كيفكم اتمنى تكونوا بخير❤️
مثل ما هو واضح في العنوان عن اللي قايم حظها ماشاءالله كيف الطريقه ساعدي اللي حظهم نايم🤣
واكيد سمعتوا او تعرفون احد قام حظه فجاءه مثل ما عندها وظيفه ولا زواج ولا فلوس ولا بيت من ايجار لايجار فجاءه ربي انعم عليها وقام حظها
انا اعرف وحده كذا ، وانا وياها نفس الحاله تقريبا في البيت لا شغل ولا مشغله ولا زواج ولا وظيفه وحالتنا الماديه نوعا ما ضعيفه وغير كذا مشاكل نواجهه في البيت وجد كنا نشتكي لبعض عن مشاكل البيت وبينا خواتنا واخوانا بس مو نوع المشكله وبالتفصيل الممل لا بس المختصر البيت بينفجر من المشاكل ولا احد قلبه على الثاني ما ندري وش السبب
وقبل شهرين ماشاءالله تملكت وتحدد عرسها بعد شهر واللي خذته يمدحونه برى العايله واخلاق ومنصب ربي يسعدهم ويتمم امورهم على خير ❤️
وقبلها بلغتني انها توظفت ماشاءالله
يعني تحسون حياتها مشت بسرعه وتيسرت ماشاءالله وهي بنفسها قالت لي كذا ربي يتمم عليها❤️
وقالت لي انه خواتها واخوانها اعطوها هدايا وانه المشاكل اللي في بيتهم اختفت وبلعكس صارو يحبوا بعض وتعدلت حياتهم
والله اني فرحت لها لانها كانت تتمنى هذي الاشياء وحصلت عليها ربي يسعدها
سوالفنا وقلت لها ايش سويتي او دعيتي لاحظت يابنات تغير الموضوع تقول ادعي ربي قلت اي وش تدعين ابي استفيد منك علشان اهم شي المشاكل اللي في بيتنا تروح هذا اهم شي عندي لانه امي تعبت من المشاكل
لاحظت تغير الموضوع ومن بعدها ما فتحت الموضوع معها مره ثانيه لاني انا انحرجت😂 وبلعكس اقول لها بسلوب ضحك وكيف ، وانه ماشاءالله وهي اكثر وحده تعرفني اني ما احسد وعلشان كذا تبلغني وافرح لها دايما
بس حسيت ما تبي تقول وسكت طبعا وغيرت الموضوع انا ما فهمت هل هي تحسبني احسدها!
والله اول ما قالت لي كنت فرحانها لها واكثر من اهلها يمكن وفي نفس اليوم ارسلت لها ورد وادعيلها والله احبها واعتبرها اخت
بس مدري ليه ما قالت لي او انصحتني مع اني سألتها بس ما حصلت الجواب
وهي تدري انه وضعي نفسها ويمكن اخس لانه عددنا ماشاءالله اكثر ومشاكلنا اكثر بغيتها بس تنصحني
علشان اطبق وجد محتاجه انه حياتي تتغير للافضل
ادري كل شي بيد الله واللي الله كاتبه بيصير
بس بعد الدعاء يرد القدر
واللاحظ بنات نفسها تبارك الرحمن ربي يزيدهم يقوم حظهم مره وحده
وش ادعي ربي فيه ابيه يقوم حظي
جد ودي التغيير فجاءه ابي زوج صالح وخاطررري اكون ام 🥺💔
وفي خاطري اتوظف ويكون عندي راتب شهري
وابي تنحل مشاكل بيتنا. وتكون اقلوب خواتي وخواني على بعضهم لانه الكل متفرق ودايم مشاكل
ابي خواتي يتزوجون وافرح فيهم لانه كبرنا ومحد دق الباب وغير كذا كلمنا خطابات كذا مره ولا انخطبنا ولا شي
الله يسامحها بغيتها تنصحني او تفيدني وش سوت لانه ابي اتغير ووضع بيتنا يتغير
بس الله كريم
انصحوني كيف اصير كذا ويقوم حظي واللي ابيه يصير وكيف حظي يكبر ؟
ابي ادعيه كذا فهمتوا على ؟ يعني يقوم حظي والتغيير بسرعه يصير في حياتي واكون سعيده واهلي نفس الشي
وصار معكم كذا او وحده قام حظها وتيسرت امورها وبلغتك كيف ربي يسرر لها هل من دعاء محدد او صدقه او استغفار...... ،
بس وش ادعي فيدوني ؟
ودي انه امي تفرح فينا لانها تعبت وحرفيا الفرح من زمان ما زار بيتنا 🥺
يلزم عليك تسجيل الدخول أولًا لكتابة تعليق.
