قال لي طلباتي ما تخلص! 😞
السلام عليكم بنات انا زوجي من النوع اللي ما يحبني اطلب شي اذا طلبت يتأففعندي اطفال 2 ربي يحفظهم ويحتاجوا حفايض وملابس بين فتره وفتره وشامبوهات وكريمات وزيوت وانا بعد لي مستلزماتي مع ان والله ما من النوع اللي واجد اشري واسرف ..الاشياء الضروريه فقط والبيت طبعا يبي وانتوا تعرفون كيف مصروف البيت ومستلزماتهوزوجي ما يخب السوق ولا يحب اطلبه يوديني مكان صارلي اسبوع وانا اقوله ابي كماليات لي ولعيالي مثل الشامبو الغسول وسائل الاستحمام واللوشن ومن هالاشياء وكل يوم يقول باكر وبالباكر يقول باكر بعد يعني يماطلني وصارلي شهر وانا اقوله ابي اخذ ملابس للعيال ما شاء الله هم من النوع اللي يطولوا بسرعه وملابسهم ما الحق عليهن ولا وداني ومن كم شهر وانا اقوله ابي افصل عباه ولا وداني والبيت محتاج اغراض كثير ما راضي يوديني اشتري بين كم يوم جاب شوي من اغراض البيت واغراضي واغراض عيالي للحين ما جاهم الفرج اليوم والله اقوله بأسلوب وبالهداوه حبيبي بروح اخذ الاغراض اللي قلتلك عليهم قام وهاوشني وقال لي كله طلباات كل ما اجلس معك طلبتيني شي وكل ما كلمتك ولا طلعنا طلبتي والله اني اطلبه شي ولا اكرر بس مره وحده وانتظر ايام واسابيع واقوله مره ثانيه ما من النوع اللحوح والله جتني الصيحه ما من النوع اللي اطلب انا بس هذي اشياء ضروريه لا تقولون ما عنده هو الحمدلله اموره تمام ولا هو بخيل قبل كان يجيب لنا كل اللي نبيه وكل شهر يوديني اخذ اللي ناقصني بس لحين يماطل ويقول كثير اتطلب شو الحل ؟ كيف ممكن اخليه يجيب طلباتي وما احسسه اني اتطلب كثير ؟ والله متضايقه واجد اشياء ناقصتني وخايفه اقوله ابيها 😓
50
12K
يلزم عليك تسجيل الدخول أولًا لكتابة تعليق.
بينكا
•
يمكن وقتك اللي طلبتيه فيها غلط .. اولا انتضري الرواتب تنزل بعدين اطلبيه واذا نزلك السوق خذي شيء يكفيك ويطول عندك لاتخذي شيء قليل ويخلص بسرعه...وتطلبيه ثاني وكذا يشوفك كل شوي تطلبي .
بينكا :
يمكن وقتك اللي طلبتيه فيها غلط .. اولا انتضري الرواتب تنزل بعدين اطلبيه واذا نزلك السوق خذي شيء يكفيك ويطول عندك لاتخذي شيء قليل ويخلص بسرعه...وتطلبيه ثاني وكذا يشوفك كل شوي تطلبي .يمكن وقتك اللي طلبتيه فيها غلط .. اولا انتضري الرواتب تنزل بعدين اطلبيه واذا نزلك السوق خذي شيء...
كل الاوقات ما مناسبتنه كل مره اختار وقت غير وبأسلوب حلو بس هو ما يبيني اطلب ابدا
وانا من النوع اللي اخذ كميه تكفيني شهر او شهرين وهو هذا اللي يبيه ودايما يقولي كذا افضل
وانا من النوع اللي اخذ كميه تكفيني شهر او شهرين وهو هذا اللي يبيه ودايما يقولي كذا افضل
قشقشي من الجمله دامه كذا يغثك مايجيب الشي اسكتي الحين اسبوع وارجعي اطلبي الله يعينك عليه
قشقشي من الجمله دامه كذا يغثك مايجيب الشي اسكتي الحين اسبوع وارجعي اطلبي الله يعينك عليهقشقشي من الجمله دامه كذا يغثك مايجيب الشي اسكتي الحين اسبوع وارجعي اطلبي الله يعينك عليه
مالي الا كذا
انا اليوم قلتله ما عاد اطلبك شي خلاص اللي تبي تجيبه جيبه وما بطلب قام زعل قال تحسسيني اني ما ابي اجيبلكم طلباتكم بس خففي شوي
سكت عنه وما رديت
مو معقوله المماطله هذي
حتى حفايض بطلاع الروح يجيب ينتظر الين تخلص آخر حبه
انا اليوم قلتله ما عاد اطلبك شي خلاص اللي تبي تجيبه جيبه وما بطلب قام زعل قال تحسسيني اني ما ابي اجيبلكم طلباتكم بس خففي شوي
سكت عنه وما رديت
مو معقوله المماطله هذي
حتى حفايض بطلاع الروح يجيب ينتظر الين تخلص آخر حبه
طيب اطلبي منه المصروف وانتي جيبي الباقي ملابس واغراض البيت والصيدليه اطلبيها اون لاين وتوصل حد بابك وريحي راسك..
الصفحة الأخيرة