قال لي اللي يسوي هالشي مع زوجته اشوفه غبي

السلام عليكم 
مختصر الكلام كنتت اسولف انا وزوجي وتدرجت السواليف لين وصلت للفلوس بيد الزوجه قال المفروض الحرمه ابد ماتمسك فلوس وغبي الي يحط فلوسه بيد زوجته ماشفتي اللي زوجها عطاها بطاقته و راحت شرت له منها هديه ب 5 الاف يعني اهدته من فلوسه ،،، ويضحك ،، قلت مو كل الحريم كذا اذا انت تعرف زوجتك عندها حسن تدبير مو مشكله تكون البطاقه بيدها كلنا واحد ،، قام ضحك وقال اي هين،، قلت ليه ماتعطيني بطاقتك ؟؟وانا  الله الشاهد قلتها امزح ،، قال انا غببي؟ قلت ماتثق فيني ؟ قال الا قلت خلاص عطني اخذ حاجتي وارجعها قال قولي كم تبين وانا اعطيك قلت لا ابي تعطيني البطاقه وتقولي لاتصرفين اكثر من هالمبلغ قام يضحك وقال والله لو اني دلخ ماسويتها قلت ايه بانت علوم الحين المهم هو صرف الموضوع وانا سكت

اللي يقهر اني قبل سنه  احتجت حساب بنكي فارغ اجمع فيه اي فائض مالي عندي احتياط اذا انزنقت بيوم من الايام قالي مايحتاج تفتحين حساب جديد انا هذا حسابي فاضي خذيه والبطاقه معي عشان لاتصرفين منها قلت كويس عشان لو كانت بيدي باضعف بيوم من الايام واصرفها ،،، هو امين جدا على حسابي وللحين سننه كامله ماانسحب منه شي مع انه باسمه ووبطاقته لكن بعد كلامه لي انقهرت كيف مايثق فيني وانا اثق فيه 

فكرت من بكره اروح افتح حساب خاص فيني واخذ كل المبلغ عندي عشان بس أأدبه ان دام اني مو قد الثقه فهو مو قدها وشرايكم اسويهها ولا اتعوذ من ابليس ؟؟ لاني لو سويتها اعرفه مابيقول شي لكن بينقهر من عدم ثقتي ويجلس زعلان بالايام وانا ماهمني زعله بالطقاق الي يطقه ابيه يحس بقهرتي 

شورو علي لان شياطيني براسي الحين وابي حد يقول الراي السديد بدون اي تحيز