قالي أنا فيه وحده بحياتي

ادري كثير كثير بينقدوني لكن اقسم بالله اني ندمانه قد قد شعر راسي بقولكم الموضوع من الأول أنا كنت بالتويتر وكنت احب اعبر عن كل شي داخلي شخص نشب فيني يمين بالله ٧ شهور كنت متجاهله وجوده كان ناشبه بشكل ماحد يتخيله وطول وقته ينتظرني ويحاول يبي يتواصل معي وكنت متجاهله فجاه مدري لعب علي ابليس سوالفي شوفي وش يبي وش عنده كلمني سولفنا حسيت عادي اول فتره يعني ماكان يهمني ابد ابد
فجاه صار يكتب لي
صحيتي ؟
اكلتي ؟
نمتي
وش سويتي
وين رحتي
صار يهتم بأدق تفاصيلي صرت افقده لو مر يوم
ماسال كل السوالف هذي كانت بالإنستقرام فقط
لان كنت حاطه أنا استقرامي بالتويتر يعني كنت رافضه سناب رافضه كل شي
فجاه بعد خمس شهور طلبني سنابي وعطيته بدون شعور مستعده كنت اسوي كل شي عشانه
لما عطيته زاد جرعه الاهتمام والحب وكل شي كل
شي كان محترم معي عمره ماقال لي صوري لي
او بكلمك او شي المره الوحيده قال ودي أشوف صوره لك وعادي إذا ماتبين ووريته صوره عاديه بحجاب لي بسفره واستمرررررر علقني فيه بشكل جنوني بنات سحرني لما مايكلمني اقسم بالله العظيم نفسيتي تنعدم وأنفس واكره كل شي
ولا أتحمل كلمه مم اهلي او احد واكره نفسي حتى
فجاه بعد سنه بدا يتغير يسحب علي كثير
يجلس بالساعات مايرد
صار يقول أنا مضغوط
أنا ابوي تعبان أنا فيني وفيني
صار يبي يحذفني من الإنستقرام بحجه اهله
شافو اللي عنده وقالو ليش مجمع بنات
لأنه فاتحه انستقرامه
وحذفني !!!!!!
هنا شي صحاني نشبت فيه وش فيك
كنت مقهوره قلبي زي الجمره فيه من القهر
ابكي كل يوم متعلقه فيه مو قادره أتخطى
كنت اهين نفسي له بس عشان يرد علي
ويصير زي قبل كثير بينقدوني لكن
لو جربتو شخص اول شخص بحياتكم يهتم فيكم
ويعلقك فيه بتفهمون مقصدي
صار يحسب كثير كثير انصدمت من حركاته
سجلس اسبوع أسبوعين مايكلمني
رحت صارحته وش فيك
ليش تسوي معي كذا قام يقول اني تدور مشاكل
يقصدني
واني حومت كبده بحركاتي !!
وبس ازعل وطفش وماعرف ايش ومضغوط
فجاه قرر يحذفني سناب !!!!
هنا الطامه
لما قال لي
أنا فيه إنسانه بحياتي ولا ابي العب عليك ولا العب بمشاعرك ولا اعلقك فيني أنا صح فيه إنسانه بحياتي بس بفتره كنت متهاوش معها
وصرت ابعد عنك عشان ماتتعلقين زياده وتتعبين
لان انا احترم الانسانه اللي بحياتي ولا ابي أتعدى وادخل بعلاقه غيرها !!!!!! تعرفون شعور احد
يكب عليك مويه بارده هذا إحساسي بالضبط
ليش سويت فيني كذا ليش ماصارحتني
حذفته بدون اي كلام بس للحين لي شهر وشوي
كل يوم كل يوم انام وانا ابكي مو حب فيه
قد اللي سواه فيني ولعب فيني وعلقني سنه وشوي
وتعبت نفسيتي معاه اقسم بالله مو حب قد ندم قهر ودي انتقم منه باي طريقه قلبي أحسه جمره من القهر بس مادري وش اسوي مو قادره أمارس حياتي كاره نفسي وأهلي وصديقاتي مالي خلق شس
مات عندي الشغف بكل شي بكل شي
بس انام واصحى لي شهر وشوي كذا بدون اي حياة كاني إنسانه ميته