قال انتي تلبسين عشان تلفتين انتباهي

ابداءقصتي وحبيت اكتب في نك الاخت القمر ملاك لانه فيه ناس يعرفون نكي

ومابيهم يعرفون حياتي الخاصه اما الاخت القمر ملاك جاره وعزيزه يوم عرضة عليها

الموضوع قالت ابراحتك

اناتزوجت من تسع سنوات زوجى ماهو ابصوبي لاهي عني في نزواته يوم عرفت انه عنده علاقات مع

بنات قلت يمكن التقصير منى بديت ابحث في نفسي غيرت طريقه لبسي طريقة طبخي اسلوبي معاه كل شي

يجي في بال اي حرمه امخليته عند اهلي مافيه مثله اثنين

بس ذبحني بنزواته اتهاوش معه اخذ الرقامهن ادق عليهن كل وحده تقولي قصة وحده تقول مادريت انه متزوج

هويقول انه عازب المهم على هذا الوضع من تزوجت رساله رايحه ورساله جايه قلت اجلس معه واكلمه يقول

ليه نقاط ضعفي عشان اقويها قال والله اني احبك وهذول مثل النعال الله يكرمكم كل واحد يلبسه ويفسخه


هذول مثل البانه الي لاراح طعمها تنكب في الزباله

والمصيبه قال انا عارف انك تلبسي وكل مره بلك عشان تلفتين انتباهي وانتي مشكوره على الي اتسوينه والله من

غير ماحس قلت له الفت انتباهك ولا اجييب لي واحد من الشارع الفت انتبهه انا مابي منك شي اعطيني زي

ماتعطيهم انت كلمت الله يعطيك العافيه اتخسرها في وهذول يوم اقرى سجل المحادثات كلمات الشوق والهفه وكلمت

احبك وحشتيني مووووت وكلمات غزل كثيره اعطيني مثل ماتعطيهم عصب وسرخ في وجهي وقال لاتقرنين نفسك

فيهم هذول ضايعات كل وحده اهلها مسلمينها جوال ومايدرون عن هواء دارها


ومن هل كلام في كل مره بس مافيه نتيجه ابد تعبت منه ماخليت طريقه ماسويتها

اخر هوشه اتفقت معه انا نعيش اصدقاء لاني ماعندي استعداد تجيب ليه ايدز ولامرض من الامراض المستعصيه واني جالسه عشان اعيالي بس يكبرون امشي

هو وافق في البدايه بس بعدين عارض وقال لو لقيتي رقم وحده سوي الي تبين بس للاسف ماطلع قد كلمته

الله ايخليكم ابي حل لاني تعبت مررررره