قال لها بتزوج عليك ... تعالوا قولوا وجهة نظركم بتستفيدون ان شاء الله

السلام عليكم


هذي وحده تقول : السلام عليكم ورحمة الله و بركاته :redface: البارح زوجي العزيز جالس يتقهوى و مروق و كل شي تمام

وانا مع الصغار الي يصيح و يبكي والي يخرب و اسولف معه شوي و ارضع هذا شوي و اسولف بالواتس شوي :biggrin: المهم

اني خدمات عامة :glotz: شووي الا يطالع فيني و يعطيني ذيك النظرة قال والله لأطق عليك الثانية يبغى يجس النبض و

يشوف ردة فعلي يشوف بنصدم ولا ببكي ضحكت قلت له من اللي مسكك رح و البنات وش كثرهم ماشاء الله قال كذابة

مو من قلب كلامك قلت شف ياحبيبي و بديت اقصف جبهته :biggrin: قلت ان اسعدتني اسعدتك وان استغنيت عني فــ انا

اكثر غنى عنك تحسب ماعندي الا انت في حياتي عندي ربي و صلاتي و قرأني و عبادتي و امي و ابوي و عيالي

واخواني و اخواتي و صديقاتي هذي كلها كافية انها تنسيني شي اسمه انت طبعا لاحظت اثار الصدمة في وجهه ماتوقع

الرد قال علي الحرام مالقى مثلك قلت ايه تسذا ...


يعني الزبدة اذا زوجك يلمح وانتي مو مقصرة معه بشي جمال و عيال و سناعة و وفاء و دين ليش تبكين ليش تقهرين نفسك

خليه يروح الله يحفظه مشكلتنا نخلي الزوج شي اساسي في حياتنا و اهم ركن في حياتك ومن دونه نموت و نذبل ؟

لو طاح طحتي وراه وهذا خطأ مفروض الزوج ( ركن يدخل يجمل حياتك ) و يغيرها و يكون وسيلة لطاعة الله لكنه يشغلك عن كا شي لا

لا تتحدى صبر الانثى

فمن استطاعت ان تتحمل نزع جنين من احشائها ,, و هزمت الم المخاض قادرة على ان تنزعك من قلبها

و تحتمل فقدك بنفس الصبر

لذا تعلموا احترام هذا المخلوق العظيم الا هي الانثى الجميلة :33:




كلام اعجبني مره و كله سليم 100 % و حقيقة كلنا نغفل عنها

الى متى و حنا كذا خلاص كل وحده تراجع حساباتها

كلن له دوره في الحياة بس للاسف حنا حطينا الرجل اهم شي هو مو كل شي

حتى الي ماتزوجوا عادي عيشي حياتك و لا تأكلين هم الزواج ابدا

الموضوع مو من باب التخبيب لا بس علشان نصحى

احترمي زوجك و قومي ببيتك و لا تخلين شي ناقص لكن مو تحطين زوجك كل شي لا اهتمي بنفسك و عيشي حياتك

شوفوا الرجال يسهر و يروح و يجي و يلقى كل شي جاهز
خلاص انتي سيري و زوري اقاربك و لا تقاطعين صديقاتك و احط تحت الصديقات 100 خط

و قومي ببيتك خلاص الحمدلله لا تشتكين كل شكواك لله و اذا جاب طاري الزوجة الثانيه لا تقومين الدنيا و تقعدينها
خليه براحته هم يجيبون طاري الزوجة الثانية بس يبغون يعرفون ردة الفعل

ماشاء الله عليها صاحبة القصة بطلة صراحة


اعيد و اكرر احترمي زوجك و خليه طريق لطاعة الله و اكسبي اجر


ابي اعرف وجهة نظركم

دمتم بود :33: