او موضوع لي بهالمنتدى الغالي . . ااببدأ مووضوعي بقصه والله اللذي لاإله غيره ان القصص اللي اقولها لكم يا أنا معايشتها ولا اهلي معايشينها عمري ماكتبت شي ماعشته وغرضي من طرح الموضوع تحذير وليس تخويف .
بسم الله نبدأ .. ابحكي لكم عن بنت جيرانا وهي صديقة امي في نفس الوقت كانت امي دايم تحذرها من انها تجلس بملابس عاريه وتشوف جسمها عند المرايه
واحيانا عرض ازياء لأنها كانت مدرسه وماتحب تكرر لبسها فأخر الليل عرض ازياء هذا يناسب هذا مايناسب هذا ضيق هذا وسيع ونفصخ ونلبس وعند هالمرايه وهذا حالنا كلنا يالبنات وبالذات بنات الجامعه والكليه <<< صح ولالا واحيانا .. نرقص عند المرايه .. واللي تكلم نفسها بعد اشكال والوان المهم نرجع لمحور حديثنا ..
في يوم من الأيام كانت جايه من زواج ولابسه عاري طبعا قليل قليل قليل الا من رحم ربي من يلبس في الزواجات ساتر المهم جت بكامل زينتها تشوف جسمها في المرايه وهذا حالنا يالحريم نجلس
عند المرايه وتبدأ التأملات .. اقول فستاني لو اني شايله هالفتحه احسن والثانيه كأنها اول مره تشوف وجها مكياجي مو حلو اليوم . واللي ترقص باقي تأثير الطق .. .. ومن هالكلام ..
ونطالع في هالمرايات اخر الليل .. الشاهد في القصه ..
ان هالحرمه جت من الزواج .. بدلت ملابسها ونامت الأمور ماشيه تمام .. المهم مرت الأيام .. فجأه صارت الحرمه اذا جا اخر الليل تصيييييح وتصارخ ماتبي تنوم عند زوجها .. كأنها مجنونه .. والله ان امها تقول ان زوجها صار ينوم بغرفه وهي بغرفه ..
من صراخها وصياحها .. وكل مال والحرمه تسووء حالتها .. وتنهبل اكثر . كان ذيكـ الأيام امي تقرا عند شيخ .. المهم قالت امي لإمها يمكن بنتكـ فيها عين او سحر بينها وبين زوجها المهم راحوا للشيخ .. وقرا عليها يوم قرا عليها وتقعد تصارخ وتخبط وتخبط تقول امي صراخها يسمعه اللي في اخر الحاره من كرهها للقرايه
ويشدد الشيخ عليها بالقرايه .. ونطق الجني اللي فيها ..قال الشيخ ..
وش اسمكـ قال ناصر .. قال مسلم ..قال لا
قال وش جايها عليه
قال عاشقها
قال وشلون عشقتها .. قال كانت دايم تشوف جسمها في المرايه ويوم شفتاه بكامل زينها عشقتها وقررت ادخلها
قال الشيخ متى دخلتها بالضبط قال جلست احاول احاول احاول ماقدرت عليها الا يوم جا وقت الدوره (( العذر الشرعي ))
دخلت فيها ..قال الشيخ طيب ليش ماتبيها تنام عند زوجها قال انا عاشقها وما ابي زوجها يلمسها ولا حتى عيالها قام الشيخ يحدث عليه طيب اسلم وحرام عليك تظلمها ويحدث عليه ..
المهم في النهايه قاله الشيخ اطلع قال مانيب طااالع انا عاشقها .. مانيب طالع .. واذا زدت علي بالقررآن والله لأكسر ظهرها ..
المهم صارت الحرمه اذا جت عند زوجها انهبلت قامت تخبط وصارت تجلس في غرفه مظلمه المهم انها انحاست ياعمري ..
والله انها تصييييح اذا صحت تقول عطوني عيالي تصيح ابي عيالي ابي ولدي احضنه .. واذا جوا عيالها عندها قامت عليهم وخنقتهم خنق تحلف امها ان عيالها بغوا يموتون بين يديها .. ..
اخر شي كسر ظهرها في الحمام وماتت الله يسكنها جنته ويجعل ماجاها تكفيير لذنوبها ..
والله ان ربي ماحرم شي الا لحكمه .. ولا انزل شي الا لحكمه .. والله يحلف الشيخ يقول اكثر الجن اللي اطلعهم يقولون دخلناهم في قصور الأفراح بسبب لبسهم العاري .. والله سبحانه محرم العاري .. وربي اني من العاري اللي اشوفه اقول بنفسي هذا فستان ولا قميص نوم تجرأو مره الله يهديهم ..قال رسول الله صلى الله عليه وسلم : ( صنفان من أهل النار لم أرهما … قوم معهم سياط كأذناب البقر يضربون بها الناس ، ونساء كاسيات عاريات مائلات مميلات ، رؤوسهن كأسنمة البخت المائلة ، لا يدخلن الجنة ولا يجدن ريحها ، وإن ريحها ليوجد من مسيرة كذا وكذا )
الله يعفوا عنا وعنهم .. ويهديهم ..
بعدين يا اخواني كثير منا .. اذا دخل الحمام بيتروش .. يجرب طبقات صوته ويغني ويصارخ واللي يرقص واللي يجلس يقرا جريده .. واللي تطول بالحمام ساعتين كأنها ماتروشت من سنين
واللي تدخل الحمام تصيح تصيح تصيح وتطلع .. ما صار حمام الله يهديكم يا اخواني الحمام مجلس الشياطين مكان تجمعهم .. المشايخ يحذرون وينذرون .. افتحوا على قناة الرايه شوفوا الهوايل .. الشيخ يوسف الدوس .. والله رحمتها وحده متصله عليه تقول ياشيخ ان زوجي ضربني . ودخلت الحمام ولحقني .. ويخبط علي باب الحمام وكنت اصارخ واصيح .. ودخلني جني .. وصرت انصرع ..
وجلس الشيخ يحذر يا اخواتي
الحمام مكان نقضي حاجتنا فيه ونطلع .. هذا مكان تجمع الجن .. .. وجلس الشيخ يحذر وينذر ..
الشي الثالث .. اللي ابي احذركم منه ..
يا اخواني الكثير منا اذا المغرب تسلطوا عيالهم الصغار بالصياح واللعب والتخبيط . واللعب والركض .. والرسول . صلى الله عليه وسلم لا ترسلوا فواشيكم وصبيانكم إذا غابت الشمس حتى تذهب فحمة العشاء ، فإن الشياطين تنبعث إذا غابت الشمس حتى تذهب فحمة العشاء
ليش لأن الشياطين اذا اذن المغرب تنتشر .. لأن الشياطين تنتقم من الإنسان لأنها تظن انه يأذيها متعمد ..
لازم تعلمون عيالكم واخوانكم الصغار اهم شي .. اذا طاحوا يسمون بالله .. والله في ولد صغير .. يمكن عمره 5 سنين طاح واثره معور .. جني مع رجله .. وسبب له الجني اعاقه .. في رجله ..
يمكن تحسبون اني ابالغ او اكذب والله اللي معه صله مع المشايخ والمرضانين من سحر من مس بيفهم كلامي ..
وعلموهم انهم مايرجمون بالحصا بالنعال بأي شي .. وبالذات وقت المغررب .. لا تصبون مويه حاره او شاهي او قهوه في الحمامات .. او في البر واهم شي اذا بتصب مويه حاره سم بالله اهم شي ذكر الله ..
لأن الشياطين ينتبهون لذكر الله .. فيبعدون ..
وكثثيرر اشوف العيال الصغار اذا جا في الشارع مايمديهم يشوفون قطوه .. (بسه ) الا هم وراها ركض ويرجمونها ويمسكونها واحيانا يقتلونها ..
اول شي ربي محرم ايذاء الحيوانات .. ثاني شي احيانا الجن ينقلبون قطط وكلاب . انتم دارين ولا لا ..
والله ان واحد من جماعتنا توه صغير يحب يعذب القطاوه
وقام مره يوم طلع من المدرسه وضربها بقوووهـ ..
وطاح الولد مريض .. والله والله والله ان امه حلمت كأن حرمه شكلها يخووف مره قالت ولدكـ ضرب ولدي ان مات ولدي والله ان يموت ولدكـ
ومات الولد ..
اخر شي الغفله عن ذكر الله .. يا اخواني معازف الشيطان الأغاني .. وذكر الله حصن للمسلم .. اذا الواحد اربع وعشرين ساعه اغاني وغفله عن ذكر الله ومن معصيه لمعصيه .. يسلط ربي عليه .. كل شي الضيقه الهموم الأمراض الشياطين .. من الإنس والجن .
لقوله تعالى (ومن يعش عن ذكر الرحمن نقيض له شيطاناً فهو له قرين)
فيا اخواني .. لا تغفلون عن ذكر الله .. حصنوا انفسكم بالأذكار واطفالكم ..
والله اني شفتهم ياعمري اذا قروا عليهم .. معاناه والله معاناه افتحوا اليوتوب وشوفوا معاناتهم ..
اسأل الله العظيم ان يشفيهم .. ويخرج مافيهم . والله يكفينا شرهم ..
اسفه على الإطاله ..
اختكم اللي تحبكم ..
عايشه بدون روح
عايشه بدون روح @aaayshh_bdon_roh
عضوة جديدة
يلزم عليك تسجيل الدخول أولًا لكتابة تعليق.
زوجه الغالــي
•
جزاك الله خير
رفع
موضوعك مهم وكتير بنات غافلين عنه الله يكفينا الشر
يعطيك العافيه اساله سبحانه ان لا يحرمك الاجر
موضوعك مهم وكتير بنات غافلين عنه الله يكفينا الشر
يعطيك العافيه اساله سبحانه ان لا يحرمك الاجر
الصفحة الأخيرة