قال :-ذكرى زواجنا ........قال ا:-لحمد لله والشكر

السلام على الكل الحاضر والغايب واللي راح يقرأ العنوان وعلينا يطل
كيفكم بنات
انا من القارئات لهركن ومتابعة طبعا بأهتمام
وكالعادة مرة اضحك على حال ومرة أبكي من هالحال
احيانا اتمنى اسوي اي شي تسوونها لكن اكيد خيبة الأمل
وبمعنى اصح (الكسحة ) متولمة
المهم .....يابناتمن هلكسحا ت مايلي:_
يوم انها تجي ذكرى زواجنا الأولى :23:
والي كنت احلم بها قبل لا أتزوج واتخيل واتخيل مالت علي
وانا توي طالعة الأربعين مالي كم يوم وفرحانة اختنا بالله
وجهزت العشاء وجهزت الهدية والحال حال وفجأة
طبت اخت المعزب وعيالها اللهم ياكافي .....
وعينك ماتشوف النور:30: وقعدوا الى الفجر
انا حسيت روحي بتطلع وقلت لها بأسلوب طبعا ان الليله ذكرى زواجنا
ودي استانس اناا والمعزب لكن الأخت طناش
لا وتصف لي بلياليها هي وزوجها الخ ...
وما اطلعو الا وروحي طالعة وعفت الأول والتالي.
قلت يابنت معليه بعد الصلاة والمهم يصحي الولد واواوا
الرجال حطا راسة ونام وانا آه وآه قلت بكرة ماعلية
وبسم الله الرحمن الرحيم توني ابغى استانس وجبت طاري اخته
وانها الله يهديها خربت علينا ليلة امس
أعطانا الأخ محاضرة طول وبعرض عوفني ذكرى الزواج للي هي له

اما ذكرى زواجنا الثانية اكثر الم وقهر :06::(
غلفت الهدية وسويت كرت وقلت ابغى كل شيء بصمت وانا رايحة للدوام
حطيتها عند راسه الصبح قبل لا أطلع وهو نايم
وانا في الشغل ولعت نفسي اعرف رد فعله وخصوصا ذاك اليوم كان فية شغل جامد
وما طلعنا الا العصر ومن لقافتي:o قمت اتصلت عليه الا الأخ بارد
ولعت بالزيادة ويتكلم بدلاخة بعد قلت مع السلامة
ولما رجعت البيت لقيت الأخ مولم الهدية والحال حال فرحت واستانست
قلت يابنت يالله جهز حالك والبسي فستانك حق زواجكم كلمني قال
لا تسوين عشاء انا اجيب معي قلت وش هالتطورات
المهم دخل فرح طبعا واستانس والعشاء (سندوتش فلافل ) وبيبسي:11:
قلت هين ماعلية المهم نستانس
تعشينا قال انا عندي شغلة اخلاصها وارجع قلت طيب استناك
ويلطعني الأخ لين اذن الفجر انا مليت وقلت هذا حظي حطيت رأسي ونمت.
الأخ طلع ناسي انه مواعدني اصلا آه وآه وآه
وتجيك الثالثة ...
متهاوشين ولنا اسبوع ما كلمنا بعض
قلت يابنت اغتنمي الفرصة مافي الا هالليلة تصفي النفوس
المهم قمت على ذيك البالونات وانفخ فيها لين طلعت روحي
ومليت غرفة النوم وجبت ذيك الهدية اللي كان دايما يتمناها
وحطيتها بين أكوام البالونات ومع الكرت طبعا وسويت روحي زعلانة
وماتكلم معهلين دخل غرفة النوم لحاله وتفاجئ طبعا وجاء
يشكر ويعتذر وخلاص انتهي كل شيئ ولما جاء الليل قلت نستانس
قل معليش حبيبتي انا تعبان مرة ودي انا
قلت هذا حظي مقفي آه آه آه
اما المرة الرابعة والله شيئ يضحك
نحاسة على اصولها
قلت مابغى احوس واتعب حال والأخ محلك سر وطناش وكأن شئ لم يكن
قلت بسوي له كرت على خلفية الجهاز وأقوم وأطلع فني الأول والتالي
بذيك البطاقة وابيات الشعر عاد كنا طالعين من شقتنا اللي تزوجنا فيها
فكانت الأبيات تهيج الذكرى للمكان القديم واللقاء الأول واتمنى فيها
لو نرجع لذيك الأيام وذيلتها بتوقيع
عندما اصبحت زوجة وتاريخ زواجنا ؟/؟/؟؟14هـ
ورحت لبيت اهلى قلت اونس
اللا الأخ يتصل ويزابد ويخانق:30: ويقول
( اذا العيشة ما يعاجبتك معي اقعدي بيت أهلك أحسن لك )
والله ان دميعات تناقزن من عيوني:06: مادري وش انا مسويه
اثر الأخ يحسب اني اذكر ايام اول يوم اني عند اهلي وقبل لا أتزوجه
واتحسر على ايامي معه آه آه آه
وبطلعة الروح الأخ رضي بعد يومين من ذيك السالفة
اعوذ بالله
ماصارت ذكرى زواج قصة حياتي ههههههههههه

وذلحين قربت ذكرى زواجنا الميمون
ومحتارة اسوي هالمرة شي ولا لا؟
أو بلا ذكرى زواج بلا بطيخ؟