والله كلامك نفس حالتي انا ولدت قيصري مرتين
المره الثانيه جلست 16 ساعه بالطلق وانفتح الرحم 10 سم ولكن ربي ماكتب راسه مارضي ينزل مع الدفع
وتحولت قيصري
كانت ولاده صعبه بس الحمدلله رب العالمين عارفه ان فيها تكفير ذنوب
والقيصري والله تطول الوحده ماتتشافى انا شفت بنات ولدو بعدي طبيعي تشافو قبلي
وبعدين اللي تقولك مافي اجر قولي لها
حديث الرسول عليه الصلاة والسلام

( ما يصيب المسلم من نصب ولا وصب ولا هم ولا حزن ولا أذى ولا غم حتى الشوكة يشاكها إلا كفر الله بها من خطاياه )

الحمدلله تكفير ذنوب واذا صبرت واحتسبت ألم القيصري صارلي بعد زيادة حسنات

والله سبحانه أرحم الراحمين والحمدلله دام ولدي بصحه وخير هذي نعمة عظيمة والحمدلله على نعمة الامومه







جلكسي
حنا نحب نتشكى كثير
أسأل الله العظيم الحي القيوم انه يذوقك ماذوقنا من الالام القيصري ووقتها بس تعرفين اذا حنا نحب نتشكى
وعيب عليك تقولين عننا الاموات العائدون
وتذكري ان اللي يعيب اخاه المسلم بشيء مايموت الين يشوفه
حسبي الله عليك ونعم الوكيل

انا جربت الثنتين قيصري وطبيعي والله القيصر شفت الموت بعيني مت مت من التعب الله يكتب الاجر والطبيعي الحمدالله اسهل بكثير يكفي انه بغد الولاده امشي واروح بدون مساعده

اعصابك يالغلااااااااااااااااااا اله مايضيع تعب احد والاجر من عند الله مو الناااااااااااااااااااس

انا ودي اولد طبيعي لاني شايله هم الالم بعد مااصحى من البنج ولدت بنتي طبيعي والحمد لله كانت ولاده ميسره بفضل الله ومره سويت عمليه لحمل خارج الرحم والله لما صحيت من البنج صرت اتشهد والله قلت هذا الموت يمكن هذا نزع الروح حاسه ضلوعي راح تتكسر من الالم وكل شوي انادي الممرضه ابغاها تنادي الدكتور تقول لا مافيه مشكله واللحين حامل و من الشهر الاول وانا شايله هم الولاده خايفه تكون قيصري مو لاني اشوف الطبيعي اسهل لا لانه لما خلاص تولدين يروح الالم و تقدرين تشيلين طفلك وتجلسين ومايكون عندك خوف ان العمليه تنفك واسبوع وامورك تمام ان شاء الله اما العمليه لما خلاص تولدين يبدأ الالم وتحسين نفسك عاجزه فعلا
دعواتكم بالولاده السهله الميسره واني اقوم انا واجنتي بصحه وسلامه وربي يكتبلي الخيره ان شاء الله سواء طبيعي او قيصري لانه كله باجره اهم شي اشوف عيالي وانا وهم بخير

استغرب هذه الجراءه فاللي تحدد اولدي طبيعي او قيصري
كانه زر بجهاز الولاده

لو لاقدر الله وتعسرت او التف الحبل السري على رقبه الجنين او نزلت السوائل والطلق مستمر والرحم مسكر او الحوض صغير
تضطر للعمليه

استغفروا ربكم بعضهن تتكلم واثقه تقول مثلا باخذ غيار واحد يكفي لاني بولد طبيعي وبطلع ثاني يوم لبيتي
وش هالثقه والضمانات تدرين عن علم الغيب وش ربي كاتب لك
او تقعد تفتخر بين الحريم اولدوا طبيعي لايضيع اجركم خلوكم مثلي طبيعي كان الاجر بيديها وعندها خزائن السماوات والارض توزع الارزاق

لو تعسرت ولادتها وذاقت الموت وقرروا لها عمليه ساعتها بتندم
فاحمدن ربكن على العافيه واسألن الله ان يهون علينا وعليكم الطلق والوضع ويصلح النيه والذريه ودعوا امور الغيب لخالقها