اختكم في الله تبغى تستشيركم في مشكلتها مع زوجها
ندخل في الموضوع على طول زواج اخوي اخر الاسبوع رحت مع زوجي نختار فستان لفينا السوق كله ماعجبني الا فستان غالي ب5000 ريال!!!!! يمكن البعض يشوفه عادي والبعض يشوفه كثير احنا احوالنا ميسوره والحمدلله يعني انا متاكده اني ما راح اكلف عليه لو دفع 10000ريال قالي زوجي العزيز مستحيل لاتحلمي فيه ومشينا بس حزت في نفسي انه مستكثر علي انا لو هو قبل وقال خذيه راح اقوله غالي بس كذه كبرت في نفسي وقلت مستكثر علي خصوصا اني غير متطلبه ودايم اجحد نفسي في سبيل ارضاءه ولاني عارفه ان الدنيا زائله المهم ..........واحنا راجعين للبيت قعدت اصيح واقوله انت مستكثر علي ومن ذا الكلام اللي اوجعه في الصميم قالي بكره اجيبلك هذا الفستان جعلك تنحرقين فيه ...........! ونمنا واصبحنا الا الفستان عندي ايش المشكله
اولا ضميري يؤنبني لاني شريت فستان بهذا المبلغ كثير عليه ومايستاهل خصوصا اني مو من كثر خرجاتي وسهراتي يعني حدي سهرتين ويقعد بالدولاب
ثانيا لاني اغضبته وما راح يرضى بسهوله ولا راح استمتع بارتدائي لهذا الفستان انا عارفه نفسي وهو زعلان علي لا تقولون هو جابو برضاه والبسي وانبسطي لانه صعب علي
ثالثا هو قالي جعلك تنحرقين فيه :icon33:يعني كيف البسه وهو دعا علي مع اني مو قصدي ازعله بس هو زعله شين
الله يوفقكم دلوني كيف اتصرف بهالموقف اروح ارجع الفستان بدون علمه واجيب غيره والا البسه وانبسط وهو اخرتها بيعذرني الفستان رائع وتصميم وموديل كنت اتمناه بس انا بين نارين
والا اخليه واسترضيه خايفه :44:اضيع الوقت خصوصا ان الفستان محتاج اكسسوارات وغيره وما في وقت :(
