dianah840 :

مو واضحه المشكلة يعني راجع من السفر واخدك تطلعي؟؟ يعني مفروض يرتاح شوي وتاني يوم طلعتوا مثلا ..الرجال لما يكون تعبان او نعسان او جوعان بكون ما اله خلق ومعصب ونفسيته زفت عشان هيك مافي داعي للمواجه او تسميع الحكي او الزن او النكد اكبر مثال البارحة زوجي رجع تعبان من شغله بس اجبرته نروح نجيب اغراض للبيت وطول المشوار وهو مضايق ومتنرفز ومعصب علي وانا ولا كلمة ليش او شو فيك او ليش مبوز او اي شي مبتسمه وبجاريه بالسوق وبالطريق لين ما روحنا البيت تعشينا وخلاص اعدنا حسيته هو لحاله شوي شوي صار مرتاح ويتحدت معي من غير اي ضغط مني ..وقتها عرفت لانه تعبان ومغصوب عالطلعه كان متنرفز وبس ارتاح فرفش وتعدل مزاجه ...المعنى لما يكون زوجك مضايق وتعبان بعدي عن النكد والزن تمااااااااااماااااا ومادام كل ما تسير مشكلة بينكم بحكيلك روحي لبيت اهلك فشكلك من النوع الزنان او النكدي ..لانه بهاي الطريقة حابب يتخلص من النكد ومن الزن وابسط حل يطلعك من البيت هو يرتاح وانتي تغيري جو عند اهلك هلا صارت المشكلة وما بعرف الصارحه شو الاسلوب الامثل للصلح بينكم بس برايي لا ادخلي حد بينكم مو محتاجه الكل يعرف مشاكلكم وهو هلا متنرفز وبس تكبر والكل يعرف ممكن ما تصغر نهائيا. انا برايي خلي اخوكي يرجعك لبيتك ...سمعتي شو حكيت بيتك مش بيته ..الوحده ما تطلع من بيتها الا للضرورة القسوى ..وبحالة صار زعل بينها وبين زوجها اياكي ثم اياكي ثم اياكي تتركي بيتك زعلانه من زوجك ازعلي ببيتك ...يعني حتى بالدين الاسلامي الوحدة اذا تطلقت وهي بالعدة اضلها ببيتها .. هاي من حكمة الله سبحانه وتعالى وجودك بالبيت بطري القلوب وبخلي مواقف تسير بينكم فبلين الموقف وبتنحل المشكلة ..لو حكالك اطلعي من بيتي روحي بيت اهلك ..احكيله هدا بيتي زي ما هو بيتك وانا مستحيل اطلع من بيتي ونصيحه مني غيري اسلوبك مع زوجك بلاش اسلوب النكد والمعاتبة والبوز واللوم والزعل ...بالكلمة الحلوة بطلعي الحيه من جحرها ... خليكي دايما مبتسمه معاه ..امتصي غضبه وزعله ..خليكي فرفوشه ..خليه يحب الاعده معكي والطلعه معكي... لما يكون تعبان كون الصدر الحنون الي يمتص تعبه ... المراة هي عمود البيت اذا عرفت كيف ادير امور بيتها راح تعيش بجنه ..واذا كانت نكدية وزنانه وواقفة على كل كلمة صدقيني راح ينخرب بيتها ..الرجال ما بتحملوا ..والمشكلة المجتمع عاطي الرجل الصلاحية الكاملة بكل اشي انه يطلق ..يتزوج.. يعلق زوجته.. يطردها من البيت يضربه..ا كل شي وماحد بلومه كوني ذكية واكسبي زوجك وحافظي على بيتك

مو واضحه المشكلة يعني راجع من السفر واخدك تطلعي؟؟ يعني مفروض يرتاح شوي وتاني يوم طلعتوا مثلا...