جرحوني كثير @grhony_kthyr

عضوة فعالة

قال ايش قال عنوسه ضفوا وجيهكم بس

الله يجزاها خير صاحبه المعرف صديقتي مخليه معرفها سبيل لي افضفض فيه الله يوفقك ياقلبوووو
بتكلم بموضوع شابن كبدي شبببب *_*

انا ماودي ادعي

على اللي طلع الكلمه هذي ودي بس ادري منهو واتوطى ببطنه قسم شي يقهر المشكله انه مصطلح عاااااااااامي اللي مطلق هذا المسمى على البنات طبعا جايبه من بطنه اكيد وش اقول عنه بس وزادو كلمه عليه سموه شبح العنوسه هههههه الله يقطع بليسكم اجل شبح ولا لكزس يعني صار تقدم العمر وحش ينخاف منه ياكل بعبع الله يكمل عقولكم انا اشك انه عربي اللي اطلق الاسم على البنات لان الانجليز مااتوقع الزواج مهم عندهم اي سن تتزوج استغفرالله يعني ماعندهم حلال وحرام سيم سيم يعني

والله لاشفنا بالقران ولا بالسنه طاري العمر بالزواج بالله عليكم قد قريتوا حديث عن عمر البنت اذا تقدم محد يرغب لها والله ماعمري قريت ابد ابد ابد اللي اعرفه ان يه حديث يقول من جائكم من ترضون دينه وخلقه فزوجوه وفيه حديث من لم يستطع البأه عليه ان يصوم وكذا

اما انهم يجون ويطلقون المسمى اللي سبب رعب وحزن وتعب للبنات صارت البنت من تبلغ تفكر متى اتزوج اخاف اصير عانس حرام عليهم والله كل مادخلت منتدى القى شكاوي بنات وخوفهم من العنوسه ترى كله من كلام الناس ونظراتهم لو محد يتكلم ويؤمن ان الزواج رزق ومقدر ومكتوب كان ارتاحوا البنات لكن انتم تخلونهم يفكرون ياعمري يالبنيات لدرجه انهم يبكون حساسات لاتزوجت الوحده ولقت من يرضى فيها بدت تقهر البنات اللي ماتزوجوا وتجرحهم وتجيب طاري العنوسه وتخوفهم عشان هي تزوجت وافتكت عادي ماهمها ترى فيه طلاق فيه ترمل فيه ان زوجك يتزوج ليك وهالشي اصعب ترى والله حرام عليك والله بنات اعمارهم صغيره صاروا يخافون من العنوسه احسه وحش

والله اني اخاف من العنوسه انا عندي رهاب وفوبيا هههه من الكلمه هذي من يوم عمري 18 والقهر انهم محددين عمر وياليتهم متفقين على عمر معين يعني شوفوا البياخه والخرط كل واحد يقول سن كل مجتمع يحدد سن للزواج
ناس تعتبر اللي تدخل 20 عانس والله العظيم ان قد سمعت وحده تقول عندنا البنت تدخل عشرين يبدون الناس يتكملون فيها ياربي متى يبون البنات يتزوجون تترك الحفاظه والرضاعه وتتزوج على طول يعني ياربي قهروني من جدد والا سن 23 وفيه 25 و28 و30 عاد اللحين يقولون ارتفعت صار 33 وفيه ناس تقول 35 ياسلام شفتوا التقديرات يعني ماعندهم ساااااالفه عاد انا اشوف قريباتي ماتزوجوا الا فوق 23 انسب سن للزواج فوق 23 وهذولا يقولون عانس محد يبيها على كيفهم واحس الكلام هذا واللي يقولون عانس وماعانس ويتفلسف احس ماعنده ثقه بالله ومايدري ان ربي الرازق
على ذا الحال لاصارت العنوسه حددتوها بسن العشرينات محد تزوج اجل على كذا يابنات اجلسوا ببيوت اهلكم لان الناس حكمت عليكم بانكم مرفوضين ومحد يبيكم ماقول الا الحمدلله والشكر على نعمه العقل والدين وترى اللي لاحظتهم مشتددين بالسعوديه اهل الجنوووووووب واليمن وفلسطين والامارات والبدو عموما والسودان وسوريا واللي اشوى يعني مو مره متشددين بعض مناطق السعوديه والكويت ومصر والمغرب والاردن اهون شوي لكن فيهم المتخلف واللي يقول الكلمه

