السلام عليكم ورحمة الله وبركاته
كثيرا مااقرا مواضيع بهذا القسم وفيها سؤال وجوابها يكون نفس قصتي..
حبيت اشاركم فيها عشان تعرفون ان حتى اكبر خبير واستشاري مايعرف شي عند قدرة الله.
نبدا؟؟
انا كان عندي 3 اطفال.. وحملت بعدهم بتوأم وولدت ولادة مبكره والله ماكتب لهم يعيشون.
بعدين حملت 3 مرات وكله اجهض.
قررت اني اروح دكتور افحص يمكن فيني شي!!
رحت استشاري كبير في مستشفى خاص ورئيس وحدة العقم واطفال الانابيب.. معاي ولا لاااااااا؟؟
ترى ازعل واعصب!:mad:
سويت سونار يوم 12 وقال مافي تبويض
تعالي يوم 15
جيتهم
سويت سونار واخذت النتيجة للدكتور.. طالعها وفحصها وقال بالحرف الواحد:
(فين البويضات يافاطمة.. مافيش تبويض الشهر ده!!:icon33::icon33::icon33:)
انا: يعني شنو؟؟
الدكتور:يعني فيكي عقم !!!!!!
انا: هااااااااااااه وش تقول؟
والبزران اللي فالبيت من جابهم؟
الدكتور الاهبل: انا الي ئدامي(قدامي) بيئول(بيقول) ماعندكيش بويضات.
بصي حئولك حاجه.. دي مسأله وارده للستات كلهم..وانا استشاري وشايف حاجات كتيره(استشاري طل بعينك)
روحي الشهر ده والدورة مش حتنزل بس حننزلها.
والشهر الجاي حنبدأ بالمنشطات..
(والله العظيم اني كأني اشوفه الحين واسمعه الحين قدامي)
ووووورجعت البيت وسويت مناااااااااااااااااحة:icon33:
ورجلي يحاول يهديني وبديت استقبل التعازي وطبعا لازم امي تقولي(هذي جزاتج يومنج تاكلين حبوب منع الحمل..هالحين تدورين الحمل ماتلقينه ..:44:)
وطاف اسبوعين
واسبوع
وماجات الدورة
تورم صدري
لاعت كبدي
كثرت روحتي وانتو بكرامه للحمام
وشكيت بالامر!! فكرت ان قلت لابوعيالي بحلل بيقول هذي انجنت
رحت بسيارتي بعد الدوام وحللت دم وتخيلوا مفاجأتي والدكتور يقولي
مبروك يامدام حامل:icon28:
هااااااااااااااااااااااه؟؟ كذاب!!
قال:ليه يامدام الغلط؟؟
قلت احلف قال والله العظيم(يجاريني يخاف اني مجنونة)
رجعت البيت وبشرت الكل.
وطبعا الدكتور الاهبل ماخليته:)
انطروني اقولكم شنو سويت معاه...بتموتون من الضحك!!
يلزم عليك تسجيل الدخول أولًا لكتابة تعليق.
ههههههههههههههههههههههههههههه سبحاااااااااان الله
ننتظرك ياقلبي لا تطولييييييييييييييييييين
ننتظرك ياقلبي لا تطولييييييييييييييييييين
زائرة
•
كملي
ماشاءالله
ع البركه
ماشاءالله
ع البركه
الصفحة الأخيرة
والله يتمم لك بخير ويتربون بعزك
بانتظار البقية