زائرة
•
لازم تفعلين بالاسباب ما يصير بس تقولين الرزق من الله و تنتظرين، كل شيء بفعل الاسباب مع التوكل ... واحسني النيه و تفائلي و تصدقي
حفصة💌💍
•
حبيبتي الحظ لفظ خاطي وكلمت قام حظها مو صحيحة لا شرعا ولا عقلا قولي جاء رزقها قولي ربي كتب لها الخير لأنه كله بيد الله وكل شي رزق من الله لا هو تخطيط ولا تكتيك كل ما في الأمر الدعاء والتقرب إلى الله وكل شي يتحقق بإذن الله
قولي اللهم ارزقني خيري الدينا والآخرة اللهم اهدني وسددني ووفقني قولي اللهم اكتب لي كل خير واصرف عني كل شر هذه هي الأدعية مو قام حظي وقام حظها هذا اللفظ غلط لا تتعودي عليه
قولي اللهم ارزقني خيري الدينا والآخرة اللهم اهدني وسددني ووفقني قولي اللهم اكتب لي كل خير واصرف عني كل شر هذه هي الأدعية مو قام حظي وقام حظها هذا اللفظ غلط لا تتعودي عليه
اول شي كل شي ربي كاتبه مفي شي اسمه قام حظها ثاني شي الوظيفه رزق من الله وكل ياخذ رزقه واهم شي تزوجه واخذت وقام حظها هدي شوي الحظ مو رجال وخلاص اهم شي التوفيقاول شي كل شي ربي كاتبه مفي شي اسمه قام حظها ثاني شي الوظيفه رزق من الله وكل ياخذ رزقه واهم شي...
انا ما اقصد كذا اكيد كل شي بيد الله واللي كاتبه الله بيصير واكيد مو كل شي الرجال
هي بنفسها قالت لي تغير وضعها يعني ماشاءالله وظيفه وزوج صالح وراحت المشاكل اللي في بيتهم وصارت مرتاحه اكثر
هذي تعتبر من النعم الله يتمم عليها
واكيد في وحده صادفها هذا الموقف او تعرف وحده صار لها كذا او هي بنفسها تغيرت حياتها بغيت تفيدني بدعاء كيف ادعي انها تتغيز حياتي للافضل
اكيد انا في امور جاهله فيها في الدعاء يعني اعرف احكامه بس في ناس سبحان الله عندهم دعوات اكيد جميله ولها اثر طيب في حياتهم او سمعوا عن دعاء وطبقوا وشافو اثر عظيم في حياتهم
وابيهم يفيدوني ❤️
هي بنفسها قالت لي تغير وضعها يعني ماشاءالله وظيفه وزوج صالح وراحت المشاكل اللي في بيتهم وصارت مرتاحه اكثر
هذي تعتبر من النعم الله يتمم عليها
واكيد في وحده صادفها هذا الموقف او تعرف وحده صار لها كذا او هي بنفسها تغيرت حياتها بغيت تفيدني بدعاء كيف ادعي انها تتغيز حياتي للافضل
اكيد انا في امور جاهله فيها في الدعاء يعني اعرف احكامه بس في ناس سبحان الله عندهم دعوات اكيد جميله ولها اثر طيب في حياتهم او سمعوا عن دعاء وطبقوا وشافو اثر عظيم في حياتهم
وابيهم يفيدوني ❤️
الصفحة الأخيرة
ثاني شي الوظيفه رزق من الله وكل ياخذ رزقه
واهم شي تزوجه واخذت وقام حظها
هدي شوي الحظ مو رجال وخلاص
اهم شي التوفيق