قال ايه بيحٍــــــــسدوني عليه!!
السلام عليييكم يالله انك تحيي وتبقي
قبل ابدى قولو ماشاء الله خاف تحتوني ويصير لوني رمادي بدال البني .. --> روحي بس !
هالموضوع من اول وانا افكر اكتب عنه من شين اشوفه ادري بتستغربون بتقولون وش فيتس ينظل لاتناظروني موب انا انا اقول من شين اشوفه في الناس ! وعلى قوله القايل العين ودت ناس للقبور والعين حق والله يكفينا شرها يارب .. :09:
كثر خير الناس وكثر حسدهم الله يعافيهم ولا يبلانا هذا مرض من جد !
تلقاها ربي منعم عليهم بيت وسياره موديل الفين وعشره وبنات وعيال ورجل ومستقره في بيتها الحمد لله وتنحت خلق الله ان اعرست بنت فلانه قالت اييييه الله يخلف على بنتي ماعرست وهي اكبر منها طيب هذا رزق من ربي وش تحسين فيه صارو الناس مايفكرون الا في انفسهم وبس .. :42:وغيرها كثير من هالنمونه استغفر الله بس ..
بس حرام عليهم مايفكرون في الناس اللي ينحسدون يتعبون تعب ويتمرمطون من مطوع لمطوع غير ان بعض الحالات تروح ل اخصائي نفسي تشوف وش فيها من امراض نفسيه واخر شي تفكر فيه انها ترقي نفسها وتتعب مع الرقيه ياجعله تكفير وطهور ونور يارب
الواحد المفروض اذا جاز له الشي يذكر الله وش بيضره لين قال ماشاء الله وحده تقول لي والله اني اعرف لتس وحده لين قلت لها قولي ماشاء الله اذكري الله تقول منيب قايله واحسن خلهم يتعذبون ياربيييييه وش هالنجاسه في هالناس شي يفوووح الكبد ..
قبل فتره تسولف لي وحده تقول ان امي جاها مرض غريب ماندري وشو حتى يوم رحنا المستشفى استغربو قالو اول مره تجينا حاله مثل كذا بس الوكاد انه مرض شين تقول ماجاها المرض ولا حست فيه الا يوم سكنا بيت جديد من سكنا وامي تعبانه تقول انا مااشك في احد بس كل ربعنا من النوع اللي كذا يقولون هذي اللي تقول اتسلف ولا معي شي وين جابت قروش البيت بالله تقول والله ان هالبيت ربي رزقنا وتسلفنا منا ومنا بعد بس الناس وش يدريهم بس مانقول الا حسبي الله ونعم الوكيل ..:) قسسسم بالله اني رحمتها الله يشفي امها يارب ومن اشتكي من المسلمين تقول بنعيش حياتنا مثل الناس ان بغى اخوي يشتري سياره قلنا له يكفي ماجا امي جاني واحد ماعليه وابن حلال رديناه قلنا يكفي ماجا امي لين متى بس . . ؟ عاد الواحد يتوكل على الله وان شاء الله موب جايه الا كل خير ولا يصير موسوس بس هي تقول من شين نشوفه صرت اوسوس الله لا يلوم اللي يلومها صدق فيه مجتمعات كثير يعانون البلى لين جتس تنظل وهي مستقصده هالشي واللي يشب التسبد زود لين صارت قريبه لتس مره وش ترجين من الغريب ..
اشوى اني شينه ماينخاف علي اصلا العين لو فكرت تجيني بترجع مكانها وبتهون شفتو ان الشين نعمه يالطخمان .. :icon33:
رجعنا لكم بعد الفاصل الاعلاني .. :icon28:
تصدقون عاد حتى الام تنظل بنتها وحتى الوحده لين اعجبت في نفسها تنظل نفسها بعد ذي معلومه جديده اشوف امي لين شافتنا نناظر في المرايه قامت تلاغي لا يدخلتس جني قلت يميمتي اصلا الجني لو بيفز لي ماقعدت اناظر المرايه بتالي هالليول تطمني وانا بنتس موب جايني شي ابد ..
