السلام عليكم
حبيت اتناقش معكم في موضوع محير واحس انه صاير موضه
السالفه ياطويلات العمر>>اخلصي علينا
فيه وحده من قريباتنا الله يستر عليها >>مو قصدي احش فيها بس ابي لها حل
تحاول انها تزوج بنتها لواحد من اخواني >>اخطب لبنتك
مع انها كانت تعاتب امي زمان في تربيتها لاولادها \
وما تعجبها تربيه امي
وتقولها عيالك فيهم وفيهم
وكانت ماتخلي شينه ماتطلعها على اخواني
والحين تبغى واحد من اخواني زوج لبنتها
والادها من ذالك >>امحق لغه عربيه
انها تخير بنتها تبغي فلان ولا علان >>ياعيني الاخت ضامنتهم بجيبتها
وترى بالهم طويل بالسوق طالعين على ابوهم
وقالت لها البنت انا ابي فلان
لان فلان وظيفته احسن واضمن
وكمان راتبه زين والبنت والله صغيره على هالسوالف
بتقولون كيف عرفت
انا اقول لكم
البنت نفسها هي اللي تجي وتخر سوالف امها كلها عندنا
واللي هذي سوالفها ماتضمنيها
اذا ماحفظت سر امها تبغوها تحفظ اسرار الناس ولا اسرار زوجها
انا ابغى اعرف كيف جاتها الجرئه وتفاتح بنتها بهالمواضيع
وبنتها وين راح خجلها
اخبر الوحده لما يجونها خطاب تستحي >>كيف هذي
وكيف تعلق بنتها بآمال ماتدري هل تتحقق او لا
ايوه نسيت اقول
انها كانت تقول لأختي سولفي عني عند فلان
علشان يتعلق فيني >>شوف قوت العين
اعذروني بس والله من الحره اللي فيني
طولت عليكم بس حبيت اسمع آرائكم بالموضوع
وش الدبره معهم
دره الشمال @drh_alshmal
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
اقول اذا البنت كويسه توكلوا على الله