قال لي طاح الحطب ايش قصده

السلام عليكم
أنا مطلقه لي قرابة شهر ونص وطلاقي للمرة الثانيه اي قبل كذا طلقني المهم اهل الخير يحاولون يوفقون بيننا واليوم جا لأولاده وجاب لهم هدايا ، لأنه من تطلقت ما جا ، طبعاً سبب الطلاق منه مو مني ، أخذني رغبه وطلبني من ابويه بنفسه ورمى بي لمن جبت 3 أولاد والحمدلله ملتزمه وداعيه ومعلمة قران واللهم لك الحمد ، بس يعلم الله هو الله الوحيد اللي عالم اللي بيننا ولا ازكي نفسي ع الله ، الشاهد انه اعطى ولده ورده كانت معه ولده جابها لي قال من عند بابا لك ، طبعاً ولدي صغير فالروضه ويكذب يبي يصلح بيننا ، المهم فرحت بالورده وشميتها وكانوا شميت الحب منه ، الشاهد ولدي البكر سنه اولى ابتدائي اتصل ع ابوه وعاتبه قال له ليش زعلت ماما وقال له انو اخويه ادى لماما الورده وقال لها من عندك قال له لا مو من عندي ، الورده لأخوك مو لماما ، طبعا ارسلت له رساله من حقي عليك انك تحسن إلي لين انتهي العده وتنفق علي بعد مع العلم انه ماينفق عليّ وكمان ارضع ولده اللي عمره سنه وواجب انه ينفق ع أجرة الرضاعه وهذا من الشرع المهم بعد ما ارسلت له الرساله ارسل لي هذي الرساله


العذر والسموحه انتهى اللي بيننا "و" طاح الحطب

ايش قصده

ايش قصده من طاح الحطب



انتظر ردودكم