتكم
اختكم المحبه لكم ولعالمكم
فتوووو
بس تناسب كل الاطفال في جميع الاعمار