ومايقول ذا الكلمه الا المتخلف الجاهل ومايقهرني الا لاجاء واحد متعلم مثقف منصب يتكلم عن العنوسه اصلا لو انت مثقف ومتعلم انفيت الكلمه وماتكلمت عن العنوسه لكن وش نقول غير الله يكمل عقولهم ولاتاخذون بكلامهم ابد لايهمكم كلام الناس
تدرون ان فيه بنات اللحين صاروا يتزوجون بسن ثلاثيني صاروا الناس يتعجبون من زواجها بهذ السن كيف تزوجت رجال بعمرها ولاهو معدد ولا شايب يستغربون مره ليش لانهم خلاص كانوا عادينها عانس ومحد يقبل فيها الا الشايب المعدد والله لما تزوجت وحده اعرفها بسن الثلاثين سألت قالت زوجها صغير ولا كبير قالت وحده لا بعمرها قالت سبحان الله ومتعجبه مررررره ويبدون الناس يتكلمون كثير كيف اخذت رجال بعمرها

والحمدلله مسمامهم خربوطي تافه لان البنات يتزوجون يعني وين العنوسه واللي تقولون ان محد يبيها الحمدلله انهم شافوا بعيونهم كيف البنات يتزوجون بجميع الاعمار وكلن له نصيبه واللي يقولون ماتتزوج الا شايب اقولهم ياما بنات بـ 15 و 17 متزوجات شيبان ومعددين يلا ليش ماخذت شاب دليل انه ربي قدر لها وكتب لها هذا الرجال وفيه بنات فوق الثلاثين متزوجات اصغر منهم كان بأمكانه ان بتزوج بنت اصغر منه لكن لانه الله كتبه هذا النصيب صار !

ماقول الا الله يكفي البنات شركم انتم ومسماكم البايخ والله يحفظهم من عيونكم

طنشوا بنات وعيشوا حلاوه اعماركم سنه بسنه ولاتهمكم كلمه عانس لانه تخريف من واحد مخرف فيه زهايمر الحمدلله ان ربي هو المدبر والرازق

يلزم عليك تسجيل الدخول أولًا لكتابة تعليق.

تسجيل دخول

هــيــفــاء 1400 • 13 سنة

يازين العزوبية بس

جرحوني كثير • 13 سنة

ندري ان العزوبيه زينه بس وش يفكنا من الممروضين والنفسسين والمتخلفين لاشافوك مبسوطه ولاهمك الزواج نكدوا عليك يقولون مستحيل ترتاحين بدون زواج يحسبونك تكابرين وتخففين على نفسك وتصيرين ولاشي عندهم لانك بلا زوج وعيال حتى اللي تزوجت ماافتكت لاتزوج عليها زوجها ولا ماجابت عيال ينكدون علييييييييييك ويكرهونك بعيشتك ويحسسونك بالنقص والنقص طبعا كله فيهم حسبي الله

نفيسه احمد • 13 سنة

ولله صدقتي ,,

هالكلمه تطارني وين مآروح ,,

عندي نقطه مهمه وابيك تتخلينها معي ..

(( مجتمعـــــــــــــــــــنا الفاشل ..))

ســــآره عمرها 30 ومتزوجه وبس مامعها شهـــآده ...

عبيـــــر .. عمرها 30 وعزباء ومعها ماستر وتحظر للدكتورء ..

نظره المجتمع لهن ..

ســـآره ... ( ماشاءالله عليها حرمه جيده والنعم فيها وينظرون نظره لها باحترام ويحترمونا ويقدرونها ويعزمونها ولها صيت يلعلع )

عبيـــر ... (( ياحرام يامسكينه وش تستفيد بالشهاده اذا ماعندها العيال ومهمشه تهميش فظيع ونظرتهم لها شفقه ولله يستر عليك ))

يعني يرسلون اشاره لنا تدبسي في آي وآحد ..
طيب وش اسوي اذا ماجاء نصيبي قولولي وش اسوي ..

على قولت جدتي الله يرحمها (( دايم تقولي شهادتك بليها وشربي مويتها ))

والله صدقت هذاني الي هاليوم وانا ماتوظفت ولاتزوجت .. الله يسخر لنا ازواج صالحين ..

~ بيلسـان ~ • 13 سنة

يضفون وجيهيم بالقوووووووووه

يعني لو الزواج حلو كان كل الناس المتزوجين مبسوطين بس ياربي لاتبلانا

حكاية احساس * • 13 سنة

يققهروننن وقسسسَممم ><
آوووفف ! ’