وياكثر قصص العين والحسد لو اكتب لكم كلها ميب كافيه الصفحه ( قولي انتس ماتبين تكتبين ولاتقعدين تصرفين يالهيلق) بس اخلي لكم المايتس تقولون لنا تجاربكم --> وش تجاربه الله يصلحتس .. ؟
اقصد يعني في احد قد جاه عين ? انا عن نفسي قد انظلت بس في الاكل هههههههههه وانظلت في القهوه بعد اول اخلص ترمس كامل من غير رايي جتنا شغاله حتتني قالت انتي كلو اشرب قهوه انا غسل ترمس يوم ثاني طبعا الترمس اليوم الثاني يجيكم يابس ويالله ينغسل قالت مالي الا احتها عشان تفكني وحتتني بنت اللذين والحين ماشربها كثير يعني حدي فنجال فنجالين وامتر .. :(
ايوه عطونا قصصكم احد قد صابه عين وعانى منها الله يبعد عنكم عين الحسود اللي تبون قولوه مابي اطول عليكم عشان ما اغثكم طال عمركم وتسان به احد ينظل يعلمني اخذ من غساله وارش الحاره به على اني داريه انه موب نافع الا ان تسان نخمره بكبره في طشت --> امزعوها بالله حاقت الموضوع حوق وهو بليا شي مايحتاج .. !
اخر شي احب اقول لكم ..
علينا يابني ادمين انا ما نحسد اي انسان اذا شفنا واحد صاحب صحه زينه نقول اللهم صلي وسلم على نبينا محمد والله يتمم عليه صحته يارب والله لا يضره والله يزيده ولا ينقصه ياكريم واذا شفنا واحد جماله يشق الجبهه :42:نذكر الله ونصلي على النبي عليه الصلاه والسلام وندعي له نفس الشي ان الله يتمم عليه جماله ويزيده جمال والله يزينا بزينه الايمان وطاعه الرحمن يارب وان شفنا واحد فلوسه واجده وربي منعم عليه نذكر الله وندعي له ان الله يبارك له في فلوسه والله لايغير عليه يارب وتذكر ان ربي ماعطاك ماعطاه الا للحكمه منه سبحانه يمكن ربي يعطيك جمال ومال وعلم وصحه وتغتر بها !! وان نحب الخير لناس كلهم ولانحصر الخير لنا وبس حب لأخيك ماتحبه لنفسك ياخي :44:
ازهد في الدنيا يحبك الله
وازهد في ما عند الناس يحبك الناس :26:
18
2K
يلزم عليك تسجيل الدخول أولًا لكتابة تعليق.
مابه مشاركات معقوووووووله؟؟؟ ماعاد بنزل لكم مواضيع
ودي تحطون قصصكم ببسسسسسسسسسسسسسس
ودي تحطون قصصكم ببسسسسسسسسسسسسسس
ياكرهي للناس إلي تطالع لغيرها وهي بنعمة
اذكر في اختبارات الوزارة الإسئلة بتكون صعبة والكل متخوف منها
المهم جبت في أحد المواد علمية ماشاء الله درجة مرررة عالية >>>>>>>>> اصلاً احبها المادة هذه
ويوم اخذت الشهادة عشان اسجل في الجامعة اعطيتها لخالي هو يسجل لي
لانه ماعندي نت>>>>>>>>>>>>>>قصة حياتي ماشاء الله
المهم كان عنده واحد من اصحابه خالي ماحرص على الشهادة لا حاطها في مكان الكل يشوفها
هذا صحابه يوم شاف النتجية فتح فمه في ذي المادة مدري هو قال ول ولا ايش مدري عنه
راح قال لزوجته وماخلى احد وانتشر خبري في الحي كله انه فلانه اعلى درجاتها في مادة كذا
شوفوني الحين لي 4 سنين في الجامعة ولا انا قادرة اتخرج تعبت مرة من قسم لقسم
ولسى باقي على التخرج 3 سنين
ومو قادرة اخذ من اثرهم لانهم بعيد واهلي يقولوا انتي شكاكة
اذكر في اختبارات الوزارة الإسئلة بتكون صعبة والكل متخوف منها
المهم جبت في أحد المواد علمية ماشاء الله درجة مرررة عالية >>>>>>>>> اصلاً احبها المادة هذه
ويوم اخذت الشهادة عشان اسجل في الجامعة اعطيتها لخالي هو يسجل لي
لانه ماعندي نت>>>>>>>>>>>>>>قصة حياتي ماشاء الله
المهم كان عنده واحد من اصحابه خالي ماحرص على الشهادة لا حاطها في مكان الكل يشوفها
هذا صحابه يوم شاف النتجية فتح فمه في ذي المادة مدري هو قال ول ولا ايش مدري عنه
راح قال لزوجته وماخلى احد وانتشر خبري في الحي كله انه فلانه اعلى درجاتها في مادة كذا
شوفوني الحين لي 4 سنين في الجامعة ولا انا قادرة اتخرج تعبت مرة من قسم لقسم
ولسى باقي على التخرج 3 سنين
ومو قادرة اخذ من اثرهم لانهم بعيد واهلي يقولوا انتي شكاكة
الصفحة الأخيرة
لو كلن يذكر الله اذا شاف شي يعجبه كان الدنيا بخير